|
Avropa İttifaqı ( Aİ) — Avropada yerləşən 28 üzv dövlətin siyasi və iqtisadi ittifaqı. Bu ittifaqın sahəsi 4,475,757 km2-dir və təxminən 510 milyon nəfərlik bir əhalisi var. Avropa İttifaqı bütün üzv ölkələrdə tətbiq olunan standartlaşdırılmış bir qanun sistemi vasitəsilə daxili vahid bazarı inkişaf etdirdi. Aİ-nın siyasəti daxili bazarda insanların, malların, xidmətlərin və kapitalın azad hərəkətini təmin etmək, ədalət və daxili işlər üzrə qanunvericiliyi qəbul etmək, ticarət, kənd təsərrüfatı, balıqçılıq və regional inkişafa dair ümumi siyasətin qorunmasını məqsədi daşıyır. Şengen ərazisində pasport nəzarətləri ləğv edilmişdir. 1999-cu ildə bir pul vahidi yaradıldı və 2002-ci ildə tam qüvvəyə girdi və avro valyutasını istifadə edən 19 üzv ölkə var.
Formal olaraq 1 noyabr 1993-cü ildə Maastrixt sazişi ilə təsis edilmiş bu ittifaqın təməli 18 aprel 1951-ci il tarixli Paris Müqaviləsinə əsasən, Belçika, Almaniya, Fransa, Niderland, Lüksemburq və İtaliya tərəfindən Avropa Kömür və Polad İttifaqının (AKPİ) yaradılması ilə qoyulub.
Təşkilatın mənzil qərargahı Brüssel şəhərində yerləşir.
Avropa İttifaqı yeganə fövqəlmilli təşkilatdır ki, özündə həm fövqəlmilli təşkilat, həm də dövlət əlamətləri daşıyır, əslində isə formal olaraq heç biri deyil. Bəzi məsələlər ittaqın ümumi institutları, bəziləri isə üzv dövlətlərin nümayəndələrinin razılaşması ilə qəbul edilir.
(Davamı...)
|
