Pyoxayarv gölü
Pyoxayarv gölü[2] (est. Pühajärv) — Estoniyanın cənub-şərq hissəsində, Valqamaa qəzasının Otepya volostu ərazisində yerləşən bir göl. Tartudan cənub-qərbdəki Otepya şəhəri yaxınlığında Pyoxayarv kurort bölgəsində yerləşir. Ölkənin ən gözəl göllərindən biri hesab olunur.
| Pyoxayarv gölü | |
|---|---|
| est. Pühajärv | |
 | |
| Ümumi məlumatlar | |
| Mütləq hündürlüyü | 115 m |
| Eni | 1.650 m[1] |
| Uzunluğu |
|
| Sahil uzunluğu | 16,332 km |
| Sahəsi | 3,09 km² |
| Dərin yeri | 8,5 m |
| Orta dərinliyi | 4,3 m |
| Yerləşməsi | |
| 58°01′41″ şm. e. 26°27′30″ ş. u. | |
| Ölkə |
 Estoniya |
|
|
|
 Vikianbarda əlaqəli mediafayllar | |
Adı redaktə
Pühajärv (Pyoxayarv) adı iki hissədən ibarətdir: est. püha (pyuha) - “müqəddəs; bayram” və est. järv (yarv) - “göl”; yəni eston dilindən "müqəddəs göl" kimi tərcümə edilə bilər.
Coğrafiyası redaktə
Göl Otepya Təbiət Parkının ərazisində, Otepya dağının təpəli relyefi arasında, dəniz səviyyəsindən 115 metr yüksəklikdədir..
Uzunluğu 3.54 km və maksimum eni 1.65 km olan göl meridional yönümlü uzadılmış formaya malikdir. Gölün ümumi sahəsi 300,9 hektardır: su sahəsi 293,3 hektar təşkil edir. Göldə dörd ada vardır ki, onların ümumi sahəsi 7,6 hektardır. Sahil xətti 16.332 km-dir. Gölün orta dərinliyi 4,3 m, maksimal dərinliyi isə 15,8 m təşkil edir. Bu dərinlik gölün qərb sahilinə yaxın mərkəzi hissəsinə yerləşir.
Qarışıq və iynəyarpaqlı meşələr ilə yanaşı bəzi kanallar vasitəsilə Pyoxayarvə axan bir çox kiçik göllər ilə əhatə olunmuşdur. Gölün tutma sahəsi 44 km²-dir. Cənub tərəfdən Vyayke-Emayıqi Pyoxayarv gölünə axır və oonu Vırtsyarv gölünün hövzəsi ilə birləşdirir.
Göl sahəsindəki iqlim əlverişlidir və dəniz sahillərindən kifayət qədər məsafəyə görə daha da diqqətəlayiqdir. Yaz mülayim isti və rütubətli keçir, günəşli günlər çoxdur. İyulun orta temperaturu 16 ° C-dir. Qışlar isti-mülayim, çox rütubətli keçir. Tez-tez duman olur. Fevralda orta temperatur −6 ° C, qar örtüyü təxminən 110 gün davam edir. Payız isti, nəm və uzun müddətlidir. Yaz soyuq, nisbətən qurudur. İl ərzində təxminən 700 mm yağıntı düşür. İllik günəş işığının ümumi müddəti təxminən 1700 saatdır.
Heyvanlar aləmi redaktə
Göldə çox sayda balıq vardır: çapaq, lilbalıq, qızılüzgəc, adi durnabalığı, rutilus, [[xanı balığı], adi sıf, lota lota, qızılı daban balığı və adi ilanbalığı. 19-cu əsrdə göldə çoxlu xərçəng var idi. Ancaq xərçəngin vəba epizootikası zamanı tamamilə nəsili kəsildi.
İstinadlar redaktə
- ↑ 1 2 Estonian Environmental Register.
- ↑ Kotimaisten kielten keskus: Viron paikannimet: suomeen mukautettu vai vironkielinen nimiasu? Arxivləşdirilib 2022-04-07 at the Wayback Machine(ohje), viitattu 28.4.2017