Nizami Gəncəvinin heykəli (Pekin)
Nizami Gəncəvinin heykəli (çin. 纪念碑尼扎米•甘伽维) — Çinin paytaxtı Pekin şəhərində, Çaoyan parkında görkəmli şair, Azərbaycan poeziyasının klassiki Nizami Gəncəvinin abidəsi. Abidənin müəllifi məşhur Çin rəssamı Yuan Sikundur.
| Nizami Gəncəvinin heykəli | |
|---|---|
| çin. 纪念碑尼扎米•甘伽维 | |
 | |
| 39°56′20″ şm. e. 116°28′20″ ş. u.HGYO | |
| Ölkə |
 ÇXR |
| Şəhər |
Pekin, Çin |
| Yerləşir | Çaoyan parkı |
| Heykəltaraş | Yuan Sikun |
| Tikilmə tarixi | 2012 |
| Kateqoriya | Heykəl |
| Əhəmiyyəti | yerli əhəmiyyətli |
Tarixi
redaktə
Abidə Çin Xalq Respublikası ilə Azərbaycan arasında diplomatik münasibətlərin qurulmasının 20-ci ildönümü münasibətilə Azərbaycan tərəfinin dəvətinə cavab olaraq Yuan Sikun tərəfindən yaradılmışdır.[1]
Abidənin təntənəli açılış mərasimi 2012-ci il dekabrın 6-da səhər saatlarında baş tutub. Tədbirdə Azərbaycanın ÇXR-dəki səfiri Lətif Qəndilov, ÇXR Xarici İşlər Nazirliyinin Avropa və Mərkəzi Asiya Departamentinin müşaviri Su Fanqqiu, ÇXR Dövlət Şurasının Mədəniyyət Təşkilatları Komitəsinin baş katibi iştirak edib. Pekin Cintay İncəsənət Muzeyinin direktoru və heykəltəraşlıq müəllifi Yuan Sikun, Çin Mərkəzi Universitetinin professoru Hu Zhenhua və hər iki ölkənin müxtəlif ictimai sahələrinin nümayəndələri də həmçinin mərasimdə iştirak edirdilər.[1]
Abidənin açılış mərasimində Azərbaycanın Çindəki səfiri Lətif Qəndilov çıxış edib. O, tədbir iştirakçılarına şair və mütəfəkkir Nizami Gəncəvinin uğurlarından danışıb. O, çıxış edərək qeyd edib ki, şairin büstünün tamamlanması iki ölkə arasında diplomatik münasibətlərin qurulmasının 20 illiyi şərəfinə hədiyyədir.[1]
Abidənin təsviri
redaktəAbidə şairin büstüdür, o başında çalması ilə təsvir edilib. Postamentin üzərində çin və ingilis dillərində şairin adı, doğum və ölüm illəri, həmçinin “Böyük Azərbaycan şairi, alimi və mütəfəkkiri” (ing. Great Azerbaijani poet, scholar and thinker, çin. 阿塞拜疆伟大的诗人，学者和思想家) ifadəsi yazılmışdır. Aşağıda şairdən iki misra Azərbaycan və Çin dillərinə tərcüməsi verilmişdir:
Orijinal mətn (az.)Qüvvət elmdədir, başqa cür heç kəs
Heç kəsə üstünlük eyləyə bilməz.
İstinadlar
redaktə- ↑ 1 2 3 "В Пекине завершен памятник азербайджанскому поэту Низами Гянджеви". 2018-09-10 tarixində arxivləşdirilib. İstifadə tarixi: 2022-02-21.