Nevena Bojoviç (serb. Nevena Božović, Невена Божовић; d. 15 iyun 1994, Mitrovitsa, Kosovo, Serbiya, Yuqoslaviya Sosialist Federativ Respublikası) — Serbiya müğənnisi və bəstəkar. O, "Piši mi" mahnısı ilə Serbiyanı 2007 Avroviziya Uşaq Mahnı Müsabiqəsində təmsil etmiş və üçüncü yeri tutmuşdur. Nevena 2012-ci ildə Serbiyanın Prvi glas Srbije səs yarışmasındakı iştirakından sonra tanınmağa başlamışdır.

Nevena Bojoviç
serb. Nevena Božović
Невена Божовић
Nevena bozovic.jpg
Nevena Bojoviç 2017-ci ildə
Ümumi məlumatlar
Doğum adı Nevena Bojoviç
serb. Nevena Božović
Невена Божовић
Doğum tarixi (26 yaş)
Doğum yeri Mitrovitsa, Kosovo, Serbiya, Yuqoslaviya Sosialist Federativ Respublikası
Vətəndaşlığı Serbiya Serbiya
Musiqiçi məlumatları
Fəaliyyəti müğənni, bəstəkar
Fəaliyyət illəri 2007–h.h.
Janr
Musiqi aləti vokal
Əlaqəsi Moje 3
Commons-logo.svg Vikianbarda əlaqəli mediafayllar

Bunun ardınca Bojoviç və onun iştirak etdiyi səs yarışmasındakı digər finalçılar olan Mirna Raduloviç və Sara Yovanoviç Moje 3 qrupunun üzvü kimi "Ljubav je svuda" mahnısı ilə Serbiyanı 2013 Avroviziya Mahnı Müsabiqəsində təmsil etmişdirlər. Nəticədə qrup yarımfinalda 11-ci yerdə qərarlaşaraq, finala yüksələ bilməmişdir.[1] Nevena növbəti dəfə solo ifaçı kimi "Kruna" mahnısı ilə Serbiyanı Tel-Əvivdə keçirilən 2019 Avroviziya Mahnı Müsabiqəsində təmsil etmişdir.[2]

HəyatıRedaktə

Nevena Bojoviç 15 iyun 1994-cü ildə Kosovonun Mitovitsa şəhərində dünyaya göz açmışdır. O, musiqi təhsilini Belqrad İncəsənət Universitetində almışdır.[3]

Musiqi karyerasıRedaktə

2007-ci ildə Nevena Bojoviç "Piši mi" mahnısı ilə Serbiyanın 2007 Avroviziya Uşaq Mahnı Müsabiqəsi üçün keçirdiyi milli seçim turunda iştirak edərək, qalib gəlmişdir. Rotterdamda keçirilən müsabiqədə Nevena 120 xal toplayaraq ölkəsini ilk üçlüyədək yüksəldə bilmişdir. O, qısa fasilədən sonra 2009-cu ildə "Ti" mahnısı ilə Monteneqroda keçirilən Sunčane skale festivalında çıxış etmişdir.

O, 2012-ci ildə Serbiyanın Prvi glas Srbije səs yarışmasına qatılmışdır. Üç ay davam edən yarışmanın sonunda Nevena finala yüksələ bilmişdir. Final şousunda Nevena ikinci yerdə qərarlaşmışdır.

2013-cü ildə Bojoviç və onun iştirak etdiyi səs yarışmasındakı digər finalçılar olan Mirna Raduloviç və Sara Yovanoviç Moje 3 qrupunun üzvü kimi "Ljubav je svuda" mahnısı ilə Serbiyanın Avroviziya 2013 milli seçim turunda iştirak etmişdirlər. Seçim turunda qələbə qazanan trio Serbiyanı Malmödə keçirilən müsabiqədə təmsil etmişdir. Lakin yarımfinalda 11-ci yerdə qərarlaşaraq, finala yüksələ bilməmişdir. Həmin ilin iyul ayında Nevenanın "Pogledaj me" adlı sinqlı təqdim olunmuşdur. 2015-ci ildə o, Serbiyanın Avroviziya üçün münsif panelində yer alan beş münsifdən biri olmuşdur.

Nevena "Jasno mi je" sinqlı ilə 2019 Musiqi mükafatları mərasimində mükafata layiq görülmüşdür. O, "Kruna" mahnısı ilə Beovizija 2019-da qalib gələrək, Serbiyanı İsrailin Tel-Əviv şəhərində keçirilən 2019 Avroviziya Mahnı Müsabiqəsində təmsil etmək hüququ əldə etmişdir. Avroviziyada Nevena yarımfinal mərhələsini adlayaraq, finalda 89 xalla 18-ci yerdə qərarlaşmışdır.

DiskoqrafiyaRedaktə

SinqllarRedaktə

Mahnı adı İl
"Piši mi" 2007
"Ti" 2009
"Ljubav je svuda"
(Moje 3 qrupu ilə)
2013
"Pogledaj me"
"Znam da noćas gubim te"
"Bal" 2014
"Trebam tebe" 2015
"Čujem da dolaziš u grad" 2016
"Siesta"
"Jasno mi je" 2017
"Dangerous drug"
"What I'm Looking For" 2018
"Kruna" 2019

İstinadlarRedaktə

  1. "Serbia: Moje 3 [Interview] | escXtra". 2013-04-25 tarixində orijinalından arxivləşdirilib. İstifadə tarixi: 2013-03-25.
  2. "Beovizija 2019: Nevena Božović will represent Serbia at this years Eurovision Song Contest". Eurovisionary. 3 mart 2019. İstifadə tarixi: 3 mart 2019.
  3. "Blic Online | Nevena već favorit u "Prvom glasu"". İstifadə tarixi: 2013-03-26.
Əvvəlki:
Sanya İliçBalkanika
"Nova deca"
Serbiya Avroviziya Mahnı Müsabiqəsində
 

2019
Sonrakı:

Xarici keçidlərRedaktə