Ourang Medan

Ourang Medan
Ourang Medan
Ölkə	Niderland
Növü	ticarət gəmisi

Ourang Medan – Malakka boğazında məlum olmayan səbəbdən bütün heyəti həlak olan və sonradan əfsənəyə çevrilmiş, Niderlanda məxsus kabus gəmi.^[1]

Hadisə

1947-ci ilin iyun ayında Malakka boğazında üzən ABŞ-yə məxsus 2 gəmi Ourang Medan gəmisinin radio operatoru tərəfindən göndərilən "SOS" siqnalını, ardınca isə "Kapitan daxil olmaqla bütün heyətimiz öldü" məzmununda radio siqnalı qəbul edir. Radio dalğalarını qəbul edən, çaşıb qalmış digər 2 gəminin radio operatorlarının son siqnalı açıq-aydın eşidilir: "Ölürəm" mesajı alan gəmilərdən biri olan Silver Star dərhal koordinatları müəyyən edib Ourang Medan gəmisini xilas etmək üçün yollanır. Lakin hadisə yerinə yerinə çatan Silver Star gəmisinin heyəti Ourang Medan gəmisinin yaxşı vəziyyətdə olduğu, ancaq məlum olmayan səbəbdən bütün heyətin cansız cəsədləri ilə qarşılaşırlar (cəsədlərin içində hətta itə məxsus cəsəd də var idi).

Ourang Medan hadisəsini qeyri-adi edən digər amil də bütün cəsədlərin əlləri ilə işarə edərək günəşə baxdıqlarının bildirilməsidir. Ağızları axıra kimi açılmışdı, sifətlərində qorxu ifadəsi var idi və dişləri bərk sıxılmışdı. Digər bir qəribəlik isə ölənlərin bədənlərində zərbə və ya zorakılıq əlamətlərin olmamasıdır.

Bundan bir müddət sonra tryumların birində bilinməyən səbəbdən tüstünün peyda olması gəmidə axtarış aparan Silver Star gəmisinin heyətinin Ourang Medan gəmisini dərhal tərk etməyə məcbur etdi və bir müddət sonra gəmidə hadisənin baş verməsi səbəbini aydınlaşdırmağa maneə yaradan partlayış baş verdi. Bir neçə saniyə sonra isə Ourang Medan gəmisi sulara qərq oldu.

Səbəblər

Təhlükəli yüklərı

Fərziyyələrin birinə görə hadisəyə səbəb Ourang Medan gəmisinin qaçaqmalçılıq yolu ilə nitroqliserin, zarin və digər təhlükəli maddələrin daşınması zamanı həmin maddələrin dəniz suyu ilə qarışması səbəbindən heyətin zəhərlənməsi və gəminin partlaması ilə nəticələnib. Hadisənin baş vermə dövrünün ikinci dünya müharibəsinin bitməsindən dərhal sonra olduğu üçün həmin gəmidə daha bir neçə naməlum maddənin olması da istisna edilmir.

Karbon monoksid

Tarixdə ilk dəfə olaraq "Bermud üçbucağı" ifadəsini işlətmiş və bir çox paranormal hadisələri işıqlandırmaqla məşhur olan amerikalı yazıçı Vinsent Qaddisin fərziyyəsinə görə gəmidə baş verən hadisələrə səbəb gəmidə aşkar edilməyən yanğın və ya gəminin qazanxana sistemində baş verən nasazlıqdır. Hər hansı bir bilinməyən səbəbdən gəmidə karbon monoksid qazının sızıntısı nəticəsində gəmidəki heyət zəhərlənmiş və gəminin anidən partlanması ilə nəticələnmişdir.^[2]

Paranormal hadisələr

Digər bir fərziyyəyə əsasən isə hadisəyə səbəb gəmi heyətinin uçan naməlum obyekt,^[3] elmə məlum olmayan digər paranormal güclər və ya ruhlar tərəfindən hücuma məruz qalmasıdır. Heyət üzvlərinin bəzilərinin məhz helə bu səbəbdən də üzlərində dəhşətli qorxu ifadəsi, ağızlarının açıq vəziyyətdə və əllərinin barmaqla işarə göstərməsi buna sübut kimi göstərilir.

İstinadlar

↑ Bainton, Roy. "A Cargo of Death". Fortean Times. September 1999. 28. 2007-02-05 tarixində arxivləşdirilib.
↑ Gaddis, Vincent. Invisible Horizons. Ace Books, Inc., New York. 1965. 125–126. ISBN 0-441-37177-9.
↑ Jessup, Morris K. The Case For the UFO. Citadel Press, New York. 1955. 88–90.

[bainton-1] Bainton, Roy. "A Cargo of Death". Fortean Times. September 1999. 28. 2007-02-05 tarixində arxivləşdirilib.

[gaddis-2] Gaddis, Vincent. Invisible Horizons. Ace Books, Inc., New York. 1965. 125–126. ISBN 0-441-37177-9.

[jessup-3] Jessup, Morris K. The Case For the UFO. Citadel Press, New York. 1955. 88–90.

[1]

[2]

[3]