Oçi Etsucin
Oçi Etsucin (越智越人?, 1656, Eçiqo əyaləti[d] – təq. 1739) – Edo dövründə yaşamış Yaponiya hayku şairi. "Matsuo Başonun 10 böyük şagirdi"ndən biridir.
| Oçi Etsucin | |
|---|---|
| Doğum tarixi | 1656 |
| Doğum yeri | |
| Vəfat tarixi | təq. 1739 |
| Fəaliyyəti | hayku şairi, indiqo boyaqçısı[d] |
İlk illəri
redaktə1656-cı ildə Yaponiyanın Eçiqo əyalətində (indiki Niiqata prefekturası) doğulduğu güman olunur.[1] Kumamoto klanına xidmət edən ailənin ikinci oğlu idi. Əsas məşğuliyyəti boyaq ticarəti olmuşdur.[2]
Yaradıcılığı
redaktəİlk şeirləri Başo məktəbinin Naqoya qolu tərəfindən 1686-cı ildə nəşr olunmuş "Haru no hi" antologiyasında peyda olmuşdur. 1687-ci ildə Başonun Kiotodan Naqoyaya olan səfərində onu müşayiət etmişdir. 1688-ci ildə səfər Kiso marşrutu boyunca Edoya doğru davam etmiş və Başo tərəfindən "Saraşina Nikki" əsərində qeyd olunmuşdur.[1]
Etsucinin bir çox şeiri "Arano" (1689) və "Sanmino" (1691) kimi Başo məktəbinin antologiyalarında peyda olmuşdur. Naqoya qoluna mənsub olan bir çox şair kimi o da Başo məktəbindən uzaqlaşmış, 1695-ci ildən sonra ədəbi fəaliyyətini dayandırmışdır. 1715-ci ildə hayku şeirləri yazmağa qayıtmış, 1717-ci ildə "Şakubikan" adlı antologiya tərtib etmiş və 1720-ci ildə Kaqami Şiko ilə debata çıxmışdır. Etsucinin üslubu rasional tonla xarakterizə olunur.[1]
İstinadlar
redaktə- ↑ 1 2 3 Kodansha Encyclopedia of Japan. səh. 59
- ↑ The Japan Biographical Encyclopedia & Who's Who. səh. 1103
Ədəbiyyat
redaktə- The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 1103. İstifadə tarixi: 9 iyun 2024.
- Kodansha Encyclopedia of Japan (ingiliscə). VI cild (Niju–Saka). Tokio: Kodansha. 1983. səh. 59. ISBN 0-87011-626-6. İstifadə tarixi: 9 iyun 2024.