Mulan (film, 1998)
Mulan (ing. Mulan) - 1998-ci ildə istehsal edilmiş qısametrajlı cizgi filmidir. "Mulan" cizgi filmi "Walt Disney Pictures" studiyası tərəfindən istehsal edilmiş Disneyin 36-cı klassik qısametrajlı cizgi filmidir. Beynəlxalq tənqidçi və tamaşaçılardan böyük nisbətdə bəyənmə yığan cizgi filmi, "Mulan" adlı qəhrəman qızın, mənşəyi Çin əfsanəsindən götürülmüşdür. Orijinal əfsanədə olduğu kimi cizgi filmində ailəsinin qürurunu qurtarmaq məqsədiylə, tanınmış bir döyüş qazisi olan atasının yerinə kişi cildinə girib, Hun ordularına qarşı müvəffəqiyyətlə mübarizə aparan "Hua Mulan" adlı bir gənc qızın hekayəsi göstərilir.[3] Davamı olaraq 2004-cü ildə Mulan 2 cizgi filmi çəkilmişdir.
| Mulan | |
|---|---|
| ing. Mulan | |
 Cizgi filminin teatr afişası | |
| Janr | Macəra |
| Növü |
Məhəbbət Döyüş Dram Komediya Tarix |
| Rejissor |
Toni Benkroft Barri Kuk |
| Prodüser |
Pem Kouts Robert S. Qarber Kendra Halland |
| Ssenari müəllifi | Din DeBlua |
| Rolları səsləndirənlər |
Min-Na Eddi Mörfi |
| Bəstəkar | Cerri Qoldsmit |
| Dil | İngilis dili |
| Ölkə |
 ABŞ |
| Studiya |
Walt Disney Pictures Walt Disney Feature Animation |
| Distribüsiya | Buena Vista Pictures |
| Davametmə müddəti | 88 dəqiqə |
| İl | 1998 |
| İlk baxış |
5 iyun 1998 |
| Büdcə | $90 milyon[1] |
| Gəlir | $304.3 milyon[2] |
| Sonrakı | Mulan 2 |
| ID 0120762 | |
Məzmun
redaktə
Xəbərdarlıq: Yazının davamı əsərin məzmunu haqqında məlumat ehtiva edir.Hunlar Şan Yunun idarəsi altında Çində hökm sürən Han sülaləsinin varlığına son qoymaq niyyətindədirlər. Onların hücum xəbərini eşidən Çin imperatoru dərhal dövlətdə yaşayan bütün kişi nümayəndələrini orduya qatılma əmrini verir. Fa Mulan adlı gənc qız başqalarından bir çox fərqli cəhətləri ilə seçilir. Çində həmin dövrdə qadınlar ərlərinin tam hakimiyyəti altında yaşamaq məcburiyyətindədirlər. Qadınların demək olar ki, şəxsi azadlıqları yoxdur. Yoldaşlarının azadlığı, onların da azadlığıdır. Mulan bu anlayışa qarşıdır və öz azadlığına çox düşkündür. Mulan ailəsinin israrıyla bir gün özünə yoldaş tapmaq üçün qəsəbədə yaşayan qudanın hüzuruna gəlir. Bu zaman uğur gətirməsinin əksinə olaraq problemlər yaradan cırcırama Mulanın cibində olur. Mulan ailəsinin qürurunu ləkələmək istəmir. Lakin Mulanın müvəffəqiyyətsizliyi ucbatından həmin quda, ondan narazı qalır.
