Peşə Təhsili üzrə Dövlət Agentliyi
Azərbaycan Respublikası Elm və Təhsil Nazirliyi yanında Peşə Təhsili üzrə Dövlət Agentliyi ― peşə təhsili sahəsində dövlət siyasətinin həyata keçirilməsini təmin edən və əlaqələndirən, Azərbaycan Respublikası Elm və Təhsil Nazirliyinin tabeliyindəki peşə təhsili müəssisələrinin fəaliyyətini təşkil edən icra hakimiyyəti orqanıdır.[1]
| Peşə Təhsili üzrə Dövlət Agentliyi | |
|---|---|
| |
| Ümumi məlumatlar | |
| Ölkə |
 Azərbaycan |
| Yaradılma tarixi | 20 aprel 2016 |
| Tabelik | Azərbaycan Respublikası Elm və Təhsil Nazirliyi |
| Baş qərargah |
 Bakı |
| Ünvan | Ə.Orucəliyev 61 |
| Rəhbərlik | |
| Direktor | Ceyhun Kərəmov |
|
|
|
| Rəsmi saytı | vet.edu.az |
Tarixi
redaktəPeşə təhsili sahəsində peşə hazırlığının səmərəliliyini artırmaq və rəqabətqabiliyyətli ixtisaslı kadrların hazırlanmasını təmin etmək məqsədilə Azərbaycan Respublikası Prezidentinin 2016-cı il 20 aprel tarixli 869 nömrəli Fərmanı ilə yaradılmışdır.[1]
Rəhbərlik
redaktəAgentliyin direktoru Ceyhun Kərəmovdur.
Fəaliyyət istiqamətləri
redaktəAgentliyin fəaliyyət istiqamətləri aşağıdakılardır:
- ixtisaslı kadrların hazırlanmasını və onların rəqabət qabiliyyətinin artırılmasını təmin etmək məqsədilə tabeliyindəki peşə təhsili müəssisələrinin fəaliyyətini təşkil edir və əlaqələndirir;
- peşə təhsilini əmək bazarının tələblərinə fasiləsiz uyğunlaşdırmaq məqsədilə əlçatan, səriştələrin inkişafı və karyera yönlü davamlı peşə təhsili və təliminin həyata keçirilməsini təşkil edir;
- peşə təhsili müəssisələrinin maddi-texniki bazasının inkişafı istiqamətində tədbirlər görür;
- peşə təhsili müəssisələrində peşə hazırlığının səmərəliliyini artırmaq məqsədilə işəgötürənlərlə birgə dövlət-biznes əməkdaşlığı çərçivəsində proqramların hazırlanmasını və həyata keçirilməsini təmin edir;
- qeyri-formal və informal üsullarla əldə edilmiş səriştələrin tanınması ilə bağlı metodikaları hazırlayır və tətbiqini təmin edir;
- peşə təhsili sahəsində beynəlxalq proqram və layihələrin əlaqələndirilməsini təşkil edir.
"Peşə təmayüllü siniflərin təşkili" layihəsi
redaktəAgentliyin 2019-cu ildə Təhsil Nazirliyinin dəstəyilə fəaliyyətə başlamış layihəsidir.[2] Layihə çərçivəsində 4 profil üzrə (kənd təsərrüfatı, xidmət, təmir-tikinti, İT) 10 peşə ixtisası tədris edilir — dülgər, çilingər, aşpaz, kombi-kondisioner ustası, mebel ustası, aqronom, dərzi, İT, bərbər, qənnadçı.[3]
Layihə fəaliyyətə başladığı 2019–2020-ci tədris ilində 20 məktəbdə 20 sinif, 2020–2021-ci tədris ilində 35 məktəbdə 55 sinif, 2021–2022-ci tədris ilində isə 80 məktəbdə 124 sinfi əhatə etmişdir.[4][5]
Layihə siniflərinin təşkil edildiyi bütün məktəblərdə "STEAM" modulunun və karyera məsləhəti xidməti tətbiq edilir, bütün 11-ci sinifdə təhsil alan şagirdlər üçün isə "Sürücülük" modulu tədris edilir.[6]
Tərkibi
redaktə
Mənbə
redaktəİstinadlar
redaktə- ↑ "Arxivlənmiş surət". 2022-01-17 tarixində arxivləşdirilib. İstifadə tarixi: 2021-06-11.
- ↑ "Peşə təmayüllü siniflərə mediatur təşkil edilib" (az.). vet.edu.gov.az. 07.04.2022. 20.04.2022 tarixində arxivləşdirilib. İstifadə tarixi: 20.04.2022.
- ↑ Sevinc Qarayeva. ""Peşə təmayüllü siniflərin təşkili": əhatə genişlənir, səviyyə yüksəlir" (az.). 525-ci qəzet. 14.01.2021. 14.01.2021 tarixində arxivləşdirilib. İstifadə tarixi: 20.04.2022.
- ↑ Sitat səhvi: Yanlış
<ref>teqi;:0adlı istinad üçün mətn göstərilməyib - ↑ ""Peşə təmayüllü siniflərin təşkili" layihəsinin hesabat tədbiri keçirilib" (az.). muallim.edu.az. 03.08.2021. 20.04.2022 tarixində arxivləşdirilib. İstifadə tarixi: 20.04.2022.
- ↑ "Yeni tədris ilində peşə təmayüllü siniflərin fəaliyyəti" (az.). muallim.edu.az. 08.01.2021. 20.04.2022 tarixində arxivləşdirilib. İstifadə tarixi: 20.04.2022.