Odlar Yurdu (ictimai birlik)

"Odlar Yurdu" Gənclər İctimai Birliyi (ing. "Odlar Yurdu" Youth Public Union) - Qeyri-hökumət təşkilatı.

"Odlar Yurdu" Gənclər İctimai Birliyi
azərb. "Odlar Yurdu" Gənclər İctimai Birliyi
Odlar Yurdu.png
Növü Qeyri-hökumət təşkilatı
Yaranma tarixi 15 iyun 2012
Qeydiyyat tarixi 13 iyul 2012
Mərkəzi Heydər Əliyev prospekti 66. AZ2000 Ganja, Azerbaijan Gəncə, Azərbaycan
Sədri Nigar Ələsgərova
oygib.az

TarixiRedaktə

“Odlar Yurdu” Gənclər İctimai Birliyi son dövrlərdə Azərbaycan Respublikasında müşahidə olunan ictimai prosesləri, dövlətin gənclər siyasətinin əhəmiyyətini və bu siyasətin gənclərin inkişafı üçün yaratdığı real imkanları, gənclər təşkilatlarının respublikanın ictimai-siyasi həyatında fəal iştirakını, həmçinin Gəncə şəhərinin 2012-ci ilin “Gənclər paytaxtı” seçilməsini nəzərə alaraq 15 iyun 2012-ci il tarixdə bir qrup gənc tərəfindən təsis edilmiş, 13 iyul 2012-ci il tarixdə Ədliyyə Nazirliyi tərəfindən dövlət qeydiyyatına alınmışdır.

Məqsəd və vəzifəsiRedaktə

Birliyin məqsədi gənclərin vətənpərvərliyin təbliğatına, milli-mənəvi dəyərlərin qorunmasına, həmçinin təhsil, elm, səhiyyə, mədəniyyət, sahibkarlıq, idman və cəmiyyətin digər sahələrinin inkişafına cəlb edilməsi, könüllülük işinin təşkili və gənclər sahəsində beynəlxalq əməkdaşlığın təmin olunmasıdır.

StrukturRedaktə

"Odlar Yurdu" Gənclər İctimai Birliyinə üzvlük fərdi və kollektiv qaydada müraciət əsasında həyata keçirilir.

"Odlar Yurdu" Gənclər İctimai Birliyinin rəhbər orqanları aşağıdakılardır:

  • Məclis
  • Sədr
  • Sədr müavin(lər)i
  • Nəzarət Təftiş Komissiyası
  • İdarə Heyəti
  • Baş katib

"Odlar Yurdu" Gənclər İctimai Birliyinin icra orqanları aşağıdakılardır:

  • Katiblik
  • Mərkəzlər
  • Rayon və şəhər təşkilatları, filial və nümayəndəliklər
  • Departament və klublar
  • Daimi və müvəqqəti komissiya və qruplar

"Odlar Yurdu" Gənclər İctimai Birliyinin sədri

  • Nigar Ələsgərova

TərəfdaşlarRedaktə

FəaliyyətRedaktə

Həyata keçirilən layihələr:

Sosial şəbəkələrdə Azərbaycan” (Gəncə) Layihənin məqsədi gənclərin sosial şəbəkələrdə Azərbaycan haqqında, onun tarixi, mədəniyyəti, inkişafı, gənclər siyasəti haqqında düzgün informasiyanın yayılması, lobbiçilik işinin aparılmasında gənclərin daha yaxından iştirakının təmin edilməsidir.

Keçmişini öyrən, gələcəyini qur” - (Gəncə) Layihənin məqsədi vətənpərvərlik anlayışının və ideyasının təbliğatı, maariflənmə, gənclərin vətənpərvərlik tərbiyəsinin ayrılmaz hissəsi olan milli qəhrəmanlar haqqında məlumatlandırılması və cəmiyyətin vətənpərlik tərbiyəsində gənclərin iştirakının və fəallığının artırılmasıdır.

“Media Məktəbi” Layihənin məqsədi peşəkar jurnalistlərin formalaşması istiqamətində atılan adım kimi qiymətləndirilən layihədə, jurnalist olmaq istəyən həvəskar gənclərə jurnalistikanın əsasları, xəbərin toplanması və yazılması, media hüququ, müsahibə aparılması texnikası, xəbərin operativ çatdırılması prinsipləri, foto və televiziya jurnalistikası eləcə də internet jurnalistikası tədris olunmasıdır.

