Ozren dağı

Ozren dağı (serb. Озрен / Ozren) — Bosniya və Herseqovinanın şimal hissəsində yerləşən kiçik dağ massividir. Doboy və Zavidoviçi şəhərlərinə qədər uzanan dağ massivinin uzunluğu təxminən 40 km-dir. Qərbdə Bosna çay vadisinin və şimalda Spreça çay vadisinin arasında yerləşmişdir. Cənubda Əyriçay boyunca davam edir. Şərqdə isə Modraço gölünü qədər enir. Dağ massivi Bosniya və Herseqovina Federasiyası, qismən də Bosniya Serb Respublikasının ərazisində yerləşmişdir. İnzibati cəhətdən Petrova və Maqlay icmasına daxildir.

Ozren dağı
Prenya çayı və Ozren dağı
Prenya çayı və Ozren dağı
Ümumi məlumatlar
Mütləq hündürlüyü 918 m
Yerləşməsi
44°37′43″ şm. e. 18°14′00″ ş. u.
Ölkə  Bosniya və Herseqovina
Ozren dağı xəritədə
Ozren dağı
Ozren dağı
Vikianbarın loqosu Vikianbarda əlaqəli mediafayllar

EtimologiyasıRedaktə

Əfsanəyə görə, dağ öz adını Bosniya korolyovu Katerina Kosaça Kostromaniçdən almışdır. O, dağın zirvəsinə qalxmağa nail olmuşdur. Zirvəyə çatdıqdan sonra isə dağın mənzərisinə heyran qalmışdır. Katerina bu sözləri demişdir:«Мили Боже, лијепа обазарја» (Tərcüməsi: «İlahi, necə də gözəldir») «Oбазарја» sözü isə bir sıra məna dəyişərək Ozren ilə əvəz olunmuşdur.[1]

XarakteristikasıRedaktə

Dağ massivinin üç ən yüksək zirvəsi Petrovo bələdiyyəsinin ərazisində yerləşmişdir. Bunlar Böyük Ostravisa (918 m), Kralisa (883 m) və Kiçik Ostravisa (853 m) zirvələridir. Ozren dağı müxtəlif təbii resurslarla və bitkilər aləmi ilə zəngindir. Burada təmiz içməli su mənbələri vardır. Şəfaverici xüsusiyyətlərə malik olan geotermal bulaqlar, mədən suları və mineral bulaqlar üstünlük təşkil edir.[2]

TarixiRedaktə

Coğrafi xüsusiyyətlərinə görə Ozren dağı tez-tez hərbi münaqişələr zamanı müdafiə məntəqəsi olmuşdur. Belə ki, 1942-ci ildə İkinci Dünya Müharibəsinin gedişatında alman-xorvat qoşunları burada möhkəmlənmiş və Yuqoslaviya partizanlarına qarşı cəza əməliyyatları həyata keçirmişlər. Partizanların çox hissəsi yerli meşələrdə gizlənməyi bacarmışlar. Ozren dağı Bosniya müharibəsi zamanı müsəlmanlara qarşı serblərin müdafiə məntəqəsi olmuşdur. Hal-hazırda Kralisa zirvəsində Serbiya Respublikasının Silahlı Qüvvələrinin həlak olmuş döyüşçülərinə abidə qoyulmuşdur. Onlar 1995-ci ildə NATO-nun bombardmanlarının qurbanı olmuşlar.[3][4][5]

Ozren monastrıRedaktə

Dağda Nikolay Çudotvoruça həsr olunmuş şərq provaslav monastrı yaradılmışdır. Həmin monastır Ozren monastrı kimi məşhurdur.

Ozren marafonuRedaktə

Petrovo bələdiyyəsinin, Serbiya Radio və Televiziyasının dəstəyi ilə Petrovoda hər il Ozren dağ silsiləsi üzrə ənənəvi marafon qaçışı təşkil edir.[6]

İstinadlarRedaktə

  1. "Dobro došli". http://www.ozren.org/. Ozren Outdoor.
  2. "Оперативни план заштите и спашавања од пожара у Општини Петрово" (ср). Општина Петрово. март/април 2011. İstifadə tarixi: 08.09.2011..[ölü keçid]
  3. "Битва за Озрен". Српска.ру. 2006-02-03. İstifadə tarixi: 2016-03-28.
  4. "Сјећање на жртве NATO бомбардовања" (ср). Глас Српске. 07.09.2011. İstifadə tarixi: 08.09.2011..[ölü keçid]
  5. "Парастос на Краљици" (ср). Радио-телевизија Републике Српске. 07.09.2011. İstifadə tarixi: 08.09.2011..
  6. "Озренски планинарски маратон, 2012" (ср). Радио-телевизија Републике Српске. 9. 6. 2012. İstifadə tarixi: 10. 6. 2012..[ölü keçid]

Xarici keçidlərRedaktə