Pteridium tauricum

Pteridium tauricum (lat. Pteridium tauricum) — bitkilər aləminin polypodiophyta şöbəsinin qıjılar sinfinin əsl qıjılar dəstəsinin dennstaedtiaceae fəsiləsinin pteridium cinsinə aid bitki növü.

Pteridium tauricum
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Euphyllophytes Şöbə: Polypodiophyta Sinif: Qıjılar Yarımsinif: Əsl qıjılar Dəstə: Əsl qıjılar Yarımdəstə: Dennstaedtiineae Fəsilə: Dennstaedtiaceae Cins: Pteridium Növ: Pteridium tauricum
Beynəlxalq elmi adı
Pteridium tauricum Grossh., 1939
Şəkil axtarışı

Botaniki xarakteristikası

Hündürlüyü 2 m-ə qədər olan çoxillik bitkidir. Kökümsovu qaramtıl-qonur rəngdədir, sürünəndir. Yarpaqları uzun saplaq üzərindədir. Yarpaq ayası qalın dərilidir, deltaşəkilli-oval, yaşıl rəngdədir, iki-üç dəfə lələkvaridir, aşağı tərəfdən yumşaq ipək kimi sarı-qırımızımtıl tüklərlə qismən sıx örtülüdür. İyul-sentyabr aylarında sporlayır.

Azərbaycanda yayılması

BQ (Quba), BQ şərq, BQ qərb, KQ mərkəzi, Lənk. dağ, Lənk. oval. Ovalıqdan aşağı dağ qurşağına qədər, orta dağ qurşağında.

Yaşayış mühiti

Meşələrdə, kolluqlarda, bağlarda alaq kimi, çay dərələrində rast gəlinir.

Təsərrüfat əhəmiyyəti

Mal-qara, əsasən atlar üçün zəhərli bitkidir. Cavan zoğları P.aquiliunum (L.) Kuhn növünə yaxındır və bəzi ölkələrdə qidada istifadə olunur.