Moisey Qusman
Moisey Timofeyeviç Qusman — texnika elmləri doktoru, professor
| Moisey Qusman | |
|---|---|
| Qusman Moisey Timofeyeviç | |
| Doğum tarixi | |
| Doğum yeri | Bakı, Azərbaycan |
| Vəfat tarixi | |
| Elmi dərəcəsi | texnika elmləri doktoru |
| Təhsili | |
| Mükafatları |
 |
Həyatı
redaktəQusman Moisey Timofeyeviç Bakı şəhərində anadan olmuşdur. Erkən əmək fəaliyyətinə başlayaraq, 1931-1034-cü illərdə o "AzİNMAŞ"da texnik, mühəndis-konstruktor işləyib. 1934-1942-ci illərdə eksperimental turbin qazıması kontorunda mühəndis, baş mühəndisin müavini işləmişdir. 1937-ci ildə "Neft və qaz quyularının qazılması" ixtisası üzrə AzSİ-nun neft-mədən fakültəsini bitirmişdir. 1942-1948-ci illərdə Narkomneftin turbin qazıması şöbəsinin müdiri təyin edilib. 1949-1953-cü illərdə SSRİ Neft sənayesi nazirliyi XKB-2-də baş konstruktor, rəis müavini işləyib. 1953-1983-cü illərdə Ümumittifaq qazıma texnikası elmi-tədqiqat institutunda "Turbin qazıması" şöbəsinin rəhbəri olub. 1963-cü ildə "Neft və qaz quyularının turbin üsulu ilə qazılması" mövzusunda doktorluq dissertasiyası müdafiə edib. 1983-1992-ci illərdə Ümumittifaq qazıma texnikası elmi tədqiqat institutunda böyük elmi işçi işləyib.
Elmi fəaliyyəti
redaktəQusman M.T. tanınmış alim, turbin qazıması sahəsində mütəxəssisdir.
Elmi tədqiqatların sahəsi: neft və qaz quyularının turbin üsulu ilə qazılması; turboruların layihələndirilməsi və istismarı, vintli mühərriklər.
Qusman M.T. 150-dən artıq elmi məqalənin, 12 monoqrafiyanın müəllifidir. İxtiralara görə 200-dən artıq müəlliflik şəhadətnaməsinin və 14 xarici patentin müəllifidir. 8 elmlər namizədi hazırlayıb.
Qusman M.T. SSRİ Dövlət Mükafatı laureatı olmuş, "RSFSR əməkdar elm və texnika xadimi", "SSRİ fəxri neftçisi" adlarına layiq görülmüşdür. O üç dəfə "Qırmızı əmək bayrağı" ordeni, iki dəfə Şərəf Nişanı və bir çox medallarla təltif olunub.