Oygen Mayer
Oygen "Geni" Mayer (alm. Eugen Meier; 30 aprel 1930[1] – 26 mart 2002, Bern)― hücumçu mövqeyində oynamış İsveçrə futbolçusu. Ən yüksək İsveçrə liqasında vurduğu 249 qolla o, bütün zamanların ən yaxşı İsveçrə hücumçularından biri sayılır. 14 mövsüm şərəfini qoruduğu "Yanq-Boyz" klubunun tarixində ən çox qol vuran oyuçudur. 1953-1965-ci illərdə çıxış etdiyi İsveçrə milli futbol komandasında 42 oyun keçirmişdir.
| Oygen Mayer | |
|---|---|
| Ümumi məlumatlar | |
| Doğum tarixi | 30 aprel 1930[1] |
| Vəfat tarixi | 26 mart 2002 (71 yaşında) |
| Vəfat yeri | |
| Vətəndaşlığı | |
| Mövqeyi | yarımmüdafiəçi |
Karyerası redaktə
Gənclik karyerası redaktə
1942-ci ildə Oygen Mayer futbolçu karyerasına doğma klubu "Şaffhausen"in gənclər komandasında başladı. Sarı-qaralarla gənc hücumçu 1951-ci ilə qədər oynadı. 1946/47 və 1950/51 mövsümündə 2-ci divizionda oynamaqla təcrübə topladı.
"Yanq-Boyz", 1951-65 redaktə
1951-ci ildə 21 yaşında olarkən o, "Yanq Boyz"a qoşulmaq üçün federal şəhərə köçdü. Berndəki ikinci mövsümündə "Geni" Mayer ölkə kubokunu qazandı, 1953-də isə həmin turnirin finalına qədər gəldi. Elə bu ərəfələrdə o, öz oyunu ilə tanınmağa başlandı. 32 qolla İsveçrə Miili Liqa A-nın bombardiri adını qazandı. "Yanq-Boyz" ilə 14 il keçirdikdən sonra karyerasını başa vurdu və klubun tarixində ən çox qol vuran oyunçusu oldu.
Milli komanda redaktə
İsveçrə milli futbol komandasında ilk oyununa 25 may 1953-cü ildə çıxdı. Elə vətənində keçirilən 1954 FİFA Dünya Kubokunda o, İngiltərə millisinə qarşı oynamışdır. Millidə keçirdiyi 42 oyundan sonra o, 7 iyun 1962-ci ildə 3-0 məğlubiyyət hesablı İtaliya komandasına qarşı oyundan sonra millidə karyerasını bitirdi.
Nailiyyətləri redaktə
- dörd dəfə İsveçrə çempionu (1957–1960)
- iki İsveçrə kuboku qalibi (1953 və 1958)
- Milli Liqa A-da iki dəfə ən çox qol vuran (1953 və 1959)
İstinadlar redaktə
- ↑ 1 2 Eugen Meier † // Transfermarkt (çd.). 2000.
Mənbə redaktə
- 211 weltbesten Erst-Liga-Torschützen des Jahrhunderts, IFFHS, 1998
- Das große europäische Fußballbuch, Band 2, Länderspiele und Pokalendspiele, Sportverlag Uwe Nuttelmann, Jade, 1999, ISBN 3-930814-02-1
- Hardy Grüne: Fußball WM Enzyklopädie. 1930–2006. AGON Sportverlag, Kassel 2002, ISBN 3-89784-205-X.