Pərizamanlı

Pərizamanlı
Pərizamanlı
	40°48′ şm. e. 45°47′ ş. u.HGYO
Ölkə	Azərbaycan;
Tarixi və coğrafiyası
Saat qurşağı	UTC+04:00;
	Xəritəni göstər/gizlə Pərizamanlı

Pərizamanlı — Azərbaycan Respublikasının Gədəbəy rayonunun Pərizamanlı kənd inzibati ərazi dairəsində kənd.^[1] Azərbaycan Respublikası Milli Məclisinin 24 iyun 2005-ci il tarixli, 954-IIQ saylı Qərarı ilə Gədəbəy rayonunun Pərizamanlı kəndi Qoşabulaq kənd inzibati ərazi dairəsi tərkibindən ayrılaraq, bu kənd mərkəz olmaqla, Pərizamanlı kənd inzibati ərazi vahidi yaradılmışdır.^[2]

Toponimikası

Yerli əhalinin məlumatına görə, yaşayış məntəqəsini Tovuz rayonunun Alakol kəndindən gəlmiş Pəri adlı qadın və onun əri Zaman saldığı üçün kənd onların adı ilə adlandırılmışdır. Kəndin adını pərizamanlı nəslinin adı ilə bağlayanlar da vardır.^[3]

Tarixi

Kəndin tarixi XIX əsrin əvvəllərindən başlayır. XX əsrin 70-ci illərində kənd Tovuz rayonunun inzibati ərazisindən ayrılaraq Gədəbəy rayonuna birləşdirilib. 2005-ci ildən bəri inzibati ərazi dairəsi üzrə nümayəndəlik yaradılıb.

Coğrafiyası və iqlimi

Kənd Şahdağ silsiləsinin ətəyində yerləşir.

Yayda kənddə quraq keçən mülayim isti iqlim hakim olur. Orta temperatur yanvarda -2S-dən 10S-dək, iyulda isə 12S-dən 35S-dəkdir.

İllik yağıntı 600–900 mm-dir. Yağıntılar müxtəlifdir: yay-yaz aylarında yağış və dolu, qış aylarında isə qar yağır. İlk qar oktyabr-noyabr aylarında yağır, mart ayının sonlarında havalar mülayimləşir.

Kərəm bulağı bu kənddə yerləşir. El qəhrəmanı Qaçaq Kərəmin adıyla adlandırılıb. Söylənilənlərə görə, Qaçaq Kərəm bu bulağın başında Pərizamanlı camaatının dəfələrlə qonağı olub. Gözəl havası var.

Əhalisi

Əhalisi azərbaycanlılardan ibarətdir. 2009-cu ilin siyahıyaalınmasına əsasən kənddə 691 nəfər əhali yaşayır.^[4]

İqtisadiyyatı

Əhalinin əsas məşğuliyyətini kənd təsərrüfatı — əkinçilik, maldarlıq və heyvandarlıq təşkil edir.

2018-ci ildə kəndə asfalt yol çəkilib.

Mədəniyyəti

Xocalı-Gədəbəy mədəniyyətinə aid edilir.

İstinadlar

↑ Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı, 2024" (PDF) (az.). stat.gov.az. 2024-02-28. 2024-03-14 tarixində arxivləşdirilib (PDF). İstifadə tarixi: 2024-04-05.
↑ "Azərbaycan Respublikasının Gədəbəy rayonunun inzibati ərazi bölgüsündə qismən dəyişikliklər edilməsi haqqında Azərbaycan Respublikası Milli Məclisinin 24 iyun 2005-ci il tarixli, 954-IIQ saylı Qərarı". 2023-07-06 tarixində arxivləşdirilib. İstifadə tarixi: 2022-10-10.
↑ Pərizamanlı // Azərbaycan toponimlərinin ensiklopedik lüğəti. II cild. Bakı: Şərq-Qərb. 2007. 304. ISBN 978-9952-34-156-0.
↑ Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629

Həmçinin bax

[1] Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı, 2024" (PDF) (az.). stat.gov.az. 2024-02-28. 2024-03-14 tarixində arxivləşdirilib (PDF). İstifadə tarixi: 2024-04-05.

[2] "Azərbaycan Respublikasının Gədəbəy rayonunun inzibati ərazi bölgüsündə qismən dəyişikliklər edilməsi haqqında Azərbaycan Respublikası Milli Məclisinin 24 iyun 2005-ci il tarixli, 954-IIQ saylı Qərarı". 2023-07-06 tarixində arxivləşdirilib. İstifadə tarixi: 2022-10-10.

[3] Pərizamanlı // Azərbaycan toponimlərinin ensiklopedik lüğəti. II cild. Bakı: Şərq-Qərb. 2007. 304. ISBN 978-9952-34-156-0.

[4] Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629

[1]

[2]

[3]

[4]

Pərizamanlı

40°48′ şm. e. 45°47′ ş. u.^HGYO
Ölkə	Azərbaycan
Tarixi və coğrafiyası
Saat qurşağı	UTC+04:00
Xəritəni göstər/gizlə Pərizamanlı