Nina Qalavanova

Nina Qalavanova
Nina Qalavanova
Doğum tarixi	20 noyabr (3 dekabr) 1915
Vəfat tarixi	1994
Vəfat yeri	Sxinval, Cənubi Osetiya;
Fəaliyyəti	yazıçı

Nina Qalavanova (20 noyabr (3 dekabr) 1915 – 1994, Sxinval) — Cənubi Osetiyalı yazıçı, şair, tərcüməçi və müəllim. Tarixdə ilk osetiyalı sovet qadın yazıçısı^[1]^[2]. Gürcüstan SSR əməkdar müəllimi.

Bioqrafiyası

20 noyabr 1915-ci ildə Tiflis əyalətinin Bejanaantkari kəndində kəndli ailəsində anadan olmuşdur. Anasının ölümündən sonra yaxınları tərəfindən tərbiyə edilir. Doqquz yaşında Dzau ibtidai məktəbinin birinci sinfinə qəbul edilir. 1926-cı ildən Tsxinvali kəndli gənclər məktəbində oxuyur. 1929-cu ildə komsomola daxil olur. 1932-ci ildə Tsxinvali Pedaqoji Texnikumunu və 1936-cı ildə Cənubi Osetiya Pedaqoji İnstitutunu (indiki - Cənubi Osetiya Dövlət Universiteti) bitirir. Tsxinvali Pedaqoji Texnikumunda kitabxanaçı işləyir. Daha sonra xalq təhsili orqanlarında vəzifəyə təyin edilir. "Xurzurin" qəzetinin mədəniyyət şöbəsinin müdiri işləyir. 1934-cü ildə SSRİ Yazıçılar Birliyinə qəbul edilir.

Əsas fəaliyyəti pedaqoqika olur. 1936-cı ildən 5 nömrəli orta məktəbdə və 1941-ci ildən etibarən Tsxinvalidəki 2 nömrəli orta məktəbdə osetin dili və ədəbiyyatı dərsləri deyir. 1944-cü ildə Sovet İttifaqı Kommunist Partiyasına üzv qəbul edilir. 1945-1960-cı illərdə Pedaqoji Texnikumda dərs demişdir. 1960-cı ildən 1994-cü ildə ölənə qədər Cənubi Osetiya Pedaqoji İnstitutunun Pedaqoqika və İbtidai Təhsil Metodları Fakültəsində dərs demişdir. 1957-ci ildə Maksim Qorki adına Ədəbiyyat İnstitutunun Ali kurslarını bitirmişdir. 1969-cu ildə Cənubi Osetiya Pedaqoji İnstitutunun ibtidai təhsil kafedrasının dosenti elmi adını alır. 1994-cü ildə Tsxinvalidə dünyasını dəyişir.

Yaradıcılığı

İyirmidən çox ayrı kitab nəşr etdirmişdir. Məktəbli ikən "Bahar" adlı ilk hekayəsini yazır. İlk şeirlərini 1930-cu ildə oset. «Мах фæлтæ» (Bizim Nəsil) qəzetində çap etdirir. Əsərlərini "Fidiuæq" ədəbi jurnalının səhifələrində nəşr etdirmişdir. 1933-cü ildə ilk şeir toplusu oset. «Дуджы уылæнтæ» (Dövr dalğaları) nəşr olunur. 1936-cı ildə oset. «Фыстæг Германмæ» (Almaniyaya məktub) nəsrini nəşr etdirir. 1941-ci ildə "Ananın səsi" nəşr olunur. 1963-cü ildə oset. «Хæс» (Borc) nəsr kitabı və 1965 və 1971 -ci illərdə oset. «Дыууаæ дзæнгæрæджы» (İki zəng) və oset. «Дыууаæ рæдыды» (İki səhv) romanlarını nəşr etdirir.