Bu müddətdə Çində Hun basqınlarının xəbərləri əsgərlər tərəfindən əhaliyə çatdırılır. Qəsəbədəki digər bütün kişilər kimi Mulanın döyüş qazisi olan atası Fa Zu da döyüşə çağırılır, lakin çox yaşlı olduğu üçün Mulan bunu qəbul etmir və əsgərlərin başçısına qarşı çıxır. Lakin Mulanın atası döyüşə getməyə hazırlaşır və qızının fikri onu çox da maraqlandırmır. Ancaq gecə döyüşərkən tarazlıq vəziyyətini itirir və yerə yıxılır. Atasının ağır vəziyyətini görən Fa Mulan döyüşə onun yerinə getməyə qərara alır. Ailəsindən gizlicə evdən qaçır və özünü kişilərin bir cəmiyyətə qəbul edilə biləcəyi yeganə yol kimi kişi cildində olaraq orduya qatılmaqdır. Bu ərəfədə Mulanın ailəsi onun üçün dua etməyə başlayır. Bu zaman əcdadlarının ruhu peyda olaraq Mulanın geri qayıtması üçün Böyük Daş Əjdahasının köməyindən istifadə etmək niyyətinə düşürlər. Bu səbəbdən onu diriltmək üçün kiçik boylu əjdaha Muşunu onun yanına yollayırlar. Muşunun səhvliyi ucbatından Böyük Daş Əjdahasının heykəli dağılır. Bu hadisənən vahimələnən Muşu səhvini düzəltmək üçün Böyük Daş Əjdahasının cildinə girərək Mulanı geri qaytarmaq üçün əcdadlarına söz verir. Əcdadları isə heykəlin dağılmasından xəbərsizdirlər.
Bu ərəfədə hunlara müqavimətini dəf etmək üçün General Li oğlu Li Şanqa üç ay ərzində döyüşçülərdən ibarət yeni dəstə hazırlamağı tapşırır və özü döyüşə yollanır. Bir müddət sonra Mulan Muşu ilə tanış olur və onun köməyindən faydalanaraq orduya qatılır. Mulan orduda Pinq kimi tanınır. O, özünü digər əsgərlərə oxşadır və döyüş qabiliyyəti, zəkası və cəsarətiylə müvəffəqiyyət qazanır. Müxtəlif macəralardan sonra Li Şanq az heyətdən ibarət dəstəsi ilə hunlarla döyüşmək üçün yola düşür. Bu zaman atası öldüyünü və ordusunun məhv edildiyini görür. Dəstə Tan-Şao keçidində Şan Yunun ordusu ilə qarşılaşır. Mulanın inadlı müqaviməti nəticəsində dəstə üzvləri sağ qalır, Şan Yunun ordusu isə məhv edilir. Bu mübarizədə Mulan ağır yaralanır. Bir müddət sonra Mulanın gerçək şəxsiyyəti məlum olur və dəstə üzvləri tərəfindən tərk edilir. Bu ərəfədə Şan Yu və bir neçə dəstə üzvü sağ qalaraq Çin imperatorunu öldürmək niyyətinə düşür. Bu barədə eşidən Mulan evə geri dönmək əvəzinə saraya tərəf yola düşür.
Mulan Li Şanqı hunların geri dönəyəcəyini xəbərdar etsə də, Li ona əhəmiyyət vermir. Bu zaman Çin imperatoru düşmən tərəfindən ələ keçirilir. Mulan və Linin dəstə üzvləri düşmənlə inadlı mübarizə apararaq onların müqavimətini dəf etməyi bacarırlar. Şan Yu məğlub edilir və Çin İmperatoru Mulana təşəkkür edir. Mulan bu hadisənin ardınca evə dönür və ailəsi tərəfindən xoş niyyətlə qarşılanır. Mulanın arxasınca gəlmiş olan Kapitan Şanq, bağçanın qapısında dayanır və Mulana olan marağını ona bildirmək istəyir, ancaq utancaqlığı səbəbiylə nə söyləyəcəyini dəqiq bilmir. Mulan və Şanqın gələcəkdə evlənəcəkləri arzusu yaşayırlar. Cizgi filminin sonunda balaca əjdaha Muşu öz qoruyucu vəzifəsinə yenidən geri dönür və bunu başqa əcdadların ruhları ilə birlikdə bayram edir.
Xəbərdarlığın sonu.Türkiyədə Mulan problemi
redaktəTürkiyədə, cizgi filmindəki Hun xarakterlərin təsvirinin, mənşələri hunlara söykənən türklərə təhqir olunması səbəbiylə məşhur olmamışdır. Buna baxmayaraq film daha sonra DVD və VCD formatında nəşr olunaraq satışa çıxarılmışdır.
