Vikipediya

Nail İbrahimli

Azərbaycan Silahlı Qüvvələrinin kiçik giziri, İkinci Qarabağ müharibəsinin şəhidi, Vətən Müharibəsi Qəhrəmanı

Nail Nəriman oğlu İbrahimli (4 mart 1994, Xaçmaz, Oğuz rayonu – 8 noyabr 2020, Şuşa) — Dövlət Sərhəd Xidmətinin Sərhəd Qoşunlarının kiçik giziri, İkinci Qarabağ müharibəsi iştirakçısı, Vətən Müharibəsi Qəhrəmanı.

Nail İbrahimli
Şəxsi məlumatlar
Doğum tarixi
Doğum yeri
Vəfat tarixi (26 yaşında)
Vəfat yeri Şuşa, Azərbaycan
Dəfn yeri
Vətəndaşlığı
Atası Nəriman İbrahimov
Anası Aqibət İbrahimova
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Sərhəd Qoşunları
Xidmət illəri 2012—2013 / 2019—2020
Rütbəsi Kiçik gizir
Döyüşlər İkinci Qarabağ müharibəsi
 • Murovdağ döyüşləri
 • Füzulinin azad edilməsi
 • Hadrutun azad edilməsi
 • Zəngilanın azad edilməsi
 • Cəbrayılın azad edilməsi
 • Qubadlının azad edilməsi
 • Laçın döyüşləri
 • Şuşanın azad edilməsi
Təltifləri
"Vətən Müharibəsi Qəhrəmanı" medalı — 2020
"Vətən uğrunda" medalı — 2020 "Xocavəndin azad olunmasına görə" medalı — 2022 "Füzulinin azad olunmasına görə" medalı — 2020 "Şuşanın azad olunmasına görə" medalı — 2020

Nail İbrahimli 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan İkinci Qarabağ müharibəsində pulemyotçu olaraq Murovdağın, Füzulinin, Cəbrayılın, Qubadlının, Zəngilanın, Laçının və Şuşanın azadlığı uğrunda gedən döyüşlərdə iştirak etmişdir.[1] Laçın dəhlizi və Xudafərin körpüsü istiqamətində gedən döyüşlərdə istifadə etdiyi taktikalarla fərqlənmişdir.[2] Müharibədə tərəflərin vəziyyətinin dəyişilməsi, qarşı tərəfin demoralizə olmasında rolu pulemyotçu kimi daha çətin tapşırıqları yerinə yetirməsi, müxtəlif uğurlu taktikalardan istifadə etməsi, döyüş aktivliyini artırması və beləliklə, döyüşdə qələbəni asanlaşdırması, döyüşün sonunu tezləşdirməsi idi. O, 8 noyabr tarixində Şuşa şəhəri istiqamətində gedən döyüşlərdə döyüş tapşırığını yerinə yetirərkən həlak olmuşdur, həlak olması növbəti günlərdə təsdiqlənmiş və o, 12 noyabr tarixində Oğuz rayonunun Xaçmaz kəndində yerləşən Şəhidlər Xiyabanında dəfn edilmişdir.

Həyatı redaktə

Nail İbrahimli 1994-cü il martın 4-də Oğuz rayonunun Xaçmaz kəndində anadan olub.[3] Onun ailədə Faiq adlı qardaşı olmuşdur. 2001–2011-ci illərdə V. İbrahimov adına 2 nömrəli tam orta məktəbdə təhsil almışdır. Uşaq yaşlarından güləşlə məşğul olmuş, bir sıra turnirlərdə məktəbi təmsil etmişdir.[4] Subay idi.[5]

