Pushback

Park mövqeyindəki təyyarənin , yedəkləyici maşın vasitəsilə dayanacaqdan göstərişə uyğun sürmə yolu üzrə maşurut xəttinə çıxarılmasına deyilir. Müasir dövrdə yedəkləyici maşınların xüsusi konstruksiya ilə hazırlanması imkan verir ki, yedəkləmə (pushback) vaxtı ayrıca yedəkdən istifadə olunmasın. Bu halda yedəkləyici maşınların ön hissəsində təyyarənin qabaq şassisini maşına bağlayan xüsusi konstruksiya olur. Lakin sadə yedəkləyici maşınlar vasitəsilə yedəkləmə həyata keçirilərsə mütləq şəkildə yedək (towbar) istifədə olunur. Yedəyin bir tərəfi təyyarənin ön şassisinə xüsusi bərkidilmə üsuli ilə bağlanır hansı ki, həmin hissə buna uyğun düzəldilir. Digər tərəfi isə yedəkləyici maşına bərkidilir. Bu prosesi təlim keçmiş və icazəsi olan perron xidməti üzrə personal həyata keçirə bilər. Yedəkləmə müddətində perron xidməti üzrə personal təyyarənin və ya helikopterin təhlükəsiz bir şəkildə yedəklənməsinə cavabdehdir. Buna görə də həmin xidməti personal xüsusi danışıq vasitəsilə (headset və ya zərurət yarandığı halda simsiz rabitə vasitəsilə) yedəkləmə bitənə qədər uçuş heyəti ilə əlaqədə olur.