Pərviz Məmmədzadə

Pərviz Məmmədzadə
Pərviz Məmmədzadə
	Pərviz Zahid oğlu Məmmədzadə
Şəxsi məlumatlar
Doğum tarixi	31 iyul 2001
Doğum yeri	Qaraxanbəyli, Babək rayonu, Naxçıvan Muxtar Respublikası, Azərbaycan;
Vəfat tarixi	6 noyabr 2020 (19 yaşında)
Vəfat yeri	Xocavənd rayonu, Azərbaycan;
Dəfn yeri	Qaraçuq;
Vətəndaşlığı	Azərbaycan;
Milliyyəti	azərbaycanlı
Təhsili	Heydər Əliyev adına Hərbi Lisey;
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	2015-2020
Döyüşlər	İkinci Qarabağ müharibəsi ; • Hadrutun azad edilməsi
Təltifləri

Pərviz Zahid oğlu Məmmədzadə (31 iyul 2001, Qaraxanbəyli, Naxçıvan Muxtar Respublikası – 6 noyabr 2020, Xocavənd rayonu) — Azərbaycan Silahlı Qüvvələrinin kursantı, İkinci Qarabağ müharibəsinin şəhidi.

Həyatı redaktə

Pərviz Məmmədzadə 31 iyul 2001-ci ildə Babək rayonunun Qaraxanbəyli kəndində dünyaya göz açmışdır.^[1] 2007-2015-ci illərdə Qaraçuq kəndində yerləşən Vilayət Mahmudov adına 9 nömrəli tam orta məktəbdə təhsil alıb.

Hərbi xidməti redaktə

2015-ci ildə Naxçıvan şəhərindəki Heydər Əliyev adına hərbi liseyə daxil olub. 2018-ci ildə bu liseydən məzun olaraq Bakıdakı Heydər Əliyev adına Azərbaycan Ali Hərbi Məktəbində hərb sənətinin dərinliklərinə yilənmək üçün kursant kimi təhsilini davam etdirib.

O, 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan İkinci Qarabağ müharibəsi-də iştirak edib.

Pərviz Məmmadzadə 2020-ci il noyabrın 6-da Xocavənd-in işğaldan azad olunması uğrunda döyüşlərdə şəhid olub. 2020-ci il noyabrın 19-da Qaraçuq kənd məzarlığında dəfn olunub.

Azərbaycan-ın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyev -in 2020-ci il 15 dekabr tarixli Sərəncam-na əsasən Pərviz Məmmədzadə ölümündən sonra “Vətən uğrunda” medalı ilə təltif edilib.

Azərbaycan Respublikasının Xocavənd rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirməsinə görə Azərbaycan Prezidenti İlham Əliyevin 2020-ci il 25 dekabr tarixli Sərəncamına əsasən ” Xocavəndin azad olunmasına görə” medalı ilə təltif edilib .