Hərbi xidməti redaktə

 
Nail İbrahimli hərbi xidmət zamanı

Nail İbrahimli 2012-ci il aprelin 2-də Oğuz Rayon Hərbi Komissarlığı tərəfindən hərbi xidmətə çağırılmışdır.[6] 2012–2013-cü illərdə Azərbaycanın Fövqəladə Hallar Nazirliyinin sıralarında müddətli həqiqi hərbi xidmətdə olmuşdur. Xidmətini Quba rayonunda yerləşən "N" saylı hərbi hissəsində etmişdir.[7] 2019-cu il oktyabrın 23-də sənədlərini Dövlət Sərhəd Xidmətinin Sərhəd Qoşunlarına təqdim edən İbrahimli həmin hərbi birləşmələrə daxil oldu. 3 ay Xudat şəhərində yerləşən "N" saylı hərbi hissədə kurs keçdikdən sonra eyni hərbi hissədə qoşunların xüsusi təyinatlı dəstəsinin "kiçik gizir"i kimi hərbi vəzifəsinə davam etmişdir. Daha sonra öz istəyi ilə Qazax rayonunda yerləşən "N" saylı hərbi hissədə xidmətdə olmuşdur. Kəşfiyyat qrupuna daxil edilən Nail İbrahimli təlimlərdə fərqləndiyinə görə xüsusi təyinatlılar bölüyünə daxil olmuşdur.[8]

İkinci Qarabağ müharibəsi redaktə

  Əsas məqalələr: Murovdağ döyüşləri, Füzulinin azad edilməsi, Zəngilanın azad edilməsi, Cəbrayılın azad edilməsi, Qubadlının azad edilməsi, Laçın döyüşləri, Hadrutun azad edilməsi, və Şuşanın azad edilməsi

Sentyabrın 27-də saat 06:00 radələrində Ermənistan Silahlı Qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrini iriçaplı silahlar, minaatanlar və müxtəlif çaplı artilleriya qurğularından intensiv atəşə tutmuşdur, nəticədə, həm mülki şəxslər, həm də hərbçilər arasından ölənlər və yaralananlar olmuşdur.[9] Bu barədə məlumat Azərbaycan Prezidenti İlham Əliyevə bildiriləndən sonra günorta saatlarında Ermənistan Silahlı Qüvvələrinin döyüş fəaliyyətinin qarşısını almaq məqsədilə Azərbaycan Silahlı Qüvvələrinin Komandanlığı tərəfindən cəbhəboyu zonada hücum əməliyyatlarının başlaması barədə qərar verilmişdir.[10]

Azərbaycanın Dövlət Sərhəd Xidmətinin Sərhəd Qoşunlarının kiçik giziri olan Nail İbrahimli döyüşlərin ilk günlərində cəbhənin Murovdağ istiqamətində gedən döyüşlərdə iştirak etmişdir.[11] Döyüşlərin nəticəsində sentyabrın 27-də qarşı tərəfin Ağdərə istiqamətində və Murov dağı silsiləsindəki hündürlüklərdə yerləşən postları darmadağın edilərək bir sıra hakim yüksəkliklər (Gamışdağ və Ömər aşırımı) nəzarətə götürülmüşdür.[7] Azərbaycan Silahlı Qüvvələrinin uğurlu əməliyyatı nəticəsində Murovdağ silsiləsindəki Murov zirvəsi işğaldan azad edilmişdir.[8] Nail İbrahimli bundan sonra Füzuli, Xocavənd, Qubadlı və Zəngilan istiqamətində aparılan əməliyyatlarda iştirak etmişdir. Onun iştirak etdiyi qoşunların xüsusi təyinatlı dəstələri bu istiqamətlərdə yerləşən strateji əhəmiyyətli və ya sərhədyanı məntəqələri işğaldan azad edirdi. Bu istiqamətlərdə gedən əməliyyatlar Azərbaycan tərəfinin həm ərazi bütövlüyünü, həm də qonşu ölkələrlə sərhədinin təhlükəsizliyini və azadlığını təmin edirdi. Döyüşlərin nəticəsində Füzuli şəhərinin və rayonun geniş bir hissəsinin azad edilməsindən sonra əsasən Dövlət Sərhəd Xidmətinin xüsusi təyinatlılarından ibarət olan dəstələr və kiçik gizir İbrahimlinin də üzvü olduğu dəstənin əks-hücumu nəticəsində Zəngilan şəhəri qısa müddət ərzində işğaldan azad olunmuşdur.[12][13][14][15][16] Bundan əvvəl 18 oktyabr tarixində Azərbaycan Ordusu Cəbrayıl rayonunda yerləşən Xudafərin körpülərini işğaldan azad edilmişdir.[17] Sərhədyanı ərazidə yerləşən və strateji cəhətdən önəm daşıyan, Arazboyu əməliyyatların mühüm hissələrindən biri olan bu əməliyyatlarda Nail İbrahimlinin uğurlu əks-hücum taktikaları, döyüşün və aktivliyin idarə olunması və pulemyotçu olaraq döyüşün öndən idarə olunması kim rolu olmuşdur. 22 oktyabr tarixində Zəngilan rayonunun Ağbənd qəsəbəsinin azad olunması ilə birlikdə Azərbaycan-İran sərhədinin də azad edildiyi bildirilmişdir.[18] Kiçik gizir İbrahimlinin iştirakı ilə Qubadlı istiqamətində strateji yüksəkliklər, yaşayış məntəqələri, sərhədyanı ərazilər və Qubadlı şəhəri azad edildikdən sonra[19][20] Laçın dəhlizi istiqamətində əməliyyatların aparılmasına başlanılır. İbrahimli bu döyüşlərdə iştirak etmiş və döyüşdə tərəflərin vəziyyətinin müsbətə və ya mənfiyə doğru dəyişdirilməsində mühüm rolu olmuşdur.

