Pərvin Əkbərov
Pərvin Əkbərov (17 avqust 1982, Qarabağlı, Salyan rayonu) — Azərbaycanlı alim, TƏBİB-in İcraçı direktorunun müşaviri (2023), Elmi-Tədqiqat Tibbi Bərpa İnstitutunun direktoru (2021), Azərbaycan Respublikası Milli Karate Federasiyasında Tibb və Antidopinq komitəsinin sədri.
| Pərvin Əkbərov | |
|---|---|
 | |
| Doğum tarixi | 17 avqust 1982 (41 yaş) |
| Doğum yeri | |
| Vətəndaşlığı |
 Azərbaycan |
| Təhsili |
Tehran Sosial Rifah və Reabilitasiya Elmləri Universiteti İspaniya Milli Tibb Elmləri Universiteti Qazi Universiteti Azərbaycan Respublikasının Prezidenti yanında Dövlət İdarəçilik Akademiyası |
| Elmi dərəcəsi |
|
Həyatı redaktə
Pərvin Əkbərov 1982-ci il 17 avqust tarixində Salyan rayonunun Qarabağlı kəndində anadan olub. 2001–2007-ci illərdə Tehran Sosial Rifah və Reabilitasiya Elmləri Universitetində reabilitasiya və fizioterapiya üzrə uzmanlıq, 2019–2021-ci illərdə isə İspaniya Milli Tibb Elmləri Universitetinin osteopatik klinik reabilitasiya üzrə fəlsəfə doktoru elmi dərəcəsi almışdır. Hazırda Qazi Universitetində reabilitasiya və fizioterapiya üzrə doktorantura və Azərbaycan Respublikasının Prezidenti yanında Dövlət İdarəçilik Akademiyasında dövlət və bələdiyyə idarəetməsi üzrə bakalavr təhsili alır.[1][2]
Fəaliyyəti redaktə
Pərvin Əkbərov 2008-ci ildən Tusi Memorial Klinikasında şöbə müdiri, 2011-ci ildən isə Azərbaycan Respublikası Milli Karate Federasiyasında Tibb və Antidopinq komitəsinin sədridir. O, 2015–2017-ci illərdə Gəncə Reabilitasiya Mərkəzində tibbi direktoru, 2017–2021-ci illərdə Respublika Dioqnostika Mərkəzində Fizioterapiya və Reabilitasiya şöbəsinin müdiri olmuşdur. 2018-ci ildən Gəncə Beynəlxalq xəstəxanasında şöbə müdiri, 2020-ci ildən Koreya Şərq təbabəti klinikasında Fizioterapiya və Reabilitasiya şöbəsinin müdiri, Respublika Dioqnostika Mərkəzində Fizioterapiya və reabilitasiya şöbəsinin müdiri vəzifələrində çalışıb.
2021-ci ildə Azərbaycan Tibb Universitetində müəllim fəaliyyəti ilə məşğuldur.
2022–2023-cü illərdə Elmi-Tədqiqat Tibbi Bərpa İnstitutunun direktoru olmuşdur.
2023-cü ilin yanvar ayında TƏBİB-in İcraçı direktorunun müşaviri təyin olunub.[3] O, həmçinin eyni ildə Yeni Klinika-nın idarə heyətinə üzv seçilib.
Elmi fəaliyyəti redaktə
Pərvin Əkbərov Türkiyə, Rusiya, Amerika, İsveçrə, Kanada, Almaniya, İtaliya, İspaniya, Niderland, İran, Çexiya, Cənubi Afrika və Hindistan kimi ölkələrdə müxtəlif beynəlxalq sertifikasiyalı konfrans və təlimlərdə iştirak edib.[2]
Amerika Fizioterapiya və Reabilitasiya Assosiasiyası, Amerika Reabilitasiya Tibb Konqresi, Beynəlxalq Funksional Elektrik Stimullaşdırma Cəmiyyəti və Reabilitasiya Robotları üzrə Beynəlxalq Konsorsiumunun üzvüdür.
Kəskin insultdan sonra reabilitasiya qrupnun təşkili, xüsusən erkən koqnitiv qiymətləndirmə, neyromotorun bərpası və disfagiyanın diaqnozu (Tulln Universiteti 26–30 iyun 2023 Avstriya, Tulln), (Psixiatriya və Nevrologiya İnstitutu 03–14 iyul 2023, Polşa, Varşava) elmi layihəsinin müəllifidir.
İstinadlar redaktə
- ↑ "Elmi-Tədqiqat Tibbi Bərpa İnstitutuna direktor təyin olunub". Apa.az (az.). 2023-12-29 tarixində arxivləşdirilib. İstifadə tarixi: 2023-12-29.
- ↑ 1 2 "Pərvin Əkbərova vəzifə verildi". Pravda.az. İstifadə tarixi: 2023-12-29.
- ↑ "TƏBİB-in İcraçı direktoruna yeni müşavir təyin olunub". Report İnformasiya Agentliyi (az.). 2023-01-10. 2023-01-14 tarixində arxivləşdirilib. İstifadə tarixi: 2023-12-29.