Pələng cırmağı (film, 1991)

Pələng cırmağ (ing. Tiger Claws) — 1991-ci ildə döyüş janrında çəkilən filmdir. Filmin büdcəsi qiymətləndirməylə 2,500,000 Kanada dollarıdır.[2] Bu büdcənin qoyulmasında Calal Merhinin böyük rolu vardır. Filmin bir çox səhnələri "Shapiro-Glickenhaus Entertainment" şirkətinin büdcə problemi səbəbindən ayrı-ayrılıqda 3 aya çəkilmişdir.[3]

Düzələn səhvlər
ing. Tiger Claws
Janr Döyüş filmi
Rejissor Kelli Makin
Prodüser C. Stiven Maunder
Baş rollarda Calal Merhi
Sintiya Rotrok
Bolo Yen
Bəstəkar Varuci
İstehsalçılar Film One Productions
Shapiro-Glickenhaus Entertainment[1]
İlk baxış tarixi ABŞ 16 iyul 1992
Müddət 92 dəqiqə
Ölkələr Kanada Kanada
ABŞ ABŞ
Dil İngilis dili
İl 1991
Rəng rəngli
IMDb ID0105592

Məzmun redaktə

Bir çox döyüş ustalarını qəddarlıqla öldürən qatil axtarışdadır. Onun axtarış işi Linda Mastersona həvalə edilir. Onun köməkçisi isə Terek Riçardsdır. Terek bir müddət əvvəl vəzifəsindən kənarlaşdırılmış və bu vəzifəni geri qaytarmaq üçün yeni vəzifəsinin üstəsindən gəlməlidir. Onlar naməlum səbəbdən öldürülmüş döyüş ustalarının bədənlərində pələng cırmağına bənzər izləri müşahidə edirlər. Terek qatilin qədim döyüş sənətlərindən olan Kunq-funun "Pələng" növü ilə məşğul olduğunu başa düşür. Terek əvvəllər bu növlə Çində məşğul olmuşdur.

Terek və Linda Nyu-Yorkda bu döyüş növü ilə məşğul olan klubları axtarmağa başlayırlar. Onlar Çayna-taunda öyrənirlər ki, Çou adlı müəllim döyüş sənətləri ustasıdır və gecə vaxtı bağlı kinoteatrda gizli olaraq tələbələrini hazırlaşdırır. Bir müddət sonra Terek Çounun məktəbinə daxil olmaq qərarına gəlir. Bu məqsədlə Terek və Riçards qatilin izinə düşəcəklər. Terek Çou ilə görüşür və özü haqqında məlumat verir. Çou onun keçmiş müəlliminə hörmətlə yanaşır və onun tələbəsi olmasına razılıq verir. Burada Çonq adlı rəssam divarları rəngləməklə məşğuldur. Terek ona ilk vaxtlar fikir vermir. Bir müddət sonra Terek və Linda Çounun tələbələrindən birini izləməyə başlayırlar. Terek və Linda ondan şübhələnirlər və onu polis məntəqəsinə aparırlar. Lakin həmin qatil olmur və bu barədə onlara məlumat verilir. Bu səbəbdən Terek və Linda işdən azad edilir.

Terek və Linda bu işlə icazəsiz olaraq məşğul olmağa başlayırlar. Terek məktəbdə gizli olaraq çəkdiyi videoya diqqətlə nəzər yetirir. Bu zaman onlar əsl qatilin Çonq olduğunu başa düşürlər. Terek və Linda onu həbs etmək üçün məktəbə yollanırlar. Bu zaman müəllimin və tələbələrinin öldüyünü görürlər. Çonq isə onlara müqavimət göstərərək, buradan qaçmağı bacarır. Müfəttişlər Çonqun burada öldürdüyün döyüş ustalarından müxtəlif əşyalar götürdüyün müşahidə edirlər. Sabahısı gün Çonq qəflətən peyda olaraq Terek və Lindaya hücum edir. Bir müddət sonra Terek və Çonq arasında mübarizə başa verir. Terek Çonqu məğlub etməyi bacarır və onu polislərə təslim edir. Bu hadisədən bir müddət sonra Terek və Linda dincəlmək üçün səyahətə hazırlaşırlar.

Rollarda redaktə

Ad Rol Qeydlər
Calal Merhi Terek Riçards Polis
Sintiya Rotrok Linda Masterson Polis
Bolo Yen Çonq Qatil

İstinadlar redaktə

  1. Pələng cırmağı filminin istehsalçı şirkətləri Yoxlanılıb: 22 sentyabr 2014
  2. Pələng cırmağı filminin gəliri Yoxlanılıb: 22 sentyabr 2014
  3. Pələng cırmağı filmindən maraqlı faktlar Yoxlanılıb: 22 sentyabr 2014

Xarici keçidlər redaktə