Ölümü redaktə

Vətən Müharibəsi Qəhrəmanı, mayor Elvin Səfərovun dediklərinə görə, kiçik gizir Nail İbrahimli pulemyotçu kimi dəstədə çətin və vacib vəzifələri yerinə yetirmiş, döyüşdə əsas rolu oynamışdır, həmçinin, mayor Səfərov bunu da bildirmişdir ki, İbrahimlinin döyüşdə istifadə etdiyi silahı "Hücum" və "PK" pulemyotları olmuşdur. Ona və onun dəstəsinə bir çox mühüm əməliyyatlardan sonra Azərbaycan tərəfinin Şuşa istiqamətində irəliləməsinə şərait yaradacaq, döyüş aktivliyini artıracaq və avantaj və üstünlük qazandıracaq əməliyyatda mühüm tapşırıq verilir. "Nöqtə" əməliyyatında üstünlüyü əldə edən dəstə 8 noyabr 2020-ci ildə Şuşa şəhərinin mərkəzində növbəti tapşırığı icra edir. Bu tapşırıq nəticəsində üstünlük Azərbaycan tərəfinin olacaq və Şuşanın azad edilməsi üzrə əməliyyatlar sonlanacaqdı.[21] Sağ və sol istiqamətdən edilən əks-hücumda tapşırıqda deyildiyi kimi, öndə əməliyyat aparan və tapşırığın mühüm hissəsini icra edən Nail İbrahimli 8 noyabr tarixində Şuşa şəhəri istiqamətində gedən döyüşlərdə döyüş tapşırığını yerinə yetirərkən həlak olmuşdur, həlak olması növbəti günlərdə təsdiqlənmiş və o, 12 noyabr tarixində Oğuz rayonunun Xaçmaz kəndində yerləşən Şəhidlər Xiyabanında dəfn edilmişdir.[22]

Azərbaycanın ərazi bütövlüyünün bərpa edilməsində xüsusi xidmətlərinə və işğal olunmuş ərazilərin azad olunması zamanı düşmənin məhv edilməsi üzrə qarşıya qoyulmuş döyüş tapşırığını yerinə yetirən zaman göstərdiyi qəhrəmanlıq nümunəsinə görə, həmçinin hərbi qulluq vəzifəsini yerinə yetirən zamanı igidliyin və mərdliyin nümayiş etdirilməsinə görə Azərbaycan Prezidenti İlham Əliyevin 09.12.2020-ci il tarixli Sərəncamına əsasən Nail İbrahimliyə "Vətən Müharibəsi Qəhrəmanı" adı verildi.[23]

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Nail İbrahimli ölümündən sonra "Vətən uğrunda" medalı ilə təltif edildi.[24]

Azərbaycanın Şuşa rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Nail İbrahimli ölümündən sonra "Şuşanın azad olunmasına görə" medalı ilə təltif edildi.[25]

Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 05.11.2022-ci il tarixli Sərəncamına əsasən Nail İbrahimli ​ölümündən sonra "Xocavəndin azad olunmasına görə" medalı ilə təltif edilmişdir.[26]

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 05.11.2022-ci il tarixli Sərəncamına əsasən Nail İbrahimli ​ölümündən sonra "Füzulinin azad olunmasına görə" medalı ilə təltif edilmişdir.[26]

İrsi və xatirəsi redaktə

  • 2021-ci il iyunun 25-də İctimai Televiziyanın "Heç kim unudulmur, heç nə yaddan çıxmır" verilişinin növbəti seriyası Nail İbrahimliyə həsr edilmişdir.[21]
  • 2021-ci ildə Oğuz rayonunun Xaçmaz kəndində şəhid Səfa İsazadə və Vətən Müharibəsi Qəhrəmanı Nail İbrahimlinin adına salınmış bulağın açılış mərasimi keçirilib.[27]
  • Oğuz rayon ümumi təhsil müəssisələrindən birində beşinci sinifə adı verilmişdir.[28]
  • Oğuz şəhər 3 nömrəli məktəb-liseyə Vətən Müharibəsi Qəhrəmanı Nail İbrahimlinin adı verilmişdir.[29][30]
  • Oğuz rayonunun Xaçmaz kəndindəki küçələrdən birinə Nail İbrahimlinin adı verilmişdir.
  • 2022-ci il martın 4-də Oğuz rayonunda Vətən Müharibəsi Qəhrəmanı Nail İbrahimlinin xatirəsi anılıb.[31]
  • 2024-cü il martın 4-də Oğuz rayonunda Vətən Müharibəsi Qəhrəmanı Nail İbrahimlinin 30 illiyi qeyd olunub.[32][33]

