Əsas menyunu aç

Murad Rəhimov (ing. Mourad Ragimov) — ABŞ Silahlı Qüvvələrinin Azərbaycan əsilli əsgəri. ABŞ ordusunun kapralı. Murad Rəhimov 2005-ci ilin 25 yanvar tarixində İraqın Fəllucə şəhəri yaxınlığında baş verən helikopter qəzası zamanı həlak olmuşdur.

Murad Rəhimov
ing. Mourad Ragimov
Murad Rəhimov.jpg
Doğum tarixi 2 aprel 1984(1984-04-02)
Doğum yeri Bakı, Azərbaycan
Vəfat tarixi 26 yanvar 2005 (20 yaşında)
Vəfat yeri Anbar, İraq
Vətəndaşlığı
Atası Rüfət Rəhimov
Anası Dinara Rəhimova
Milliyyəti Azərbaycanlı
Saytı ragimov.org

HəyatıRedaktə

Murad Rəhimov 1984-cü ildə Bakı şəhərində anadan olmuşdur. Murad Amerikaya ailəsi ilə birlikdə dörd yaşı olan zaman köçür. Orta təhsilini burada alan Murad 6 yaşında məktəbdən çıxıb kollecə daxil olmaq üçün kurslara yazılır. Murad ABŞ ordusunda xidmət etmək üçün ilk niyyətini ailəsinə bildirir. Ailənin razılığını alqdan sonra Murad ABŞ ordusunda xidmətə başlayır. Murad Rəhimov 2003-cü ildə Birləşmiş Ştatların İraqa müdaxiləsindən bir neçə ay sonra orduya yazılıb San-Diyeqoda hərbi düşərgədə təlimlərə başlamışdı. 2004-cü ilin fevral ayında onun xidmət etdiyi birləşmə təlimlər üçün Havay adalarına yerləşdirilmişdi.

Burada avtomatçı kimi təlim alandan sonra sentyabr ayında o, ABŞ hərbi dəniz qüvvələrinin 1-ci Batalyonunun tərkibində İraqa göndərilmişdi. Murad atasından İraqa göndərildiyini anasına deməməyi xahiş etmişdi. Yalnız bir müddət sonra anası ilə telefon söhbətində o artıq İraqda olduğunu desə də, hərbi əməliyyatlar barədə danışmamışdı. Murad Rəhimov Fəllucə yaxınlığında ən şiddətli döyüşlərin getdiyi bir yerdə xidmət edirdi. O, fevral ayında İraqdan ABŞ-a qayıtmalı idi. Yanvarın 25-də Murad Rəhimov qum tufanı zamanı baş vermiş vertolyot qəzasında 30 başqa Amerika əsgəri ilə birlikdə həlak oldu. Həlak olan zaman Muradın 20 yaşı vardı[1].

Rəhimovların evində hər axşam Muradın otağında onun xatirəsinə şam yandırılır.

Xarici keçidlərRedaktə

İstinadlarRedaktə