“Turizmin inkişafında gənclərin rolu” - (Gəncə) Layihənin məqsədi turizmin inkişafında gənclərinin rolunun artırılması, bu sahədə onların bilik və bacarıqlarının artırılmasıdır.

“Gənclər ətraf mühitin mühafizəsində” - (Gəncə, Şəmkir, Qazax, Tovuz, Ağdam, Göy-göl, Samux, Tərtər) Layihənin məqsədi gəncləri ətraf mühitin mühafizəsinə cəlb etmək, ekologiya və ətraf mühitin qorunması istiqamətində maarifləndirməkdir.

Fərdi İnkişaf Proqramı 2013 Layihənin məqsədi müxtəlif təlimlərdə, tədbirlərdə, təşkilatın həyata keçirəcəyi layihələrdə iştirak edərək təcrübə əldə etməsi, dünyagörüşləri formalaşması və cəmiyyətin ictimai həyatında aktiv fəaliyyətə cəlb olunmalarıdır.

“Könüllülüyə çağırış” Layihənin məqsədi Azərbaycanda könüllük hərəkatının təbliği, yeniyetmə və gənclər arasında könüllülərin hazırlanması üzrə bilik və bacarıqların artırılması, həmçinin gənclərin beynəlxalq səviyyədə könüllülük hərəkatına cəlb edilməsi, könüllülük hərəkatı barədə geniş məlumatların əldə edilməsi və yayılması, gənclər arasından könüllü qrupların formalaşmasıdır.

"Gənclik ONUN imzasıdır" Layihənin məqsədi Öndər Heydər Əliyevin ilk canlı imzasının yaradılmasıdır. "Gənclik ONUN İmzasıdır" adlı layihə çərçivəsində 300 nəfərdən çox gəncin iştirakı ilə eni 17 metr, uzunluğu isə 40 metrdən ibarət, dünyada isə ikinci böyük canlı imza yaradıldı.

"Ətraf Mühit və MƏN" - (Qış məktəbi) Layihənin əsas məqsədi gənc nəslin ekoloji mədəniyyət səviyyəsinin yüksəldilməsi, gənclərin ətraf mühit sahəsində bilik və bacarıqlarının artırılması və onların ətraf mühitin birgə mühafizəsinə cəlb olunmasından ibarətdir.

"Fəal Gənc" Mükafatlandırma Mərasimi Mükafatlandırma mərasiminin məqsədi son bir ildə Gəncə şəhərinin elm, təhsil, səhiyyə, mədəniyyət, incəsənət, idman, ictimai və siyasi sahələrində fəal olan 15 nəfər gənc “Fəal Gənc-2014” kuboku, Fəxri Fərman və qiymətli hədiyyələrlə təltif edilməsidir.

“Heydər Əliyev kuboku - 2013” Turnirdə Gəncə şəhərində fəaliyyət göstərən ali təhsil ocaqları, şirkətlər, banklar, idarələr, müxtəlif müəssisələr və təşəbbüs qruplarının iştirakı ilə oğlan və qızlardan ibarət 16 komanda çempionluq uğrunda mübarizə aparıb.

"Art and Sport : hand in hand" Youth Exchange (“İncəsənət və İdman : əl- ələ” Gənclər Mübadiləsi) Layihənin məqsədi sağlam həyat tərzini təbliğ etmək, gənclərə gündəlik həyatlarında idmanla məşğul olmalarını təşviq etməklə ,onlara bu vərdişin nə qədər əhəmiyyətli olduğunu çatdırmaq, həmçinin incəsənət sahəsinə maraq yaratmaqla onlara öz potensiallarını aşkar etmək şəraiti yaratmaqdır.

Odlar Yurdu Sosial şəbəkələrdəRedaktə

  1. "Odlar Yurdu" GİB-in Facebook səhifəsi:
  2. "Odlar Yurdu" GİB-in Facebook qrupu:
  3. "Odlar Yurdu" GİB-in Twitter hesabı:
  4. "Odlar Yurdu" GİB-in Youtube kanalı:
  5. "Odlar Yurdu" GİB-in İnstagram hesabı:

İstinadlarRedaktə

Xarici keçidlərRedaktə