Rollarda
redaktə| Personaj | Səsləndirən |
|---|---|
| Hua Mulan | Min-Na (oxumaq:Li Salonqa) |
| Hua Li | Freda Fo Şen |
| Hua Zu | Sun-Tek O |
| Nənə Fa | Cun Forey (oxumaq:Marki Nikson) |
| Li Şanq | Bi Di Vonq (oxumaq:Donni Osmond) |
| Muşu | Eddi Mörfi |
| İmperator | Pet Morita |
| Şan Yu | Miqel Ferrer |
| Yao | Harvi Fayer Fayerştayn |
| Linq | Ceddi Uoteneyb |
| İmperatorun məsləhətşisi Çi Fu | Ceyms Honq |
| General Li | Ceyms Şiqeta |
Saundtrek
redaktə"Mulan" cizgi filminin ilk saundtrek albomu 2 iyun 1998-ci ildə istehsal edilmişdir. Mahnıların bəstəkarı Cerri Qoldsmitdir. Bu albom ABŞ-nin "Billboard 200" albom hit-paradında 18 iyul 1998-ci il tarixində 24-cü mövqeni tutmuşdur. Saundtrek albomu "Academy Award" mükafatının "Ən yaxşı orijinal musiqi" adlı kateqoriyasının nominasiyasına layiq görülmüşdür. Albomdakı Kristina Eqilyeranın ifasında "Reflection" mahnısı isə "Adult Contemporary" hit-paradında 19-cü mövqe tutmuşdur.[4] Cizgi filminin orijinal sandtrek albomunda 12 mahnı vardır[5]
| № | Başlıq | Müddət |
|---|---|---|
| 1. | "Song: Honor to Us All" | 03:03 |
| 2. | "Song: Reflection" | 02:12 |
| 3. | "Song: I’ll Make a Man Out of You" | 03:22 |
| 4. | "Song: A Girl Worth Fighting For" | 02:26 |
| 5. | "Song: True to Your Heart" | 03:13 |
| 6. | "Attack At the Wall" | 02:16 |
| 7. | "Preparations" | 02:55 |
| 8. | "The Matchmaker" | 01:55 |
| 9. | "Short Hair" | 03:17 |
| 10. | "One Chance" | 01:23 |
| 11. | "The Master Plan" | 01:00 |
| 12. | "Shan Yu" | 01:01 |
| 13. | "Blossoms" | 03:05 |
| 14. | "Shoulders Back" | 01:57 |
| 15. | "Ping" | 00:59 |
| 16. | "The Real Work" | 01:49 |
| 17. | "Morning Assembly" | 01:11 |
| 18. | "Deserted Village" | 01:07 |
| 19. | "Bogus Letter" | 00:58 |
| 20. | "Letter Delivered" | 00:39 |
| 21. | "The Doll Survives" | 03:16 |
| 22. | "Save the Cannons" | 01:21 |
| 23. | "The Huns Attack" | 01:54 |
| 24. | "Avalanche" | 02:38 |
| 25. | "What’s Wrong with Ping?" | 02:45 |
| 26. | "Truth All Around" | 03:25 |
| 27. | "Imperial Palace" | 01:34 |
| 28. | "The Imperial Palace" | 00:44 |
| 29. | "Sword Snatcher" | 00:45 |
| 30. | "Boo" | 02:32 |
| 31. | "A Lucky Bug" | 02:41 |
| 32. | "Gratitude" | 01:15 |
| 33. | "The Pendant" | 00:46 |
| 34. | "The Sword" | |
| 35. | "Song: Reflection (Pop Version)" |
İstinadlar
redaktə- ↑ "Mulan". The-Numbers. Nash Information Services. September 3, 2013 tarixində arxivləşdirilib. İstifadə tarixi: May 14, 2012.
- ↑ "Box Office Report for Mulan". 2018-11-16 tarixində arxivləşdirilib. İstifadə tarixi: 2007-08-11.
- ↑ "Mulan Film-o-holic.com". 2008-07-20 tarixində orijinalından arxivləşdirilib. İstifadə tarixi: 2012-06-08.
- ↑ "Christina Aguilera Billboard Chart History". 2007-08-17 tarixində arxivləşdirilib. İstifadə tarixi: 2007-08-17.
- ↑ "Mulan Allmusic.com". 2013-09-25 tarixində arxivləşdirilib. İstifadə tarixi: 2012-09-21.
Xarici keçidlər
redaktə- Mulan — Internet Movie Database saytında
- Mulan 1998 Arxivləşdirilib 2016-03-06 at the Wayback Machine
- FilmiFIN: Mulan - Special Edition arvostelu[ölü keçid]