Otuz üç (film)

"Otuz üç" (rus. Тридцать три) — 1965-ci ildə Georgi Daneliyanın rejissorluğu ilə çəkilmiş komediya filmi. Baş rolu Yevgeni Leonov ifa edir.

Otuz üç
rus. Тридцать три
Janr	komediya
Rejissor	Georgi Daneliya
Prodüser	Y. Roqozovski
Ssenari müəllifləri	Valentin Yejov Viktor Koneski Georgi Daneliya
Baş rollarda	Yevgeni Leonov Nonna Mordyukova İnna Çurikova Lyubov Sokolova Marqarita Qladunko Viktor Avdyuşko Gennadi Yaloviç Nikolay Parfönov Villor Kuznesov Saveli Kramarov Arkadi Trusov Vyaçeslav Nevinnı Georgi Svetlani Vladimir Basov
Operator	Sergey Vronski
Bəstəkar	Andrey Petrov
Rəssam	Aleksandr Borisov
İstehsalçı	Mosfilm
İlk baxış tarixi	1965
Filmin növü	bədii film
Müddət	72 dəqiqə
Ölkə	SSRİ
Dil	rus dili
İl	1965
Rəng	ağ-qara
IMDb	ID0059832

Məzmun

Yuxarı Çalalar (rus. Верхние Ямки) əyalətinin diş həkimi (Gennadi Yaloviç) gözlənilməz elmi kəşfə rast gəlir. O, pasienti İvan Sergeyeviç Travkinin (Yevgeni Leonov) ağız boşluğunda 33-cü dişi aşkara çıxarır. Ağrıdan əziyyət çəkən Travkini Moskvaya aparırlar. Orada əvvəlcə paxıl Proxorov (Nikolay Parfönov) səyləri nəticəsində dəlixanaya düşür. Sonra isə beynəlxalq elmi müşavirə qəhrəmana və (yuxusunda) Marsa göndərilən nümayəndəyə çevrilir.

Filmin heyəti

Film üzərində işləyənlər

Ssenari müəllifləri: Valentin Yejov, Viktor Koneski, Georgi Daneliya

Quruluşçu rejissor: Georgi Daneliya

Quruluşçu operator: Sergey Vronski

Quruluşçu rəssam: Aleksandr Borisov

Bəstəkar: Andrey Petrov

Səs operatoru: Vladimir Kraçkovski

Dirijor: Emin Xaçaturyan

İkinci rejissor: M. Çernova

İkinci operator: V. Abramov

Montaj edən: T. Zinçuk

Geyim rəssamı: İ. Belyakova

Qrim rəssamı: N. Baldina

Rejissor assistentləri: L. Buşarova, D. Kuznesov

Operator assistentləri: V. Qriqoroviç, A. Cirkvelov

Rəssam assistenti: L. Kozlov

Quraşdırılmış səhnələrin operatoru: Boris Travkin

Quraşdırılmış səhnələrin rəssamı: A. Rudaçenko

Redaktor: İ. Sergiyevskaya

Mahnıların mətni: Yuri Levitanski

Filmin direktoru: Y. Roqozovski

Rollarda

• Yevgeni Leonov — İvan Sergeyeviç Travkin
• Nonna Mordyukova — Qalina Petrovna Pristyajnyuk
• İnna Çurikova — Rozoçka Lyubaşkina
• Lyubov Sokolova — Lyuba Travkina
• Marqarita Qladunko — Frosya
• Viktor Avdyuşko — Mişa
• Gennadi Yaloviç — Arkadi Borisoviç Şeremetyev
• Nikolay Parfönov — Proxorov
• Villor Kuznesov — İqor Bezrodnı
• Saveli Kramarov — Rodion Xomutov
• Arkadi Trusov — Anatoli Petroviç İvanov
• Vyaçeslav Nevinnı — Vasili Lyubaşkin
• Georgi Svetlani — Mitriç
• Vladimir Basov — vilayət muzeyinin direktoru
• Frunzik Mkrtçyan — professor Bruk (titrlərdə F. Mkrtıçan)
• Nikolay Daneliya — Travkinlərin birinci oğlu
• Valya Şarikov — Travkinlərin ikinci oğlu
• Mariya Vinoqradova — Raisa Yakovlevna
• Olesya İvanova — Qorina
• Klavdiya Kozlyonkova — qulluqçu
• Boris Lavrov — Aleksandr Fyodoroviç (titrlərdə V. Lavrov)
• Sergey Martinson — Valentin Petroviç Lyubaşkin
• Daniil Netrebin — diş hesablamaları üzrə komissiyanın üzvü
• Alevtina Rumyanseva — televiziyada rejissor köməkçisi
• İrina Skobseva — Vera Sergeyevna
• Svetlana Svetliçnaya — Nina Svetlova
• Yuri Saransev — taksi sürücüsü
• İnna Fyodorova — sanitar
• Pyotr Şşerbakov — Viktor Viktoroviç
• Pavel Vinnik — Valentin İvanoviç (titrlərdə yoxdur)
• İlya Rutberq — Brukun köməkçisi (titrlərdə yoxdur)
• Mixail Loqvinov — qonaq (titrlərdə yoxdur)

