Nuridə Qurbanova
Nuridə Qurbanova – Azərbaycan parapsixoloqu. Rusiya mətbuatı tərəfindən "Azəraycanın Vanqası" adlandırılmışdır.[1] Uzun illər Rusiyada yaşamışdır.[1]
| Nuridə Qurbanova | |
|---|---|
 2015-ci ildə. | |
 Vikianbarda əlaqəli mediafayllar |
Həyatı redaktə
Nuridə Qurbanova Azərbaycanın Şuşa şəhərində doğulmuşdur.[1] 10 yaşında[2] olanda ildırım vurması nəticəsində 40 günlük komaya düşmüş və deyilənə görə bu hadisədən sonra ərəb dilində danışmağa və Quran oxumağa başlamışdır.[1] Qurbanovanın şəfaverici qabiliyyəti "ENİOM" Ümumrusiya Ənənəvi Xalq Təbabəti Elmi-Tədqiqat Mərkəzi tərəfindən də təsdiq edilmişdir.[1]
Mükafatları redaktə
Nuridə Qurbanova Moskva şəfavericiləri reyestrinə daxil edilmişdir.[2] O, "Rusiyada XX əsrin son onilliyinin ən yaxşı şəfavericisi" müsabiqəsinin laureatı,[2] Rusiya filosofiya elmləri doktoru və enerji informasiya elmləri namizədi,[2] komplementar tibb sahəsi üzrə verilən "Magistr ulduzu" mükafatının qalibi,[2] M. Nostradamus adına Proskopik Elmlər Akademiyasının "Elmin və təcrübənin metri" adının sahibi,[2] Azərbaycan Kütləvi İnformasiya Vasitələri Həmkarlar İttifaqının "İlin ekstrasensi" və "Fəxri ekstrasens" mükafatlarının qalibi olmuşdur.[2] 2015-ci ildə Rusiya Federasiyasının İctimai medallar və xatirə nişanları komissiyasının qərarına əsasən "Mərhəmət və xeyriyyəçiliyə görə" medalı ilə mükafatlandırılmış və mükafatı Ruşan Simbatulin tərəfindən qəbul etmişdir.[3]
2018-ci ildə Bolqarıstanın paytaxtında "Otkrıtiye" Beynəlxalq Fondu tərəfindən "Azərbaycan Vanqası" fəxri diplomu və "Bolqar qızılgülü" medalı ilə təltif edilmişdir.[1] Norveçdə "Sülh üçün Dialoq" təşkilatı tərəfindən "Sülh elçisi" mükafatına layiq görülən görülmüş və bu mükafatı Norveçin baş naziri Şyel Mayne Bondevik tərəfindən qəbul etmişdir.[1]
İstinadlar redaktə
- ↑ 1,0 1,1 1,2 1,3 1,4 1,5 1,6 "Azərbaycanlı "Vanqa" hesab edilən qadın - Nuridə Qurbanova kimdir?". AzXeber (az.). 22 sentyabr 2022 tarixində arxivləşdirilib. İstifadə tarixi: 22 sentyabr 2022.
- ↑ 2,0 2,1 2,2 2,3 2,4 2,5 2,6 "Azərbaycanın Vanqası Ginnesin Rekordlar Kitabına düşəcək (FOTO)". Trend.az (az.). 16 iyul 2015. 22 sentyabr 2022 tarixində arxivləşdirilib. İstifadə tarixi: 22 sentyabr 2022.
- ↑ "Nuridə Qurbanova Rusiya Akademiyasının "Mərhəmət və xeyriyyəçiliyə görə" medalı ilə mükafatlandırılıb - FOTO". Milli.az. 2022-09-27 tarixində arxivləşdirilib. İstifadə tarixi: 22 sentyabr 2022.