Təltifləri redaktə

İstinadlar redaktə

  1. ↑ "Nail İbrahimli - Cəsur və qorxmaz döyüşçü - VİDEO". www.news.milli.az (az.). 11.12.2020. 2022-05-19 tarixində arxivləşdirilib. İstifadə tarixi: 19.05.2022.
  2. ↑ ASLAN, Qədir. "Nail İbrahimli". www.respublika-news.az ("Respublika" qəzetinin rəsmi internet saytı) (az.). 04.03.2022. 2022-08-01 tarixində arxivləşdirilib. İstifadə tarixi: 19.05.2022.
  3. ↑ Müdafiə Nazirliyi. "İkinci Qarabağ müharibəsində şəhid olan hərbi qulluqçuların siyahısı" (PDF). www.mod.gov.az (Azərbaycan Müdafiə Nazirliyinin rəsmi saytı) (az.). 22.01.2021. 2021-01-22 tarixində arxivləşdirilib (PDF). İstifadə tarixi: 22.01.2021.
  4. ↑ "Nail İbrahimliyə "Vətən Müharibəsi Qəhrəmanı" adı verilib - VİDEO". www.xezerxeber.az (az.). 10.12.2020. 2021-11-03 tarixində arxivləşdirilib. İstifadə tarixi: 13.10.2021.
  5. ↑ "VƏTƏN MÜHARİBƏSİ ŞƏHİDLƏRİ: NAİL İBRAHİMLİ". www.oguz-ih.gov.az (Oğuz Rayon İcra Hakimiyyətinin rəsmi saytı) (az.). 2022-08-01 tarixində arxivləşdirilib. İstifadə tarixi: 07.06.2022.
  6. ↑ "Zəfərə Nail". www.afia.az (az.). 02.05.2022. 2022-08-01 tarixində arxivləşdirilib. İstifadə tarixi: 19.05.2022.
  7. ↑ "İkinci Qarabağ müharibəsi Qəhrəmanı, kiçik gizir, şəhid İbrahimli Nail Nəriman oğlunun doğum günü münasibətilə informasiya saatı". www.cls.az (az.). 04.03.2022. 2022-08-01 tarixində arxivləşdirilib. İstifadə tarixi: 19.05.2022.
  8. ↑ axar.az. "Vətən Müharibəsi Qəhrəmanı adı verilən 26 yaşlı gənc..." www.axar.az (az.). 11.12.2020. 2021-10-26 tarixində arxivləşdirilib. İstifadə tarixi: 13.10.2021.
  9. ↑ Müdafiə Nazirliyi. "Ermənistan Silahlı Qüvvələri bütün cəbhə boyu genişmiqyaslı təxribat törədib". www.mod.gov.az (Azərbaycan Müdafiə Nazirliyinin rəsmi saytı) (az.). 27.09.2020. 2020-09-27 tarixində arxivləşdirilib. İstifadə tarixi: 27.09.2020.
  10. ↑ Müdafiə Nazirliyi. "Bütün cəbhə boyu qoşunlarımız hücum əməliyyatına başlayıb". www.mod.gov.az (Azərbaycan Müdafiə Nazirliyinin rəsmi saytı) (az.). 27.09.2020. 2020-09-27 tarixində arxivləşdirilib. İstifadə tarixi: 27.09.2020.
  11. ↑ Rasim AMANOV. "Oğuz : Elin cəngavər oğlu, qəhrəman Nail". www.respublika-news.az (az.). 09.07.2021. 2022-03-29 tarixində arxivləşdirilib. İstifadə tarixi: 13.10.2021.
  12. ↑ Anar Tağıyev. "Prezident: Bu gün Azərbaycan Ordusu bir sıra yaşayış məntəqələrini işğaldan azad edib". www.report.az ("Report" İnformasiya Agentliyi) (az.). 03.10.2020. 2021-02-07 tarixində arxivləşdirilib. İstifadə tarixi: 03.10.2020.
  13. ↑ Xəbərlər şöbəsi. "İlham Əliyev: "Biz haqq yolundayıq"". www.report.az ("Report" İnformasiya Agentliyi) (az.). 04.10.2020. 2021-02-07 tarixində arxivləşdirilib. İstifadə tarixi: 04.10.2020.
  14. ↑ Xəbərlər şöbəsi. "Prezident İlham Əliyev daha bir neçə qələbə xəbərini elan etdi". www.report.az ("Report" İnformasiya Agentliyi) (az.). 05.10.2020. 2021-02-07 tarixində arxivləşdirilib. İstifadə tarixi: 05.10.2020.
  15. ↑ "Azerbaijani flag in Zangilan city (VIDEO)" (ingilis). Trend İnformasiya Agentliyi. 20 October 2020. 1 November 2020 tarixində arxivləşdirilib. İstifadə tarixi: 20 October 2020.
  16. ↑ Xəbərlər şöbəsi. "Prezident: "Zəngilan şəhəri və rayonun 6 Kəndi işğaldan azad edilib"". www.report.az ("Report" İnformasiya Agentliyi) (az.). 20.10.2020. 2021-02-09 tarixində arxivləşdirilib. İstifadə tarixi: 20.10.2020.
  17. ↑ "Azərbaycan bayrağı Xudafərin körpüsündə - Video". qafqazinfo.az (az.). 18 oktyabr 2020. 2022-03-26 tarixində arxivləşdirilib. İstifadə tarixi: 18 oktyabr 2020.
