Moisey Toidze

Moisey İvanoviç Toidze (gürc. მოსე ივანეს ძე თოიძე) — gürcü rəssamı, SSRİ Rəssamlıq Akademiyasının akademiki (1947), professor, SSRİ xalq rəssamı (1953). Sosialist Əməyi Qəhrəmanı (1932).

Moisey Toidze
gürc. მოსე ივანეს ძე თოიძე
Doğum tarixi	2 fevral 1871
Doğum yeri	Tiflis,  Rusiya İmperiyası
Vəfat tarixi	17 iyun 1953 (82 yaşında)
Vəfat yeri	Tbilisi, Gürcüstan SSR, SSRİ
Dəfn yeri	Didube panteonu
Milliyyəti	gürcü
Vətəndaşlığı	SSRİ Rusiya
Fəaliyyəti	rəssam, qrafika ustası[d], müəllim
Təhsili	İmperator Rəssamlıq Akademiyası[d]
Janrlar	portret, süjetli rəsm
Stil	Sosialist realizmi
Üzvlüyü	SSRİ Rəssamlıq Akademiyası[d] (1947–)
Mükafatları
Vikianbarda əlaqəli mediafayllar

Həyatı

Moisey Toidze. Qələbə mahnısı, 1948.

Moisey Toidze 2 fevral 1871-ci ildə Tiflis şəhərində anadan olmuşdur.

• 1896—1899-cu ildə Sankt-Peterburqdakı İmperator rəssamlıq akademiyasında oxumuş, İlya Repinin şagirdi olmuşdur.
• 1899-cu ildə Tiflisə qayıtmışdır. Xalq məişətindən səhnələr ("Msxetoba", 1899—1901), portretlər (anasının portreti, 1904—1905) çəkmişdir. 1920—1940-cı illərdə əsərlərində sosializm quruluşunu, gürcü xalqının yeni həyatını, Böyük Vətən müharibəsi (1941—1945) hadisələrini əks etdirmişdir ("Xoşbəxt həyat", 1934, "Cəbhədən məktub", 1942, "Qələbə mahnısı", 1948—hamısı Gürcüstan SSR İncəsənət Muzeyindədir, Tbilisi).
• 1930—1953-cü illərdə Tbilisi rəssamlıq akademiyasının professoru olmuşdur. SSRİ xalq rəssamı Uça Caparidze, Gürcüstan SSR xalq rəssamı İrakli Toidze və s. onun şagirdləri olmuşdur.
• Moisey Toidze 17 iyun 1953-cü ildə vəfat etmiş, Tbilisidə dəfn olunmuşdur.

Ailəsi

• Oğlu — 4 dəfə Stalin mükafatı laureatı, Gürcüstan SSR xalq rəssamı İrakli Toidze;
• Qızı — aktrisa Aleksandra Toidze

Xatirəsi

Tbilisidə Moisey Toidzenin ev-muzeyi yaradılıb (Mitrofan Lagidze küçəsi, 3).

Xarici keçidlər

Moisey Toidze Böyük Sovet Ensiklopediyasında