Nazir Əhmədli

Azərbaycan jurnalisti, tənqidçi və tədqiqatçı-yazıçı; Kimya üzrə fəlsəfə doktoru

Nazir Əhmədli (Nazir Surxay oğlu Əhmədli; d. 27 yanvar 1961. Gabud, Dərələyəz mahalı) — Azərbaycan jurnalisti, tənqidçi və tədqiqatçı-yazıçı; Kimya üzrə fəlsəfə doktoru (1990).

Nazir Əhmədli
Əhmədli Nazir Surxay oğlu
Doğum tarixi 27 yanvar 1961 (1961-01-27) (59 yaş)
Doğum yeri Gabud, Dərələyəz mahalı
Vətəndaşlığı SSRİ SSRİ
Azərbaycan Azərbaycan
Atası Surxay
Elmi dərəcəsi Kimya elmləri namizədi
İş yeri Azərbaycanda Atatürk Mərkəzi
Təhsili Naxçıvan Dövlət Universiteti
Commons-logo.svg Vikianbarda əlaqəli mediafayllar

HəyatıRedaktə

Nazir Əhmədli 27 yanvar 1961-ci ildə Dərələyəz mahalının Gabud kəndində müəllim ailəsində anadan olub.[1]

AiləsiRedaktə

Atası Surxay Əhmədin 2009-cu ildə "Yada düşənlər" adlı şeirlər kitabı çap olunub.

TəhsiliRedaktə

1976-cı ildə Gabud kənd səkkizillik məktəbini, 1978-ci ildə isə qonşu Gomur kənd orta məktəbini əla qiymətlərlə bitirmişdir.

1979-1984-cü illərdə Naxçıvan Dövlət Universitetinin kimya-biologiya fakültəsində təhsil almışdır.[1] Universiteti fərqlənmə diplomu ilə bitirmişdir. Fakültə Əlaçılar Şurasının və Tələbə Elmi Cəmiyyətinin sədri olmuşdur. Respublika tələbələrinin VIII, IX və X Respublika Tələbə Elmi Cəmiyyəti Konfranslarının iştirakçısı və diplomantı olmuşdur.

1986-1990-cı illərdə AMEA-nın Qeyri-üzvi və Fiziki Kimya İnstitutunun əyani aspiranturasında oxumuşdur.[1] 1990-cı ildə kimya elmləri namizədi elmi dərəcəsi almaq üçün dissertasiya müdafiə etmişdir. 1990-cı ildən kimya üzrə fəlsəfə doktorudur.

Əmək fəaliyyətiRedaktə

Pedaqoji fəaliyyətiRedaktə

Nazir Əhmədli 1984-1986-cı illərdə Gabud kənd səkkizillik məktəbində müəllim, 1987-2001-ci illərdə isə AMEA-nın Qeyri-üzvi və Fiziki Kimya İnstitutunda kiçik elmi işçi və elmi işçi vəzifələrində çalışmışdır.[1]

Jurnalist fəaliyyətiRedaktə

Nazir Əhmədli jurnalistikaya 1990-cı ildə "Azadlıq" qəzetində dərc olunan "Moskvanın Bakı təbliğatçısı" adlı məqaləsi ilə gəlmişdir.

1992-1998-ci illərdə "Millət" qəzetində müxbir, şöbə müdiri, baş redaktorun birinci müavini, 1996-1998-ci illərdə isə "Millət" qəzetinin baş redaktoru olmuşdur.[1]

1998-2000-ci illərdə "Xəbər" qəzetinin baş redaktoru kimi fəaliyyət göstərmişdir.[1]

1997-ci ildə İran səfərində Cənubi Azərbaycan Milli Oyanış Hərəkatının lideri Mahmudəli Çöhrəqani ilə görüşə nail olan və onun ətrafında informasiya blokadasını yaran ilk Azərbaycan jurnalistidir. Həmin hadisələr baş redaktoru olduğu "Millət" qəzetində "Təbriz əfsanəsi" adlı məqaləsində ətraflı təsvir olunmuşdur.

AzAtaM-da fəaliyyətiRedaktə

Nazir Əhmədli 2002-ci ilin yanvar ayından bu günədək AzAtaM-ın Beynəlxalq əlaqələr şöbəsinin müdiridir.[1]

YaradıcılığıRedaktə

Nazir Əhmədli yaradıcılığa tələbəlik illərində başlamışdır.

Onun 1996-cı ildə çap olunan "Milli Məclisdən etüdlər" kitabında 1992-1995-ci illərdə "Millət" qəzetində dərc olunan Milli Məclisin fəaliyyətindən bəhs edən məqalələri toplanmışdır.

1999-2000-ci illərdə təsisçisi və baş redaktoru olduğu "Xəbər" qəzetində "Tövrat"dan tərcümə etdiyi parçaları nəşr etmişdir. BDU-nun professorları H.İmanov və A.Əhədovla birlikdə aspirantlar və tələbələr üçün "Etnik dinlər və dünya dinləri" (2003) kitabını yazmışdır. Dini dəyərlərin fəlsəfi-etik mahiyyəti mövzusunda "İlk günahabatma Adəmin şüurlu seçimidir", "Din fenomeni" və başqa məqalələri elmi jurnallarda və toplularda dərc olunmuşdur.

