Polad Məmmədov

Polad Məmmədov (12 iyul, 1943 - 24 sentyabr, 1990) — Tibb elmləri namizədi, həkim.

Polad Məmmədov
Məmmədov Polad Ələsgər oğlu
Doğum tarixi	12 iyul 1943(1943-07-12)
Doğum yeri	Laçın şəhəri
Vəfat tarixi	24 sentyabr 1990(1990-09-24) (47 yaşında)
Vəfat yeri	Laçın şəhəri
Dəfn yeri	Laçın
Vətəndaşlığı	Azərbaycan
Elm sahəsi	tibb
Elmi dərəcəsi	Tibb elmləri namizədi

Həyatı

Məmmədov Polad Ələsgər oğlu 12 iyul 1943-cü ildə Laçın şəhərində ziyalı ailəsində anadan olmuşdur. 1950-1960 cı illərdə Laçın şəhər 1 saylı orta məktəbində təhsil alıb qızıl medalla orta məktəbi bitirmişdir.

1966-cı ildə N.Nərimanov adına Azərbaycan Tibb İnstitutunun (indiki Azərbaycan Tibb Universiteti) müalicə-profilaktika fakültəsinə daxil olub, 1966-cı ildə oranı fərqlənmə diplomu ilə bitirmişdir. Təyinatla Laçına şəhər poıiklinikasına göndərilib 1966-1968-ci illərdə həmin poliklinikada işləmişdir.

1968-ci ildə Yenidən Bakı şəhərinə qayıdıb, istedadlı alim-təbib, professor Nurəddin Rzayevin rəhbərlik etdiyi Bakı Şəhər Tibbi Eksperimental xəstəxanasında işləmişdir. 1970-ci ildə, 27 yaşında o, tibb elmləri namizədi adını almaq üçün Şokun müxtəlif növləri zamanı qanda kallikrein miqdarının dinamikası (Динамика содержанија калликреина в крови при различных видах шока) mövzusunda müdafiə eləmişdir. Mövzu yeni, həm də çox aktual idi. Elmi əsər isə, demək olar ki, doktorluq işi səviyyəsində yazılmışdır.

Polad Məmmədov 1972-ci ildən 1990- cı ilədək Yanlış diaqnoz və səhv müalicə nəticəsində 19 il əlil kreslosuna məhkum olmuşdur. 1990-cı ilin oktyabrın 24-də uzun sürən xəstəlikdən sonra Laçın şəhərində vəfat edibdir. Subay idi.

Uzun illər taleyin ağır oyununa düşməsinə baxmayaraq, insanlara qarşı münasibətdə öz əqidəsinə - yumor, mehribanlıq, səmimiyyət, anlaşma, mənəvi yardım və s. sadiq qalmışdır.

Filologiya elmləri namizədi Sevda Sadıqova, Polad Məmmədov haqqında 2001- ci ildə “Bahar ömrün qəm cələngi” adlı kitab yazıbdır.

Mənbə

• "Laçın yurdu" jurnalı, №3(4), 2011, Bakı, "Elm və təhsil", 2011.