Mustafa Süleymanov
Mustafa Süleymanov — Azərbaycanlı aktyor
| Mustafa Süleymanov | |
|---|---|
| Fəaliyyəti | aktyor |
| IMDb | ID2957043 |
Həyatı
redaktəMustafa Süleymanov bildirir ki, həyatının ilk dönəmlərində futbolçu olmaq istəyirdi. Lakin bir gün dostu ilə birlikdə Akademik Milli Dram Teatrında "Göy quş" tamaşasına gedirlər. Həmin gündən aktyor olmağa qərar verir.[1]
O, aktyorluğa 1940-cı ildə Ağdam Dövlət Dram Teatrında başlayıb. 1949-cu ilə kimi burada çalışıb. "Vaqif" əsərində ayrı-ayrı vaxtlarda Vaqifi, Eldarı, Qacarı, "Vəfa"da kapitan Bahaduru, "Eşq və İntiqam"da Çingizi, "Fərhad və Şirin"də Fərhadı, Şapuru, Xosrovu, "Oqtay Eloğlu"da Oqtayı, "Məşədi İbad"da Sərvəri, "1905-ci il"də general-qubernatoru canlandırıb.[1]
Səhnədə güllələnməsi
redaktəMustafa Süleymanov 1942-ci ildə "Qatır Məmməd"i tamaşasında Qatır Məmmədi, Əkbər Rəcəbov isə pristav rolunu oynayır. O həmin günü belə xatırlayır:
|
Qatır Məmmədlə pristavın üz-üzə gəldiyi bir səhnəni oynamalıydıq. Əkbər hələ gəlib çıxmamışdı. O vaxt hərbi dərsə gedirdi, tüfəng atmağı öyrənirdi. Nəysə, onu başqası əvəz elədi. Mən də başladım rolumu oynamağa. Bir də gördüm ki, Əkbər səhnənin ortasındadı. Demə, o ki var içər, sona tüfəngi götürər ki, gedirəm, Mustafaya göstərəm əsl pristav necə olur? Bundan heç kəs xəbər tutmaz, çıxar səhnəyə...
Tüfəngi mənə tuşlayıb başladı sözlərini deməyə: -...Mağarada tək qalmış pələng... Mən də cavab verirəm: -...Qurdun adətidi sürüylə gəzmək... - Bil ki, bu məğrurluğun ölümdü sana... Nəysə, bir xeyli deyişdik, İndi silahla məni vurmalıdı. Tüfəng həqiqətən açıldı, düz çənəmi tuşlayıbmış. Qan məni götürüb getdi. Huşumu itirdim, xəstəxanaya apardılar. Üç ay müalicə olundum. Qəlpə üç dişimi çıxartmışdı. Dilimin altından keçib boyun sümüyümü dəlmişdi. Hələ də boynumdadı, 56 ildir ki, məni incidir ”. |
|
Müharibədən sonra
redaktəMüharibə bitdikdən sonra vəziyyətin ağırlığından teatrların birləşməsi prosesi başlayır. Onun çalışdığı Ağdam Teatrını Füzuli rayonuna köçürürlər. Adı dəyişdirilib Qaryagin Dövlət Teatrı olur. O burada 1949-cu ildən 1951-ci ilə kimi çalışır, "Leyli və Məcnun"da İbn Səlamı, "Əsli və Kərəm"də şah rolunu oynayır.[1]
Daha sonra Quba Dövlət Dram Teatrına gedir. 400 dəfə Seyx Sənan kimi səhnəyə çıxır. Daha sonra fəaliyyətinə Akademik Milli Dram Teatrında davam edir.[1]
Filmoqrafiya
redaktə- Qanun naminə (film, 1968)
- O qızı tapın (film, 1970)
- Bakıda küləklər əsir (film, 1974)
- Adı sənin, dadı mənim (film, 1980) (tammetrajlı televiziya tamaşası) (AzTV)
- Qorxma, mən səninləyəm
- Evlənmək istəyirəm (film, 1983)
- Günahsız Abdulla (film, 1984)
- Cin mikrorayonda (film, 1985)
- Sizi dünyalar qədər sevirdim (film, 1985)
- Küləyapardı (film, 1986)
- Məsləhət (film, 1988)
- Yaşa, qızıl balıq (film, 1988)
- Sarıköynəklə Valehin nağılı (film, 1980)
İstinadlar
redaktə- ↑ 1 2 3 4 modern.az. "Səhnədə güllələnən aktyor - "Tüfəng açıldı, qan məni götürüb getdi..." - Teatrda nadir HADİSƏ". modern.az (az.). 2024-04-02 tarixində arxivləşdirilib. İstifadə tarixi: 2024-04-02.