Nazir Əhmədli 2002-ci ildə çap etdirdiyi "Müstafa Kamal Atatürk" adlı kitabı Azərbaycanda Atatürk Mərkəzinin oxuculara ilk hədiyyəsi olmuşdur. Kitabda Türkiyə Respublikasının yaradıcısı, bütün dünya ictimaiyyətinin yüksək qiymətləndirdiyi Qazi Mustafa Kamal Paşa Atatürkün yaşadığı tarixi şərait, həyatı və fəaliyyəti təsvir edilmişdir. Mətn maraqlı tarixi illüstrasiyalarla zənginləşdirilmişdir.[2]

2002-ci ildə çap olunan "Həyat filosofu" adlı kitabında görkəmli alim, fəlsəfə elmləri doktoru, professor Həmid İmanovun keçdiyi mənalı ömür yolundan bəhs edilir.[3]

Rusiya imperiyasının Azərbaycan xanlıqlarını işğalından sonra tərtib olunmuş "Kameral təsvir" sənədlərinin Azərbaycanda nəşri Nazir Əhmədlinin adı ilə bağlıdır. "Dərələyəz mahalının kameral təsviri. 1831-ci və 1842-ci illər" (2017) və "Göyçə mahalının kameral təsviri. 1831-ci və 1842-ci illər" (2017) müəllifin tərcümə və tərtib etdiyi, ön söz yazdığı kitablar elmi dairələrdə yüksək qiymət almışdır.

Nəşrə hazırladığı kameral təsvirlər əsasında Göyçə mahalında XIX əsrdə yaşamış sənət korifeylərimiz Ağ Aşıq, Şair Məmmədhüseyn, Aşıq Alı, Aşıq Ələsgər və başqalarının doğum tarixlərini dəqiqləşdirdiyi "Haqq-nahaqq seçilər haqq divanında" (2017) kitabı ədəbi və elmi dairələrdə böyük rezonans doğurmuşdur.

Naxçıvan şəhərinin kameral siyahıları əsasında böyük mütəfəkkirimiz Cəlil Məmmədquluzadənin, onun atası Məmmədqulunun və babası Hüseynqulunun doğum tarixlərini dəqiqləşdirmiş, Hüseynqulunun atası Babanı üzə çıxardıb elmi ictimaiyyətə təqdim etmişdir. Nazir Əhmədli sənədlərlə sübut etmişdir ki, Mirzə Cəlil 1868-ci ildə doğulmuşdur.

KitablarıRedaktə

  1. "Milli Məclisdən etüdlər". Bakı, "Gənclik", 1996. 352 səh. ISBN 5-8020-1281-1
  2. "Biz sözü seçdik". Bakı, "Gənclik", 1997.
  3. "Mustafa Kamal Atatürk". Bakı, "AzAtaM", 2002. 220 səh.[2]
  4. "Həyat filosofu". Bakı, "AzAtaM", 2003.[3]
  5. "Etnik dinlər və dünya dinləri". Bakı, "Elm", 2003. (H.İmanov və A.Əhədovla birlikdə)
  6. "Professor Sadıq Tural". Bakı, 2006. (Nizami Cəfərovla birlikdə)
  7. "Gabud və gabudlular". Bakı, 2016.
  8. "Haqq-nahaqq seçilər haqq divanında". Bakı, "Nurlar", 2017. 288 səh. ISBN 978-9952-507-20-1
  9. "Dərələyəz mahalının kameral təsviri. 1831-ci və 1842-ci illər". Bakı, 2017.
  10. "Göyçə mahalının kameral təsviri. 1831-ci və 1842-ci illər". Bakı, "Elm və təhsil", 2017. 292 səh. ISBN 978-9952-8176-1-2
  11. "İrəvan əyalətinin kameral təsviri. I cild. İrəvan şəhərinin Kameral təsviri". Bakı, "Turxan" NPM, 2018. 328 səh.

Təltif və mükafatlarıRedaktə

1993-cü ildə "Azərbaycanın ən yaxşı parlament müxbiri" adına layiq görülmüş və bir sıra başqa mükafatlar almışdır.

İstinadlarRedaktə

  1. 1 2 3 4 5 6 7 "Beynəlxalq əlaqələr şöbə müdiri - Nazir Əhmədli" (azərb.). Azərbaycanda Atatürk Mərkəzinin saytı. 2012. 2017-07-04 tarixində orijinalından arxivləşdirilib. İstifadə tarixi: 2017-07-04.
  2. 1 2 "Nazir Əhmədli - Müstafa Kamal Atatürk" (azərb.). ataturk.az. 2012. İstifadə tarixi: 2017-07-04.
  3. 1 2 "Nazir Əhmədli - Həyat filosofu" (azərb.). ataturk.az. 2012. İstifadə tarixi: 2017-07-04.

Xarici keçidlərRedaktə

Vikianbarda Nazir Əhmədli ilə əlaqəli mediafayllar var.