Natalya Kraçkovskaya
Natalya Kraçkovskaya (tam adı: Natalya Leonidovna Kraçkovskaya, rus. Ната́лья Леони́довна Крачковская; 24 noyabr 1938, Moskva – 3 mart 2016[1], Moskva) — Rusiya aktrisası, Rusiya Federasiyasının əməkdar artisti (1998).
| Natalya Kraçkovskaya | |
|---|---|
| rus. Наталья Леонидовна Крачковская | |
 | |
| Doğum adı | Наталья Леонидовна Белогорцева |
| Doğum tarixi | 24 noyabr 1938 |
| Doğum yeri | |
| Vəfat tarixi | 3 mart 2016[1] (77 yaşında) |
| Vəfat yeri | |
| Vəfat səbəbi | ürək tutması |
| Dəfn yeri | |
| Vətəndaşlığı | |
| Fəaliyyəti | teatr aktrisası, kino aktrisası, aktrisa |
| Fəaliyyət illəri | 1955-ci ildən |
| Mükafatları |
  |
| IMDb | ID0469107 |
 Vikianbarda əlaqəli mediafayllar | |
Həyatı
redaktəNatalya Leonidovna Kraçkovskaya 24 noyabr 1938-ci ildə SSRİ-nin paytaxtı Moskva şəhərində anadan olmuşdu. Orta məktəbi bitirəndən sonra sənədlərini Tarix-arxiv institutuna və eyni zamanda da Ümumrusiya Dövlət Kinematoqrafiya institutuna vermişdi. Aktrisalıq karyerası arzulasa da, anasının istəyi ilə arxivçi olmaq fikri vardı, amma işin tərsliyindən onu maşın vurur və görmə qabiliyyəti azalır. Həkimlər ona oxumağı qadağan edirlər.
Natalya Kraçkovskayanı kino üçün məşhur rejissor Leonid Qayday kəşf edib. Sonralar başqa rejissorların filmlərində çəkilsə də, o hər şeydən əvvəl "Qaydayın aktrisası" kimi tanınıb. Məhz "12 stul"a çəkiləndən sonra onun əsil karyerası başlayıb. Deyirlər ki, Qayday səs operatoru Kraçkovskinin arvadına oxşayan — vətəndaş Qraçaçuyeva roluna çəkilmək üçün aktrisa axtarırdı. Beləcə, əvəzolunmaz xarakterlər aktrisası meydana çıxır. "12 stul"dakı unudulmaz rolundan sonra o, "İvan Vasilyeviç peşəsini dəyişir" və "Ola bilməz" filmlərində çəkilir. "Peterburqdan uydurma" və Qaydayın sonuncu ekran əsələrindən olan "Şəxsi detektiv və ya Kooperasiya əməliyyatı" və s. filmlərdə rol alır. Aktrisa müsahibələrində deyirdi ki, digər rejissorlar onu öz filmlərinə kifayət qədər həvəssiz dəvət edir və "Sən axı, Qaydayın aktrisasısan" deyirmişlər. Ancaq Kraçkovskayanın unikal fakturası onun təkrarsız rollar oynaması üçün kifayət edirdi. O, həmçinin "Pokrovski darvazaları" və "Görüş yerini dəyişmək olmaz" filmlərində də çəkilib.
Natalya Kraçkovskaya 3 mart 2016-cı ildə vəfat edib.[2]
Filmoqrafiya
redaktəİstinadlar
redaktə- ↑ 1 2 Умерла Наталья Крачковская. gazeta.ru, 2016.
- ↑ "Sovet kinosunun əfsanə aktrisası vəfat etdi". modern.az. 28 aprel 2019 tarixində arxivləşdirilib (#archive_missing_url). (#cite_web_url); (#accessdate_missing_url)