Naxçıvan Şərq hamamı

Naxçıvan Şərq hamamı — Naxçıvan şəhərində yerləşən, XVIII əsrə aid memarlıq abidəsi.

Naxçıvan Şərq hamamı
Ölkə	Azərbaycan
Şəhər	Naxçıvan
Tikilmə tarixi	XVIII əsr
Üslubu	Naxçıvan-Marağa memarlıq məktəbi
Vikianbarda əlaqəli mediafayllar

Naxçıvanda vaxtilə inşa olunan zəngin tərtibatlı hamam bu gün tarixi-memarlıq abidələri kimi mədəniyyətimizin nadir inciləri sırasına daxildir.

Naxçıvan Şərq hamamı Naxçıvan şəhərindəki Azadlıq prospektində, "Təbriz" mehmanxanasının qarşısında yerləşir. Vaxtilə Naxçıvan şəhərinin içərisindən axan Bazar çayının yaxınlığında inşa edilmişdir. Şərq hamamları üslubunda tikilən bina giriş, xidmət zalı, çarhovuzlu çimərlik, xəzinə (su çəni) və ocaqxanadan ibarətdir. Hamam kəhriz suları vasitəsilə işləmiş və uzun müddət ondan təsərrüfat işləri məqsədilə istifadə olunmuşdur.

Hazırda əsaslı təmir və bərpa edilmişdir. Tarixi-memarlıq abidəsi kimi dövlət tərəfındən qorunur.