Pakistan–Türkmənistan münasibətləri
Pakistan–Türkmənistan münasibətləri — Türkmənistan və BƏƏ arasındakı mövcud ikitərəfli münasibətlər.
| Pakistan–Türkmənistan münasibətləri | |||||
|---|---|---|---|---|---|
 | |||||
|
|||||
 Vikianbarda əlaqəli mediafayllar | |||||
Tarix
redaktə1991-ci ildə Pakistan Türkmənistanın müstəqilliyini tanıyır. Ölkələr arasında rəsmi diplomatik münasibətlər 10 may 1992-ci ildə qurulur. İqtisadi Əməkdaşlıq Təşkilatı çərçivəsində qarşılıqlı fəaliyyətə əlavə olaraq, 1991-ci ilin sonunda Türkmənistan Pakistanla əməkdaşlıq müqaviləsi imzalamış və ona 1992-ci ildə 10 milyon ABŞ dolları həcmində kredit veriləcyi barədə vəd almışdır. 1995-ci ildə hər iki ölkə Türkmənistan qazının Əfqanıstandan Pakistana daşıyacaq qaz kəmərinin çəkilməsinə dair bir memorandum imzalamışlar. Mərkəz Argentinada yerləşən Bridas ilə boru kəmərinin tikintisinə başlamaq üçün bir texniki-iqtisadi əsaslandırma müqaviləsi bağlanılır[1][2].
1994-cü ilin oktyabrında Pakistanın Baş naziri Bənazir Bhutto Türkmənistana ilk dövlət səfərini eedir. 1997-ci ilin oktyabrında Pakistan Baş Naziri Nəvaz Şərif Aşqabada səfər edir[3].
2010-cu ilin avqust ayında Türkmənistan Pakistana 40 ton humanitar yardım göndərmişdir.
2011-ci ilin iyun ayında iki ölkə arasındakı dostluq, qardaşlıq münasibətlərinin və xoş niyyətli işbirliyinin əlaməti olaraq 5 ton düyü Pakistandan Türkmənistana bayram münasibətilə göndərilir[4].
İqamətgahı İslamabadda olan Türkmənistanın Pakistan İslam Respublikasındakı fövqəladə və səlahiyyətli səfiri bu vəzifəyə 27 iyun 2012-ci ildə təyin olunmuş Atacan Movlamovdur[5].
21 mart 2013-cü il tarixində Aşqabadda Beynəlxalq Novruz tətilinə həsr olunmuş tədbirlərdə iştirak etmək üçün Aşqabada gələn Türkmənistan Prezidenti Qurbanqulu Berdiməhəmmədov və Pakistan Prezidenti Asif Əli Zərdari arasında bir görüş keçirilir[6].
2017-ci ilin may ayında Türkmənistan Prezidenti Qurbanqulu Berdiməhəmmədov və Pakistanın Baş Naziri Nəvaz Şərif arasında bir görüş keçirilir və bu görüşdə diplomatik münasibətlərin qurulmasının 25 illliyi qeyd edilir. Türkmənistandan Pakistana qaz kəmərinin inşasının erkən başa çatacağına ümid bəslədikləri söylənilir[7].
Ticarət əlaqələri
redaktə2016-cı ildə ölkələr arasındakı ticarət həcmi 4.49 milyon ABŞ dolları təşkil etmişdir. Türkmənistanın Pakistana ixracatı: mineral yanacaq və yağlar, pambıq, qayıqlar, plastik, xörək duzu, gübrələr, tekstil, geyim, tərəvəz, mexaniki avadanlıq, dəmir və polad, elektrik cihazları, nəqliyyat vasitələri, optik və cərrahi alətlər, mebel və əczaçılıq məhsulları. Pakistanın Türkmənistana ixracatı: pambıq, taxıl bitkiləri, partlayıcı maddələr və pirotexnika, dəri məmulatları, şəkər və qənnadı məmulatları[8].
İstinadlar
redaktə- ↑ "Turkmenistan - Asian Neighbors". 2016-11-03 tarixində arxivləşdirilib. İstifadə tarixi: 2021-07-08.
- ↑ "Turkmenistan - Foreign Relations Issues". 2016-11-03 tarixində arxivləşdirilib. İstifadə tarixi: 2021-07-08.
- ↑ "Turkmenistan-Pakistan relations - Newspaper - DAWN.COM". 2018-03-30 tarixində arxivləşdirilib. İstifadə tarixi: 2021-07-08.
- ↑ "Пакистан подарил Туркменистану праздничный пай — 5 тонн риса". 2021-07-09 tarixində arxivləşdirilib. İstifadə tarixi: 2021-07-08.
- ↑ "Атаджан Мовламов назначен послом Туркменистана в Пакистане". 2012-07-07 tarixində arxivləşdirilib. İstifadə tarixi: 2021-07-08.
- ↑ "В Ашхабаде прошла встреча президента Туркменистана и президента Исламской Республики Пакистан". 2016-03-04 tarixində arxivləşdirilib. İstifadə tarixi: 2021-07-08.
- ↑ "Архивированная копия". 2018-03-30 tarixində arxivləşdirilib. İstifadə tarixi: 2018-03-29.
- ↑ "Архивированная копия" (PDF). 2018-03-30 tarixində arxivləşdirilib (PDF). İstifadə tarixi: 2018-03-29.