Portal:Azərbaycan idmanı

redaktə   "İdman кimi ölкəni dünyaya tanıdan iкinci bir vasitə yoxdur" Heydər Əliyev Azərbaycan idmanı portalına xoş gəlmisiniz redaktə   Seçilən məqalə "Mariya Stadnik" — (d. 3 dekabr 1988-ci il; Lvov, Ukrayna) — Ukrayna əsilli Azərbaycanlı dünya şöhrətli sərbəst güləşçi, bütün zamanların ən yaxşı Azərbaycanlı qadın güləşçisi. 2007-ci ildən Azərbaycan yığmasında çıxış edir. 2008 Pekin Olimpiadasında bürünc, 2012 London və 2016 Rio-de-Janeyro Olimpiadasında gümüş medal qazanıb. Dünya Çempionatlarında, 2009-cu ildə Herninqdə qızıl, 2011-ci ildə İstanbulda və 2015-ci ildə Las-Veqasda gümüş, 2014-cü ildə Daşkənddə isə bürünc medal qazanıb. Mariya Stadnik həmdə dəfələrlə Avropa Çempionatının qızıl medallarını qazanıb, (2008, 2009, 2011, 2014, 2016 və 2017). Mariya Stadnik həmçinin 2015-ci ildə baş tutan I Avropa Oyunlarının çempionu olub. 2008-ci ildə "Tərəqqi" medalı, 2012-ci ildə "Azərbaycan Respublikası Prezidentinin" Fəxri diplomu, 2015-ci ildə "Şöhrət" ordeni, 2016-cı ildə isə 2-ci dərəcəli "Vətənə xidmətə görə" ordeni ilə təltif edilib. O, həmdə Gənclər və İdman Nazirliyinin versiyasına görə 2008, 2009, 2011, 2012, 2014, 2015 və 2016-cı illərdə "İlin ən yaxşıları" mükafatına layiq görülüb. 2008-ci ildə Olimpiya Oyunlarında Azərbaycana medal qazandıran ən gənc qadın idmançı kimi (20 yaş, 2 ay və 13 gün), 2016-cı ildə isə Azərbaycana ardıcıl üç Olimpiya Oyunlarında medal qazandıran birinci idmançı kimi tarixə düşüb. Mariya Stadnik 2011-ci ildə Beynəlxalq Güləş Federasiyasının (FILA) versiyasına görə planetin ən yaxşı qadın güləşçisi seçilib. Mariya Stadnik dünya idman ictimaiyyətinə daha çox 2016-cı ildə keçirilən XXXI Yay Olimpiya Oyunlarının final görüşündə Yaponiya güləşçisi Eri Tosakaya sona 3 saniyə qalmış məğlubiyyəti ilə tanındı. Məqaləni oxu... redaktə   Seçilən şəkil redaktə   Bilirsinizmi Azərbaycan Olimpiya Oyunları tarixində neçə medal qazanıb... Azərbaycanın birinci Olimpiya çempionu kimdir... Azərbaycana üç Olimpiya Oyunlarında medal qazandıran birinci idmançı kimdir... redaktə   Olimpiya Oyunları "Azərbaycan XXXI Yay Olimpiya Oyunlarında" — Azərbaycan 2016-cı ildə Braziliyanın Rio-de-Janeyro şəhərində baş tutan XXXI Yay Olimpiya Oyunlarında. 5-21 avqust tarixləri arasında Braziliyada baş tutan XXXI Yay Olimpiya Oyunlarında Azərbaycan 56 idmançı ilə 17 idman növündə təmsil olundu. Azərbaycan XXXI Yay Olimpiya Oyunlarında 18 medal (1 qızıl, 7 gümüş və 10 bürünc) qazandı. Azərbaycana medalları cüdo yarışlarında çıxış edən Rüstəm Orucov (gümüş) və Elmar Qasımov (gümüş), yunan-roma güləşi yarışlarında mübarizə aparan Sabah Şəriəti (bürünc) və Rəsul Çunayev (bürünc), həmçinin kanoe sprint idman növündə çıxış edən İnna Osipenko-Radomska (bürünc) və Valentin Demyanenko (gümüş), sərbəst güləşçilər Mariya Stadnik (gümüş), Nataliya Sinişin (bürünc), Hacı Əliyev (bürünc), Cəbrayıl Həsənov (bürünc), Şərif Şərifov (bürünc), Toğrul Əsgərov (gümüş) və Xetaq Qazyumov (gümüş), taekvondoçular Patimat Abakarova (bürünc), Milad Beigi (bürünc), Radik İsayev (qızıl) və boksçular Kamran Şahsuvarlı (bürünc) ilə Lorenso Sotomayor (gümüş) qazandırdı. XXXI Yay Olimpiya Oyunlarında 1 qızıl, 7 gümüş və 10 bürünc medal qazanan Azərbaycan yığması medalların əyarına görə 206 dövlət sırasında 39-cu yeri, medalların sayına görə isə 15-ci yeri tutdu. Azərbaycan həmçinin avropa dövlətləri sırasında 21-ci (sayında görə 7-ci), islam dövlətləri sırasında 4-cü (sayına görə 1-ci), sabiq Sovet İttifaqı dövlətləri srasında isə 6-cı (sayına görə 2-ci) yerdə qərarlaşdı. Azərbaycan məhz bu Olimpiya Oyunlarında tarixi ərzində ən çox medalı qazandı; 18 medal. Həmçinin sərbəst güləşçilər Mariya Stadnik və Xetaq Qazyumov Azərbaycana ardıcıl üç Olimpiya Oyunlarında medal qazandıran birinci idmançı olaraq tarixə düşdü. Məqaləni oxu...