Oyunda (film, 2009)

Oyunda (rus.:"На игре") — 2009-cu ildə Aleksandr Çubaryanın "Həyat Oyunları" kitabının motivləri əsasında Pavel Sanaevin çəkdiyi rus döyuş filmi. Filmin premyerası 26 noyabr 2009-cu il tarixində baş tutub.[2]

Oyunda
rus. На игре
Janr superqəhrəman filmi, kiberpank
Rejissor Pavel Sanaev
Prodüser Aleksandr Bondarev
İlk baxış tarixi 26 noyabr 2009[1]
Ölkə
Dil rus dili
IMDb ID1532382

2010-cu ilin aprelində filmin davamı olaraq "Oyunda: yeni səviyyə" filmi çəkilib.

2012-ci ilin yazında "STS" kanalında "Oyunda" və "Oyunda: yeni səviyyə" filmlərinin davamı olan 8 seriyalı "oyunçular"serialının premyerası olub.

Süjet redaktə

Film quldur avtoritetlər olan Matveyin və onun dostlarının evindəki səhnədən başlayır. Onlara gənc bir vampir oğlan müraciət edərək mühafizəçini öldürdüyünü və onlarla danışmaq istədiyini bildirir.

Filmdə bir ay əvvəl baş verən hadisələrə keçid edilir. Şəhərdə Kiber idman turniri keçirilir. Turnirdə Vampir, Dok, Komar, Uzun və Yanın üzv olduğu "Grandmaster" komandası qalib gəlir. Vampirin qız dostu Rita avtomobil yarışlarında ikinci yeri tutur. Vampirin dostu Maksim döyüş oyununda qalib gəlir. "Virtus" Şirkətinin Prezidenti Viktor Pokrovski bu uşaqlara elmi işlərin təcrübə nümunələri olan ən yeni disklərin ilk nümunələrini hədiyyə edir.[3] Bu disklər işə başladıqdan sonra uşaqlar, diskdəki oyunçularının bacarıqlarına uyğun xüsusi bacarıqlar qazanırlar. "Grandmaster" komandasının üzvləri silahlardan inanılmaz dərəcədə ustalıqla istifadə edir, Rita peşəkar sürücü olur, Maks isə döyüş sənəti bacarıqlarına yiyələnir.

Maksim sevgilisi Lena ilə restoranda qəhvə içdiyi zaman kriminal avtoritet Xızırın qardaşı Vajenin adamları ilə münaqişə yaşayır. Maksim oyundan aldığı bacarıqlar sayəsində Vajenin admlarını çox rahatlıqla əzişdirir. Daha sonra Vajenin adamları Maksimi tutur və Xızırın zavoduna aparırlar. Maksimi xilas etmək üçun Vampir "Grandmaster2 komandasının üzvləri ilə zavoda hücum edir və Xızır ilə adamlarını öldurur. Gənclər sonra Uzunun bağ evində gizlənirlər.

Bir ay keçdikdən sonra Dok, əllərində qalmış az pulu Matveyin başçılıq etdiyi cinayətkar sindikata yatırım etməyi təklif edir, amma bu zaman Rita FSB polkovniki Lebedev tərəfindən oğurlanır. Lebedev şantaj yolu ilə uşaqları xüsusi xidmət orqanlarında işləməyə və quldurları aradan qaldırmağa məcbur edir.

İlk günlərdə uşaqlar zəngin həyatın dadını çıxarırlar, amma Boliviya Hökuməti ilə böyük müqavilə bağlayan bir iş adamı olan Sergey Zaritsının aradan qaldırılması tapşırığını yerinə yetirərkən Vampir, xüsusi xidmət orqanlarında deyil əslində cinayətkarlara işlədiklərini başa düşür. Doku Zaritsını öldürməməyə inandırmağa çalışır, ancaq Dok Vampiri aldadır və əməliyyatı müvəffəqiyyətlə bitirir. Döyüş yerindən qaçarkən Rita və Üzun ağır yaralanır, lakin Vampirin sayəsində hər kəs oranı tərk edə bilər. Lebedevin bazasına gəldikdə Uzun çoxlu qan itirdiyi üçun ölür.

Rollarda redaktə

  • Sergey Çirkov — Dmitri "Vampir" Orlov
  • Marina Petrenko — Rita Smirnova
  • Pavel Priluçnı — Ruslan "Doktor" Avdeev
  • Evgeny Harlanov — Kirill "Komar" Komarenko
  • Tixon Jiznevski — Konstantin Uzun
  • Nodar Siradze — Yan Zats
  • Alexey Bardukov — Maksim
  • Aqniya Ditkovskite — Lena
  • Viktor Verzhbitskı — Boris Sergeevich Gromov
  • Boris Tenin — Polkovnik Sergey Viktoroviç Lebedev
  • İqor Sklyar — Sergey Zaritsyn
  • Mixail Qorevoy — Viktor Pokrovski
  • Mixail Truxin — Oleq Skolski
  • Sergey Burunov — Boris[3]

Çəkiliş heyəti redaktə

  • Ssenari müəllifləri:
    • Pavel Sanaev
    • Alexander Çubaryan
  • Rejissor:
    • Pavel Sanaev
  • Qruluşçu operator:
    • Vladislav Gurçin
  • Bəstəkarlar:
    • İvan Burlyaev
    • Sergey Dudakov
  • Musiqi prodüseri:
    • Aleksey Rumyantsev
  • Prodüser:
    • Aleksandr Bondarev
  • Tryuk qruluşçusu:
    • Valeri Derkaç
  • Treyler montajçısı:
    • Anton Novoseltsev
  • Treyler prodüseri:
    • Andrey Rusanov

Musiqi redaktə

Filmin açılış səhnəsi Newtone qrupunun "Oyun" musiqisi ilə başlayır. Filmin sonunda "Torba-na-Kruche" qrupunun "Qaçaq" mahnısı səslənir. Filmdə həmçinin Lumen, Mumiy Troll, VovaKatya və The Prodigynin mahnıları səsləndirilib

Filmin fraqmentlərindən istifadə edərək "Torba-na-Kruche" qrupunun "Qaçaq" mahnısına klip çəkilir[4].

İstinadlar redaktə

  1. Freebase Data Dumps. Google.
  2. "Arxivlənmiş surət". 2021-04-15 tarixində arxivləşdirilib. İstifadə tarixi: 2021-04-14.
  3. 3,0 3,1 "Arxivlənmiş surət". 2020-11-12 tarixində arxivləşdirilib. İstifadə tarixi: 2021-04-14.
  4. "Arxivlənmiş surət". 2022-06-06 tarixində arxivləşdirilib. İstifadə tarixi: 2021-04-14.

Xarici keçidlər redaktə