Psexako silsiləsi
Psexako(və ya Psekoxo[1]) — Soçi şəhərinin Adler rayonunda, Krasnaya Polyana kəndi yaxınlığındakı dağ silsiləsi. Şimal-qərbdən və qərbdən Laura çayının hövzəsi, cənub-qərbdən Lauranın qolu olan Axipse çayı, cənubdan isə Mzımta çayının hövzəsi ilə həmsərhəddir. Mzımta çayı da Lauranın qoludur. Silsilə Soçi şəhərinin 50 km-də yerləşir.
| Psexako | |
|---|---|
| rus. Псехако | |
 | |
| Ümumi məlumatlar | |
| Mütləq hündürlüyü | 1.492 m |
| Yerləşməsi | |
| 43°41′33″ şm. e. 40°20′37″ ş. u. | |
| Ölkə |
 Rusiya |
|
|
|
|
|
|
.jpg)
Silsilə tədricən cənub-qərbdən şimal-şərqə doğru yüksəlir. Silsilə şimaldan Pseaşxo massivinin yerləşdiyi Bzerpi silsiləsi ilə birləşir. Qafqaz Təbii Biosfer Qoruğunun ərazisi silsilənin şimal hissəsindən başlayır.
Psexako silsiləsinin hündürlüyü 1400–1600 metr arasında dəyişir. Silsilənin yamacları enliyarpaqlı və iynəyarpaqlı ağac növləri ilə örtülüdür. 1960-cı illərdə silsilədə ağac kəsimi həyata keçirilirdi.
Psexako silsiləsinin ətəyində Qazprom şirkətinin Dağ Turizm Mərkəzi yerləşir və silsilənin böyük hissəsi xizək kompleksinin yaradılması və inkişafı üçün Qazprom şirkətinə icarəyə verilmişdir. 2014 Qış Olimpiya Oyunları üçün inşa edilən obyektlər də bur ərazilərdə inşa olunub.
Psexako silsiləsinin yuxarı hissələrində 2014-cü il Qış Olimpiya Oyunları üçün biatlon və xizək meydançaları, həmçinin 2014-cü il Qış Paralimpiya Oyunlarında biatlon və xizək yarışlarına ev sahibliyi etmək üçün Laura xizək və biatlon kompleksi tikilmişdir.
Hazırda Psekhako silsiləsinin şimal-qərb yamaclarında üç xizək lifti, eləcə də xizək və snoubordla məşğul olmaq üçün yollar mövcuddur. Psexako stansiyası dəniz səviyyəsindən 1440 metr yüksəklikdə yerləşir.[2]
Psexako silsiləsinin əsas görməli yerlərindən biri dəniz səviyyəsindən 2338 metr yüksəklikdə yerləşən Medvejye Vorota dərəsidir. Dərəyə gedən yol küknar meşəliyindən keçir.
Silsilənin iqlimi kəskin kontinentaldır. Yanvar ayının orta aylıq temperaturu −1,8 °C, iyul ayının orta aylıq temperaturu isə 15,3 °C-dir. İllik yağıntıların miqdarı 2023 mm-dir. Ən çox yağıntı noyabr-dekabr-yanvar aylarında düşür. Mütləq minimum temperatur yanvarda qeydə alınıb −22,5 °C. Mutləq maksimum isə dağ ətəklərində qeydə alınıb + 35 °C.[3]
İstinadlar redaktə
- ↑ "Ефремов Ю. К. Тропами горного Черноморья. М: Государственное издательство географической литературы, 1963". 2009-10-31 tarixində arxivləşdirilib. İstifadə tarixi: 2021-10-27.
- ↑ "Arxivlənmiş surət". 2021-10-27 tarixində arxivləşdirilib. İstifadə tarixi: 2021-10-27.
- ↑ "Arxivlənmiş surət". 2017-04-06 tarixində arxivləşdirilib. İstifadə tarixi: 2021-10-27.