Naxçıvan Avtomobil Zavodu

Naxçıvan Avtomobil Zavodu
Naxçıvan Avtomobil Zavodu
Ümumi məlumatlar
Sənaye	Avtomobil sənayesi
Məhsulu	Minik avtomobilləri
Təsis tarixi	2006
Baş qərargahın yeri	Naxçıvan;
Struktur
İşçi sayı	50 nəfər (2010)
Ana şirkət	Cahan Holdinq
Rəhbərlik
Təsisçi	Vugar Abbasov
Rəhbərlik	Direktor Səxavət Hümbətov
	nazauto.az

Naxçıvan Avtomobil Zavodu və ya qısaca NAZ – 2006-cı ildə Naxçıvan Muxtar Respublikasında əsası qoyulan avtomobil zavodu.

Tarixi

Naxçıvan Avtomobil Zavodunun əsası 2006-cı ildə qoyulub. 2009-cu ilin May ayında Pekində keçirilən Çin-Azərbaycan biznes-forumu çərçivəsində Naxçıvan Avtomobil Zavodu və Çinin "CHONGQING LIFAN INDUSTRY (GROUP) IMP. & EXP. CO., LTD." Avtomobil Korporasiyası arasında əməkdaşlıq sazişi imzalandı. Sazişə əsasən, Naxçıvan şəhərində "LİFAN" markalı minik avtomobillərinin istehsalı təşkil olundu.

Naxçıvan Avtomobil Zavodu 2010-cu ilin yanvar ayının 11-də istismara verilmişdir.

İstehsal

Zavodda "Lifan" modellərinin yığılmasını həyata keçirilir. Zavodun "NazLifan" brendi altında buraxdığı avtomobillər daxili bazarda populyar deyil. Zavod gah fəaliyyətini dayandırır, gah məhdud həcmdə avtomobillərin yığılmasını həyata keçirir. 2019-cu ilə olan məlumata görə, 2010-cu ildən bəri "NazLifan" cəmi 5 minə yaxın avtomobil buraxmışdı.^[1]