Murad Babayev (baş prokuror)

Murad Köçəri oğlu Babayev (10 dekabr 1951, Cəbrayıl rayonu – 6 yanvar 2013, Bakı) — 1991-1992-ci illərdə Azərbaycan Respublikasının Baş prokuroru.

Murad Babayev
Murad Köçəri oğlu Babayev
Azərbaycan Respublikasının Baş Prokuroru 26 noyabr 1991 — 14 oktyabr 1992
Sələfi	İsmət Qayıbov
Xələfi	İxtiyar Şirinov
Şəxsi məlumatlar
Doğum tarixi	10 dekabr 1950
Doğum yeri	Şükürbəyli, Cəbrayıl rayonu, Azərbaycan SSR, SSRİ
Vəfat tarixi	6 yanvar 2013 (62 yaşında)
Vəfat yeri	Bakı, Azərbaycan
Təhsili	Bakı Dövlət Universiteti
Hərbi xidmət
Rütbəsi	general

Həyatı

Murad Babayev 10 dekabr 1951-ci ildə Cəbrayıl rayonunun Şükürbəyli kəndində Sosialist Əməyi Qəhrəmanı Babayev Köçəri Oruc oğlunun ailəsində anadan olub. 1968-1973-cü illərdə Bakı Dövlət Universitetinin hüquq fakültəsində təhsil alıb. 1973-cü ildə Binəqədi rayonunda təcrübəçi müstəntiq, 1977-1980-cı illərdə Bakı şəhərində açılmamış ölüm hadisələri üzrə müstəntiq, 1982-ci ildə Mingəçevir şəhərində prokuror vəzifəsində çalışıb.

1987-ci ildə Azərbaycan Respublikası Baş prokurorunun müavini, 26 noyabr 1991-ci ildə Azərbaycan Respublikasının Baş prokuroru vəzifəsinə təyin edilib. 1992-ci ilin sonunda vəzifəsindən istefa verib. 1993-cü ilin fevralında Bakı şəhər Nəqliyyat prokuroru təyin edilib. 7 il bu vəzifədə işləyəndən sonra təqaüdə çıxıb. Bundan sonra Təfəkkür Universitetində hüquq kafedrasının müdiri işləyib.

Ailəlidir, bir qız və bir oğul atasıdır.

6 yanvar 2013-cü ildə 62 yaşında ürək tutmasından dünyasını dəyişib.

Xarici keçidlər

• Eks-Baş prokuror Murad Babayevlə FOTOSÖHBƏT