Oleq Babak (rus. Олег Яковлевич Бабак; d. 25.02.1967 - ö. 7.04.1991) — SSRİ-nin Daxili İşlər Nazirliyinin Daxili qoşunlarının xüsusi təyinatli 21-ci briqadasında siyasi hissə üzrə 11-ci bölüyün komandir müavini, Sovet İttifaqı Qəhrəmanı.

Oleq Babak
rus. Олег Яковлевич Бабак
Doğum tarixi
Doğum yeri Viktoriya, Poltava vilayəti, Ukrayna SSR
Vəfat tarixi (24 yaşında)
Vəfat yeri Yuxarı Cibikli, Qubadlı rayonu, Azərbaycan SSR
Vəfat səbəbi Şəhid olmuşdur
Dəfn yeri Viktoriya, Poltava vilayəti, Ukrayna SSR
Vətəndaşlığı Ukraynalı
Atası Yakov Babak
Anası Nadiya Babak
Milliyyəti Ukraynalı
Fəaliyyəti Hərbçi
Partiyası
Tanınır Sonuncu SSRİ Qəhrəmanı
Mükafatları Sovet İttifaqı Qəhrəmanı
"Lenin" ordeni

Həyatı redaktə

Oleq Babak 25 fevral 1967-ci ildə Ukraynanın Poltava vilayətinin Viktoriya kəndində fəhlə ailəsində doğulub.[1] O, orta təhsilini 1974-cü ildən 1982-ci ilə kimi Viktoriya kəndinin kənd məktəbində sonra isə qonşu Teplovsk kəndində alıb. 1985-ci ildə SSRİ Daxili İşlər Nazirliyinin Ali siyasi kollecinə daxil olub. 1989-cu ildə kolleci bitirdikdən sonra SSRİ-nin Daxili İşlər Nazirliyinin Daxili qoşunlarının xüsusi təyinatli 21-ci briqadasında siyasi hissə üzrə 11-ci bölüyün komandir müavini vəzifəsində xidmət edib.

Döyüşdə iştirakı redaktə

Xüsusi təyinatlı 21-ci briqadanın siyasi hazırlıq üzrə bölük komandirinin müavini olan Oleq Babak 1991-ci ilin mart ayından Azərbaycanın Qubadlı rayonunda ictimai asayişin qorunması tapşırıqlarını yerinə yetirib. 7 aprel 1991-ci il tarixində Qubadlının Yuxarı Cibikli kəndində yerli sakinlərin ermənilər tərəfindən öldürülməsi xəbəri yayılandan sonra 24 yaşlı Oleq Babak SSSR  Daxili İşlər Nazirliyinin 21-ci briqadasının tərkibində hadisə yerinə göndərilir. Burda yerli kənd camaatı ilə birgə təxminən 70 nəfər erməni silahlısının mühasirəsinə düşür.

Ermənilərin yerli sakinləri təhvil verib geri çəkilmək tələbinə məhəl qoymayan 24 yaşlı ukraynalı leytenant heç bir nəfər də azərbaycanlının əsir düşməsinə imkan verməyərək son gülləsinə qədər vuruşaraq qəhrəmancasına həlak olub. Onun bu şücaəti nəticəsində yüzlərlə azərbaycanlının həyatı xilas olub.[2][3]

Mükafatları redaktə

  • SSRİ-nin Daxili İşlər Nazirliyinin Daxili qoşunlarının leytenantı Oleq Babak SSRİ prezidentinin 17 sentyabr 1991-ci tarixli fərmanı ilə ölümündən sonra Sovet İttifaqı Qəhrəmanı adına layiq görülmüşdür.
  • Lenin ordeni mükafatı

İstinadlar redaktə

  1. "Qubadlıda ermənilər tərəfindən qətlə yetirilən ukraynalı Oleq Babakın Poltovada yaşayan ailəsinə yardım göstərilib". 2023-08-06 tarixində arxivləşdirilib. İstifadə tarixi: 2023-07-27.
  2. "- Фильм "Во имя жизни"". 2022-03-14 tarixində arxivləşdirilib. İstifadə tarixi: 2016-05-25.
  3. "- Пирятин. Вікторія. Герой СРСР Бабак О. Я". 2023-08-06 tarixində arxivləşdirilib. İstifadə tarixi: 2016-05-25.

Xarici keçidlər redaktə