Yaranma tarixi

1965-ci ildə filmin prokatda qalması heç iki həftə də çəkmir. Deyilənə görə, ideologiya üzrə o zamankı Sov.İKP MK katibi Mixail Suslov filmdə motosiklçilərin mühafizəsi altında gedən "Çayka" avtomobilini və kosmonavtlarla görüşə parodiya səhnəsini gördükdən sonra "bizim sosialist gerçəkliyinə iftira"nın çıxarılmasına göstəriş verir. Georgi Daneliya bu səhnələri montaj etməkdən imtina edir. Buna görə də film geniş prokatdan çıxarılır.

...Düz iyirmi beş il bu film qadağa altında qaldı və bu iyirmi beş il ərzində onu mütəmadi ekranlarda görmək oldu: klublarda, hərbi hissələrdə və hətta Moskva ətrafındakı kinoteatrlarda... Mən özüm yetmişinci illərdə bu filmi Kubanın hərbi bazasında görmüşəm. Yeri gəlmişkən, yenidənqurmadan sonra hər kəs öz "qapadılmış" filmilə öyündüyü vaxt, mən də bu dalğaya qoşulub "Otuz üç" adlı filmimin iyirmi beş il rəfdə saxlanıldığını dedim. Lakin cəhdim baş tutmadı: durğun yetmişinci illərdə, demək olar ki, hamı mənim bu qadağalı filmimə ekranda baxmışdı. Georgi Daneliya. "Biletsiz sərnişin"

Kosmonavtların hazırlıq rəhbəri Sovet İttifaqı Qəhrəmanı Nikolay Kamanin 2 fevral 1966-cı il tarixində öz gündəliyində yazır:

Leonov, Qaqarin və digər kosmonavtlar "Otuz üç" kinokomediyasının geniş ekrana buraxılmasına qadağa ilə əlaqədar məndən tədbir görməyimi xahiş ediblər: onlar hesab edir ki, bu film kosmonavtların xidmətlərini aşağılayır. Dünən Verşinin, Rıtov, mən və hərbi hava qüvvələri mərkəzi orqanının zabit heyəti bu kinokomediyaya baxdıq. Film hamının xoşuna gəldi, biz heç bir qəbahət aşkar etmədik. Şəxsən mən bir saatdan artıq güldüm və məmnuniyyətlə Travkinin "uğurlarının" inkişafına nəzər saldım. Nikolay Kamanin

Maraqlı faktlar

• Bu filmdən başlayaraq, Georgi Daneliyanın və digər rejissorların bir çox ekran əsərlərində Yevgeni Leonovun ifasında "Çayda" (rus. На речке) mahnısı müxtəlif formalarda səslənib ("На речке, на речке, на том бережочке мыла Марусенька белые ножки…").
• Çəkilişlərin bir hissəsi Rostov-na-Donda aparılıb.
• Filmdə ər-arvad İvan və Lyuba rollarını ifa edən Yevgeni Leonov və Lyubov Sokolova "Belarus vağzalı" filmində də eyni adlı cütlüyü canlandırıblar.
• "Otuz üç" Georgi Daneliyanın ağ-qara kinolentə çəkdiyi son filmdir.

Xarici keçidlər

• «Тридцать три» Arxivləşdirilib 2016-06-13 at the Wayback Machine "Mosfilm"in saytında