Pyotr Kosenkonun evi
Pyotr Kosenkonun evi — 1915-ci ildə neft sənayeçisi Petr Kosenkonun maliyyə hesabına Qroznı şəhərində tikilmiş bina. Biuna 2006- ildə əsaslı təmir olunmuşdur. Hazırda binada mobil operator olan "Beeline" şirkətinin regional ofisi yerləşir. Bina regional əhəmiyyətli mədəni irs obyekti kimi qorunur.
| 2006-cı ildə əsaslı təmir olunub. | |
| Pyotr Kosenkonun evi | |
|---|---|
 Pyotr Kosenkonun evinin fasadı | |
 | |
| 43°19′17″ şm. e. 45°41′30″ ş. u.HGYO | |
| Ölkələr | |
| Şəhər | Qroznı |
| Yerləşir |
 Rusiya, Çeçenistan Qroznı, S. Ş. Lorsanov küçəsi (keçmiş Qırmızı cəbhə əsgərləri küçəsi), №1 |
| Tikilmə tarixi | 1915 |
| Mərtəbə sayı | 2 |
 Vikianbarda əlaqəli mediafayllar | |
Tarixi
redaktəBina 1915-ci ildə məşhur yerli neft sənayeçisi Petr Kosenkonun maliyyə vəsaiti hesabına inşa olunmuşdur. Bina qotika üslubunda tikilmişdir. Bina iki mərtəbəlidir. Onun girişində böyük vestibül və ikinci mərtəbəyə qalxmaq üçün mərmər pilləkən var. Binanın ikinci mərtəbəsində iri salon vardır. İkinci mərtəbə eyvanlarla əhatə olunmuşdur. Onun inşasında tikinti materialı kimi qırmızı kərpicdən istifadə olunmuşdur. Bu səbəbdən Kosenkonun evinin ilk xarici görünüşü qırmızı rəngdə olmuşdur. Binanın daxili interyerində ağ mərmərdən istifadə edilmişdir. Kosenkonun evinin daxili bəzəyində ağ və qırmızı mərmər və ağ əhəngdən istifadə edilmişdir. Daxili interyeri bəzəyən heykəllər ağ əhəngdəndir.
Şimali Qafqazda Sovet hakimiyyətinin qurulmasından sonra ev milliləşdirilmişdir. Əvvəlcə binada yerli kommunist partiyasının təşkilatı yerləşmişdir. Sonradan binada şəhər partiya komitəsinin mərkəzi qərargahının istifadəsinə verilmişdir.
Böyük Vətən müharibəsi illərində 1941-1945-ci illərdə binada hərbi hospital yerləşmişdir.
XX əsrin 50-60-cı illərində bina müxtəlif inzibati dövlət orqanları tərəfindən istifadə edilmişdir. Lakin 1970-90-cı illərdə binada Çeçen-İnquş Tədqiqat Tarix, Dil və Ədəbiyyat İnstitutu məskunlaşdırılmışdır. Bu institut o dövrdə həm respublikada, həm də, Şimali Qafqazda mütəxəssis hazırlayan elmi mərkəzlərdən biri idi.[1]
Birinci Çeçenistan müharibəsi və İkinci Çeçenistan müharibəsi zamanı gedən döyüşlər zamanı binaya ciddi ziyan dəyib.
2006-cı ildə bərpa işləri aparılaraq binaya indiki görkəm verilmişdir. Təmir zamanı binanın maksimum tarixiliyin qorunmasına çalışılmışdır. 2020-ci ilin iyun ayından etibarən binada "Beeline" mobil operatorunun yerli filialının ofisi yerləşir.
Bina regional əhəmiyyətli mədəni irs obyekti kimi tanınır.[2]
İstinadlar
redaktə- ↑ "Оформлены охранные обязательства на объекты культурного наследия регионального значения «Дом П. Косенко», расположенный в г. Грозный по ул. Лорсанова, д. 15 и «Здание школы им. Дени Арсангираева (Арсанова)», расположенный в г. Грозный по ул.П. Лумумбы". 2021-10-27 tarixində arxivləşdirilib. İstifadə tarixi: 2021-10-25.
- ↑ "ДОМ П.КОСЕНКО". 2021-10-25 tarixində arxivləşdirilib. İstifadə tarixi: 2021-10-25.