Nortstar adası
Nortstar adası (ing. Northstar Island) — Bofort dənizinin cənubunda, Alyaska sahillərindən 9,7 km şimalda, Pradxo-Beydən 19 km şimal-qərbdə yerləşən sahəsi 20 min kvadratmetr (2 hektar) olan süni mənşəli ada. Ada dəniz dibinin təxminən 3 min 800 metr dərinliyində yerləşən Nortstar neft hövzəsinin hasilatı üçün qurulmuşdur. Neft hövzəsi 30 yanvar 1984-cü ildə Shell tərəfindən kəşf edilmişdir[1][2].
| Nortstar adası | |
|---|---|
| ing. Northstar Island | |
 | |
| Ümumi məlumatlar | |
| Sahəsi | 0,002 km² |
| Əhalisi | 0 nəfər (2012-ci il) |
| Yerləşməsi | |
| 70°29′28″ şm. e. 148°41′52″ q. u.HGYO | |
| Ölkələr | |
| Akvatoriya | |
|
|
|
|
|
|
Təsvir
redaktəAda süni şəkildə neft quyusunun kəşfiyyatı yerində qurulur. 1999-2000-ci illərin qışında əlavə kəşfiyyatdan sonra Alaska İnternational Construction Company adanın tikintisinə başlayır. Meksika körfəzində istifadə edilənlər kimi standart neft platformasının tikintisi Alyaskanın şimal sahillərində illik buz yığınlarının əmələ gəlməsi səbəbindən mümkün olmur. Fasiləsiz hasilat üçün lazım olan neft quyularının bütövlüyünü təmin etməyin yeganə yolu il boyu dayanıqlı, süni ada idi. Buz kütləsinin gücü ilə eroziya təsirindən qorunmaq üçün adanın sahilləri su xəttindən 1,2 m hündürlükdə və 5,5 m aşağıda yerləşən beton lövhələrlə örtülmüşdür. Sahildən xeyli məsafədə olduğundan, əvvəlki layihələrdə edildiyi kimi, birləşdirici bəndin tikintisi mümkün olmur. Nortstar adası Bofort dənizində neftin sahilə nəqli üçün sualtı boru kəmərindən istifadə edən ilk ada olur[3]. Qışda sərt buzlanma səbəbindən ada ilə sahil arasında əlaqə üçün yol əmələ gəlir. Yayda bu məqsədlə barjalardan istifadə olunur. Tikintinin ilk qışı zamanı adanı dəniz səviyyəsindən yuxarı qaldırmaq üçün materikdən adaya 540.000 m³-dən çox çınqıl daşınmışdır. Dənizin dibinə çatmaq üçün işçilər buzları bloklara ayırıb kranlarla qaldırmalı olurlar. Adanı sahillə birləşdirən dəniz dibi ilə üç boru xətti çəkilərkən də oxşar üsuldan istifadə edilmişdir. Borular bir-birinə qaynaqlanmış və dəniz səviyyəsindən 2,1 m-dən çox aşağıda xəndəklərə qoyulmuşdur. 2000-ci ilin yayında adaya avadanlığı olan bir barja gəlir, lakin Qrinpis fəalları tikintini boykot etdiyi üçün sonrakı işlər 39 saat müddətinə dayanır. 2000-ci ilin oktyabrında enerji avadanlıqlarının ehtiyaclarını ödəmək üçün adaya ilk qaz axmağa başlayır. 2000-2001-ci illərin qışında buz üzərində yeni yollar çəkilir və adada qazma işlərinin başlanması da daxil olmaqla tikintinin növbəti mərhələsi başlanır. Tikintini başa çatdırmaq üçün modul avadanlığın son iki barjası 2001-ci ilin yayında gəlir. Tikinti başa çatdıqda, boru kəmərləri daxil olmaqla bütün Nortstar adası layihəsi təxminən 686 milyon dollar təşkil edir[4]. Hasilata 31 oktyabr 2001-ci ildə başlanmış və 2002-ci ilin iyun ayına qədər hasilat 7,900 m³/gün, 2003-cü ilin iyun ayına qədər 11,000 m³/gün olaraq artır. 2006-cı ilin ortalarına qədər Nortstar neft quyusundan 16 milyondan çox neft çıxarılır. 2007-ci ilin ortalarında bu rəqəm artıq 120 milyon bareldən çox olur[5].
İstinadlar
redaktə- ↑ Vaughan Meyer. Frontiers in Offshore Geotechnics III. — CRC Press, 2015-05-14. — 1422 с. — ISBN 9781315675510.
- ↑ James G. Speight. Handbook of Offshore Oil and Gas Operations. — Elsevier, 2014-10-22. — 444 с. — ISBN 9780080878195.
- ↑ "Northstar Unit, Northstar Oil Pool, Alaska Oil and Gas Conservation Commission, Department of Administration, State of Alaska" (ingilis). doa.alaska.gov. 2017-11-18 tarixində arxivləşdirilib. İstifadə tarixi: 2017-07-27.
- ↑ "BP Exploration (Alaska) gets what it needed done this winter - May 28, 2000 - Petroleum News". www.petroleumnews.com. 2016-03-03 tarixində arxivləşdirilib. İstifadə tarixi: 2017-07-27.
- ↑ "30 STRONG: Meeting Northstars challenges - October 14, 2007 - Petroleum News". www.petroleumnews.com. 2016-03-03 tarixində arxivləşdirilib. İstifadə tarixi: 2017-07-27.