Nemət Qasımlı

Qasımov Nemət Yusif oğlu (27 iyul 1972, Kiçik Qaramurad, Gədəbəy rayonu) — Aşıq məktəbində müəllim, Dünya incəsənət və musiqi ustası, beynəlxalq müsabiqələr laureatı, "Əməkdar mədəniyyət işçisi", Filologiya üzrə fəlsəfə doktoru, dosent.

Nemət Qasımlı
Nemət Qasımlı
Doğum tarixi	27 iyul 1972
Doğum yeri	Kiçik Qaramurad , Gədəbəy rayonu, Azərbaycan SSR, SSRİ
Vətəndaşlığı	SSRİ→ Azərbaycan
Milliyyəti	azərbaycanlı
Fəaliyyəti	musiqiçi
Üzvlüyü	Azərbaycan Aşıqlar Birliyi, Dədə Ələsgər Ədəbi Məclisi[d]
Mükafatları
nemet-qasimli.net

Həyatı

Qasımov Nemət Yusif oğlu 1972-ci il iyulun 27-də Gədəbəy rayonunun Kiçik-Qaramurad kəndində ziyalı ailəsində anadan olub. İsfəndiyar Rüstəmovun rəhbərliyi altında keçirilən “Gədəbəyin yazı, aşığın sazı” yaz bayramlarında dəfələrlə iştirak etmişdir. Gəncəbasar bölgəsi üzrə keçirilən “Telli saz” müsabiqəsinin qalibi olmuşdur. 4-cü sinifdə oxuyanda Demək olar ki, yaşının imkanı daxilində elə bir aşıq olmayıb ki, onun məclisində və ya şəxsən özüylə görüşüb sənət sirləri haqqında bilgilərini artırmasın. Bütün bölgələrə məxsus aşıq havalarını (Təbriz, Göyçə, Borçalı, Şirvan mühitləri) imkanı daxilində öyrənmişdir.

Azərbaycan Dövlət Mədəniyyət və İncəsənət Universitetinin “Rejissorluq” ixtisası üzrə təhsil almışdır.

ADMİU-nin “Tədris teatrı” şöbəsində musiqi rejissoru işləmiş, Bakıda ilk dəfə olaraq. Qara Qarayev adına 8 saylı musiqi məktəbində saz sinfini açmışdır. Çalışdığı ilk gündən bu günə qədər keçirilən bütün müsabiqələrdə onun şagirdləri həmişə I yerə layiq görülmüş və sazı ləyaqətlə təmsil etmişlər.Şagirdlərinin sayı 600 dən artıqdır.

AMEA-nın “Folklor” İnstitutunda elmi işçi kimi elmi fəaliyyətə başlamışdır.

1996-cı ildə Respublika üzrə keçirilən “İstedad axtarırıq” müsabiqəsinin, 2002-ci ilin mayında Türkiyədə keçirilən (20-26 may) “Uluslararası Silifke kültür heftesi” aşıq müsabiqəsinin, 2004-cü il 28 may Respublika Günü şərəfinə keçirilən “I Aşıqlar müsabiqəsi” nin, 21.09.2005-ci il Türkiyənin Tarsus şəhərində keçirilən “Şəlalə şeir axşamları” müsabiqəsinin qalibi, I olmuşdur.

1999-cu ildə Azərbaycan Respublikasının Mədəniyyət Nazirliyi tərəfindən keçirilən “Uşaq musiqi və incəsənət məktəbləri şagirdlərinin respublika müsabiqəsi” nə hazırladığım (I sinif şagirdi) Cəfərov İbrahim Sakit oğlu I yerə layiq görülmüşdür.

1999-cu il dekabrın 19-da Respublika Sarayında Milli Məclisin deputatı Zəlimxan Yaqubun yaradıcılığına həsr olunmuş poeziya məclisində Heydər Əliyevin təbrik etdiyi çıxışçılar arasında onun şagirdi Cəfərov İbrahim də var idi.

2009-cu ildən başlayaraq YUNESKO nun tədbirlərində aşıq sənətini mütəmadi olaraq təmsil edir. YUNESKO ya təqdim edilən aşıq sənəti haqqında filmin əsas aparıcısı olmuşdur. YUNESKO tərəfimdən Nemət Qasımovun (Qasımlı)sənət fəaliyyəti ilə bağlı 52 dəqiqəlik sənədli film çəkilmişdir.

2010-cu ildə Cənubi Koreyanın Yeosu şəhərində keçirilən "Dünyaya sülh gərək" beynəlxalq müsabiqənin qalibi olmuşdur. Dünya İncəsənət və Musiqi Ustası diplomu və kubokunu qazanmışdır.

27 mart 2024-cü ildə "Aşıq Ələsgər – 200" yubiley medalı ilə təltif olunmuşdur.

Xarici keçidlər

• Özkeçmiş Arxivləşdirilib 2012-05-09 at the Wayback Machine