Əsas menyunu aç

Nərmin Qaralova — musiqişünas, ssenari müəllifi, televiziya aparıcısı. Sənətşünaslıq üzrə fəlsəfə doktoru (PhD), BMA-nın dosenti.

NƏRMİN QARALOVA
Nərmin Qaralova.JPG
Doğum tarixi 10 dekabr 1982 (1982-12-10) (36 yaş)
Doğum yeri Baki
Vətəndaşlığı
Peşəsi Musiqişünas

HəyatıRedaktə

Nərmin Qaralova Asəf Zeynallı adına musiqi kollecinin (1997-2001-skripka ifaçılığı üzrə), Bakı Musiqi Akademiyasının (2001-2005 bakalavr, 2005-2007 magistratura, 2007-aspirantura) tələbəsi olub. Tələbə ikən Gənclər təşkilatı ilə ahıllar, körpələr evində, hərbi hissələrdə konsert proqramlarında çıxış etmiş, çoxlu sayda təşəkkürnamələrlə, mükafatlarla təltif edilmişdir. Türkiyənin Ege Universitetinin professor heyəti ilə Azərbaycanın bölgələrində folklor nümunələrinin toplanmasında yaxından iştirak etmişdir. Kollecdə oxuyarkən "Ayna" televiziya filminə çəkilib.

2005-ci ildən İTV-də aparıcı redaktor, 2007-ci ildən isə AzTV-də aparıcı redaktor vızifəsində çalışır. Bu illər ərzində Maestro Niyazi, Canəli Əkbərov, İslam Rzayev, Səyavuş Kərimi, Elmira Abbasova, Rauf Abdullayev, Polad Bülbüloğlu və başqa tanınmış musiqi xadimləri haqda televiziya filmlərini, eləcə də Azərbaycanda keçirilən festivalların (M.L.Rostropoviçə həsr olunmuş 1, 2, 3 Beynəlxalq festivalı, Beynəlxalq Muğam Festivalı, Arif Məlikovun yubileyi ilə bağlı festival, Bakı Caz Ferstivalı 2009 və s) gündəliklərini hazırlayaraq geniş tamaşaçı kütləsinə çatdırmışdır.

Televiziya həyatı ilə yanaşı 2008-ci ildən pedaqoji fəaliyyətlə də məşquldur. O,Bakı Musiqi Akademiyasının "Azərbaycan xalq musiqisinin tarixi və nəzəriyyəsi" kafedrasının baş müəllimidir. 2013-cü ildə sənətşünaslıq üzrə fəlsəfə doktoru adını almaq üçün "Azərbaycan və İran "Şur" dəstgahlarının müqayisəli təhlili" mövzusunda dissertasiya işi yazıb. 2014-cü ildən eyni zamanda Azərbaycan Dövlət Mədəniyyət və İncəsənət Universitetinin Mətbuat katibi vəzifəsində çalışır.

Respublikamızda, eləcə də Gürcüstan, Türkiyə,Qazaxıstan, Rusiyanın müxtəlif yerlərində keçirilən Beynəlxalq konfrans, simpoziumların iştirakçısı, çoxlu sayda məqalələrin müəllifidir.

2015-ci ildən Ü. Hacıbəyli adına Bakı Musiqi Akademiyasının dosentidir.

Ailəlidi, üç övladı var.

FilmoqrafiyaRedaktə

  1. Ayna (film, 2000)
  2. Maestro Niyazi (film, 2007)
  3. Musiqi aləmində (veriliş)