Nofəl Quliyev

Nofəl Quliyev (4 oktyabr 1963, Əli-Bayramlı – 13 dekabr 1991, Todan, Goranboy rayonu) — Azərbaycanın Milli Qəhrəmanı, Birinci Qarabağ müharibəsi şəhidi.

Nofəl Quliyev
Nofəl Zahid oğlu Quliyev
Şəxsi məlumatlar
Doğum tarixi	4 oktyabr 1963(1963-10-04)
Doğum yeri	Əli-Bayramlı, Azərbaycan SSR, SSRİ
Vəfat tarixi	13 dekabr 1991(1991-12-13) (28 yaşında)
Vəfat yeri	Todan, Goranboy rayonu, Azərbaycan
Vətəndaşlığı	SSRİ  Azərbaycan
Milliyyəti	Azərbaycanlı
Uşağı	1
Hərbi fəaliyyəti
Mənsubiyyəti	Azərbaycan Respublikası
Xidmət illəri	1990–1991
Döyüşlər	Birinci Qarabağ müharibəsi
Təltifləri

Həyatı

Nofəl Quliyev 4 oktyabr 1963-cü ildə Əli Bayramlı şəhərində anadan olmuşdur. 1981-ci ildə orta məktəbi bitirmişdir. 1982–1983-cü illərdə orduda xidmət etmişdir. Xidmətdən sonra 1984-cü ildən 1990-cı ilə kimi Tumen şəhərində işləmişdir.

Ailəsi

Ailəli idi, bir oğlu var.

Hərbi xidməti

1990-cı ilin dekabr ayında Azərbaycanın ərazi bütövlüyünün qorunmasında iştirak etmək üçün DİN xüsusi təyinatlı milis dəstəsinə daxil olmuşdur.

Birinci Qarabağ müharibəsində iştirakı

Nofəl Quliyev Füzuli, Goranboy, o cümlədən Dağlıq Qarabağın müxtəlif istiqamətlərində döyüşlərdə iştirak etmiş və fərqlənmişdir. 1991-ci il iyul ayının 15-də Goranboy rayonunun Todan kəndinə erməni silahlılarının hücumu zamanı mülki əhalini kənddən çıxararkən şəhid olmuşdur.

Təltif və mükafatları

Azərbaycan Respublikası Prezidentinin 6 iyun 1992-ci il tarixli 831 saylı fərmanı ilə Azərbaycan Respublikasının suverenliyini və ərazi bütövlüyünün qorunmasında, dinc əhalinin təhlükəsizliyinin təmin edilməsində göstərdiyi şəxsi igidlik və şücaətə görə Nofəl Zahid oğlu Quliyevə "Azərbaycanın Milli Qəhrəmanı" adı verilmişdir.

Şirvan şəhərində Şəhidlər Xiyabanında dəfn edilmişdir.

İrsi

Vaxtı ilə təhsil aldığı Əli Bayramlı şəhər 9 saylı orta məktəbə onun adı verilmiş, məktəbin həyətində büstü qoyulmuşdur.

Ədəbiyyat

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 173.