  18. ↑ "Zəngilanın daha 13 kəndi işğaldan azad edildi". qafqazinfo.az (az.). 22 oktyabr 2020. 2020-10-28 tarixində arxivləşdirilib. İstifadə tarixi: 22 oktyabr 2020.
  19. ↑ "Qubadlı şəhəri işğaldan azad olundu!". qafqazinfo.az (az.). 25 oktyabr 2020. 2021-08-05 tarixində arxivləşdirilib. İstifadə tarixi: 25 oktyabr 2020.
  20. ↑ "Prezident Zəngilan, Cəbrayıl və Qubadlı rayonlarının işğaldan azad edilmiş kəndlərinin adlarını açıqladı". ordu.az (az.). 26 oktyabr 2020. 2020-10-29 tarixində orijinalından arxivləşdirilib. İstifadə tarixi: 26 oktyabr 2020.
  21. ↑ 1 2 İctimai Televiziya. ""Savaşda Nail" sənədli filmi - Nail İbrahimliyə həsr olunur". www.youtube.com (  YouTube portalı / "İCTİMAİ TV" səhifəsi) (az.). 25.06.2021. 2022-07-15 tarixində arxivləşdirilib. İstifadə tarixi: 13.10.2021.
  22. ↑ NƏSİBOĞLU, Sevindik. "Zəfərə Nail". www.afia.az (az.). 02.05.2020. 2022-08-01 tarixində arxivləşdirilib. İstifadə tarixi: 07.06.2022.
  23. ↑ 1 2 Azərbaycan Prezidentinin saytı. "Azərbaycan Silahlı Qüvvələrinin hərbi qulluqçularına "Vətən Müharibəsi Qəhrəmanı" adının verilməsi haqqında Azərbaycan Prezidentinin 09.12.2020-ci il tarixli Sərəncamı". www.president.az. 09.12.2020. 2020-12-09 tarixində arxivləşdirilib. İstifadə tarixi: 09.12.2020.
  24. ↑ 1 2 Azərbaycan Prezidentinin saytı. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.president.az. 15.12.2020. 2020-12-15 tarixində arxivləşdirilib. İstifadə tarixi: 15.12.2020.
  25. ↑ 1 2 Azərbaycan Prezidentinin saytı. "Azərbaycan Silahlı Qüvvələrinin hərbi qulluqçularının "Şuşanın azad olunmasına görə" medalı ilə təltif edilməsi haqqında Azərbaycan Prezidentinin 29.12.2020-ci il tarixli Sərəncamı". www.president.az. 29.12.2020. 2020-12-29 tarixində arxivləşdirilib. İstifadə tarixi: 29.12.2020.
  26. ↑ 1 2 3 4 "Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı". www.president.az (Azərbaycan Prezidentinin rəsmi saytı) ( (az.)). 05.11.2022. 2022-11-12 tarixində arxivləşdirilib. İstifadə tarixi: 05.11.2022.
  27. ↑ "Qəhrəman Nail və Səfanın adına bulaq salındı". 2022-08-22 tarixində arxivləşdirilib. İstifadə tarixi: 2022-08-22.
  28. ↑ Sinif otaqlarına şəhidlərin adı verilib Arxivləşdirilib 2022-08-01 at the Wayback Machine. Oğuz Rayon Təhsil Şöbəsinin Facebook səhifəsi. 11.10.2021.
  29. ↑ "Azərbaycan Respublikasının ərazi bütövlüyü uğrunda həlak olmuş İkinci Qarabağ müharibəsi qəhrəmanlarının adlarının əbədiləşdirilməsi barədə Azərbaycan Respublikası Nazirlər Kabinetinin qərarı". 2023-07-13 tarixində arxivləşdirilib. İstifadə tarixi: 2023-07-13.
  30. ↑ "Oğuz şəhər 3 nömrəli məktəb-liseyə Vətən Müharibəsi Qəhrəmanı Nail İbrahimlinin adı verilib". Azərbaycan Respublikası Oğuz Rayon İcra Hakimiyyəti. 12.11.2021. 2021-12-11 tarixində arxivləşdirilib. İstifadə tarixi: 12.11.2021.
  31. ↑ "Oğuzda Vətən Müharibəsi Qəhrəmanı şəhid Nail İbrahimlinin xatirəsi anılıb". 2022-03-10 tarixində arxivləşdirilib. İstifadə tarixi: 2024-03-05.
  32. ↑ "Oğuzda Vətən Müharibəsi Qəhrəmanı şəhid Nail İbrahimlinin 30 illiyi qeyd olunub". 2024-03-04 tarixində arxivləşdirilib. İstifadə tarixi: 2024-03-05.
  33. ↑ "Vətən müharibəsi Qəhrəmanı Nail İbrahimlinin ad günü qeyd edilib". 2024-03-06 tarixində arxivləşdirilib. İstifadə tarixi: 2024-03-06.
Mənbə — "https://az.wikipedia.org/w/index.php?title=Nail_İbrahimli&oldid=7509019"