Musa Quluzadə
Musa Quluzadə (tam adı: Musa Nizam oğlu Quliyev; 20 may 1939, Xıl, Masallı rayonu) — Azərbaycan tarixçisi, Əməkdar müəllim, Azərbaycan Yazıçılar Birliyinin üzvü.
| Musa Quluzadə | |
|---|---|
| Musa Nizam oğlu Quliyev | |
| Doğum tarixi | 20 may 1939 (85 yaş) |
| Doğum yeri | |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Atası | Nizam Quliyev |
| Elmi dərəcələri | Tarix elmləri doktoru, professor[1] |
| Elmi adı | Professor |
| İş yerləri | |
| Təhsili | BDU, iqtisadiyyat fakültəsi |
| Üzvlüyü | |
| Mükafatları | "Əməkdar müəllim" fəxri adı |
Həyat
redaktəMusa Quluzadə 1939-cu il mayın 20-də Masallı rayonunun Xıl kəndində, əməkçi ailəsində anadan olmuşdur. Orta məktəbin 7-ci sinfini əla şəhadətnamə ilə bitirən Musa Quluzadə Lənkəran Kənd Təsərrüfatı Texnikumunda, daha sonra Azərbaycan Dövlət Universitetinin iqtisadiyyat fakültəsində təhsil almışdır.
Təhsilini başa vurduqdan sonra bir müddət partiya orqanlarında müxtəlif vəzifələrdə çalışmış, daha sonra həmin dövrün sayılıb-seçilən müəssisələrindən olan Lenin muzeyində elmi işçi kimi fəaliyyətə başlamış, sonradan muzeyin elmi işlər üzrə direktor müavini olmuşdur.
Pedoqoji fəaliyyəti
redaktəBir müddət Bilik cəmiyyətində sədr müavini işləmiş, ADU-da tələbələrə tarix fənnini tədris etmişdir. 1991-ci ildən Prezident yanında Dövlət İdarəçilik Akademiyasının tarix kafedrasında dosent kimi fəaliyyətə başlamışdır. Hazırda akademiyada aspirantura, doktorantura şöbəsinin müdiridir. 1984-cü ildən Azərbaycan Yazıçılar İttifaqının üzvü olan Musa Quluzadə 12-dən çox bədii kitabın müəllifidir.
Kitab və məqalələri
redaktə- Dinimiz dünən və bu gün, Bakı, 1996 (monoqrafiya)
- Müstəqil Azərbaycan Respublikasında din münasibətləri, Bakı, 1999
- Azərbaycanda dövlət və din münasibətləri (1920-2000-ci illər), Bakı, 2002
- Azərbaycan SSR-də dövlət və din münasibətləri (1920-1991–ci illər), Bakı, 2006
- Azərbaycanın dövlətçilik tarixi (dərslik), Bakı, 2016[2]
150-dən artıq elmi və publisistik məqalələrin müəllifidir.
Esseləri
redaktə- Xəzərim mənim
- Kor Xəlil
- Sərhədsiz quşlar
- Kölgədə bitən... Kölgədə yaşayan[3]
Mükafatları
redaktə22 aprel 2014-cü ildə Azərbaycan Respublikasının Prezidenti İlham Əliyev tərəfindən "Əməkdar Müəllim" fəxri adına layiq görülmüşdür.[4]
Haqqında yazılanlar
redaktə- Əli Şirin Şükürlü: Mənəviyyat işığında: Musa Quluzadə – 75
- Azərbaycan Respublikasının Prezidenti yanında Dövlət İdarəçilik Akademiyasının Dillər kafedrasının müdiri, filologiya elmləri doktoru, professor Akif Bayramov: Musa Quluzadə - 70
- Yazıçı-jurnalist Nurəddin Ədiloğlu: Professor Musa Quluzadə - 77
Həmçinin bax
redaktəXarici keçidlər
redaktəİstinadlar
redaktə- ↑ "QULUZADƏ MUSA NIZAM OĞLU" (az.). 7 January 2017 tarixində arxivləşdirilib. İstifadə tarixi: 12.04.2018.
- ↑ "Azərbaycanın Dövlətçilik tarixi" (az.). 2018-12-04 tarixində arxivləşdirilib. İstifadə tarixi: 12.04.2018.
- ↑ "Xəzərim mənim - Esselər" (az.). 3 February 2018 tarixində arxivləşdirilib. İstifadə tarixi: 12.04.2018.
- ↑ "http://web.archive.org/web/20181204102745/http://www.movqe.az/news/xeber/33896.html" (az.). 4 December 2018 tarixində arxivləşdirilib. İstifadə tarixi: 12.04.2018.