Polis Muzeyi (Tokio)

Polis Muzeyi
Polis Muzeyi
Açılış tarixi	1994
Ölkə	Yaponiya;
Yerləşir	Kyobaşi[d]
	35°40′30″ şm. e. 139°46′10″ ş. u.HGYO
	keishicho.metro.tokyo.lg.jp/…
	Vikianbarda əlaqəli mediafayllar

Polis Muzeyi (警察博物館, Keysatsu Hakubutsukan^?) – Yaponiyanın paytaxtı Tokionun Kyobaşi bölgəsində yerləşən muzey. Muzey Yaponiya polisinin və Tokio Metropolitan Polis Departamentinin tarixinə həsr olunmuşdur.

Tarixi

Muzeyin əsası 1961-ci ildə Polislə İctimai Əlaqələr Mərkəzi kimi qoyulmuşdur. 1987-ci ildə indiki binaya köçürülmüşdür.^[1] 1994-cü ildə Tokio Metropolitan Polis Departamentinin 120 illiyi münasibətilə muzey kimi açılmışdır.^[2] 2016-cı ildə muzeydə yenidənqurma işləri aparılmış və 2017-ci ilin aprelində yenidən açılmışdır.^[1]

Ekspozisiya

Muzey Yaponiya polisinin tarixinə və fəaliyyətinə həsr olunmuşdur. Muzeydə polislərin işi haqqında animasiyalar nümayiş etdirilir, uşaqlar üçün polis simulyasiyası təşkil olunur.^[3] Muzeyin kolleksiyasına Tokio Metropolitan Polis Departamenti aid 1000-dən çox sənəd daxildir.^[1]

Muzey binası 6 mərtəbədən ibarətdir. Birinci mərtəbədə motosikl, avtomobil kimi polis nəqliyyat vasitələri, Yaponiya polisinin istifadə etdiyi ilk helikopter sərgilənir. İkinci mərtəbə cinayətin qarşısını alma prosesinə həsr olunmuşdur. Üçüncü mərtəbədə polislərin problemlərə yanaşması və problemləri həll etməsi məsələsinə toxunulur. Burada barmaq izi simulyasiyası və polis köşkü yerləşir. Dördüncü mərtəbə Yaponiyanın ümumi təhlükəsizliyinə həsr olunmuşdur. Bu mərtəbədə miniteatr yerləşir. Beşinci mərtəbə Tokio Metropolitan Polis Departamentinin tarixindən bəhs edir. Burada "Yaponiya polisinin atası" hesab olunan, Tokio Metropolitan Polis Departamentinin qurucusu Kavaci Toşiyoşiyə, eləcə də, Yaponiya polisinin tarixində baş verən insidentlərə aid materiallar, polis uniformaları və təchizatları sərgilənir.^[3] Bu mərtəbədə 1968-ci ildə Nihon Universitetində tələbə hərəkatı zamanı bir polisin ölümü işıqlandırılmışdır.^[2] Altıncı mərtəbədə tədbir zalı yerləşir. Burada polis mövzusunda tədbirlər keçirilir.^[3]

Talisman

Muzeyin talismanı Piipo adlı antropomorfik siçandır. Talisman Tokio Metropolitan Polis Departamenti tərəfindən 1987-ci ildə qəbul olunmuşdur. Onun adı "people" və "police" sözlərinin birləşməsindən yaranıb. Piiponun böyük qulaqları "hər şeyi eşitməyi", böyük gözləri "hər şeyi eşitməyi", başındakı anten isə "cəmiyyətdəki hər hərəkata uyğunlaşmağı" təmsil edir.^[2]

Qalereya

Mazda RX-8
Uniforma
Eksponatlar
Yaponiya polisinin istifadə etdiyi ilk helikopter

İstinadlar

↑ ¹ ² ³ "エリアスポット歴史の街・京橋にある"日本唯一の博物館"とは？". Kobayashi Times (yaponca). 23 mart 2016. 24 sentyabr 2024 tarixində arxivləşdirilib. İstifadə tarixi: 24 sentyabr 2024.
↑ ¹ ² ³ Schieder, Chelsea Szendi. "The People's Police: The Tokyo Police Museum's Version Of History" (PDF). Asia-Pacific Journal (ingiliscə). 13 (44). 2 noyabr 2015. 2024-09-26 tarixində arxivləşdirilib (PDF). İstifadə tarixi: 24 sentyabr 2024.
↑ ¹ ² ³ "Leaflet" (PDF). Muzeyin rəsmi saytı (ingiliscə). 24 sentyabr 2024 tarixində arxivləşdirilib (PDF). İstifadə tarixi: 24 sentyabr 2024.

Xarici keçidlər

keishicho.metro.tokyo.lg.jp/about_mpd/welcome/welcome/ — Rəsmi saytı

[times-1] ¹ ² ³ "エリアスポット歴史の街・京橋にある"日本唯一の博物館"とは？". Kobayashi Times (yaponca). 23 mart 2016. 24 sentyabr 2024 tarixində arxivləşdirilib. İstifadə tarixi: 24 sentyabr 2024.

[pacific-2] ¹ ² ³ Schieder, Chelsea Szendi. "The People's Police: The Tokyo Police Museum's Version Of History" (PDF). Asia-Pacific Journal (ingiliscə). 13 (44). 2 noyabr 2015. 2024-09-26 tarixində arxivləşdirilib (PDF). İstifadə tarixi: 24 sentyabr 2024.

[leaflet-3] ¹ ² ³ "Leaflet" (PDF). Muzeyin rəsmi saytı (ingiliscə). 24 sentyabr 2024 tarixində arxivləşdirilib (PDF). İstifadə tarixi: 24 sentyabr 2024.

[1]

[2]

[3]