Qırmızılar, qaralar və başqaları (film, 1969)

Qırmızılar, qaralar və başqaları
Qırmızılar, qaralar və başqaları
Janr	tarixi
Rejissor	Rasim İsmayılov
Ssenari müəllifi	Rasim İsmayılov
Operator	Vaqif Behbudov
Rəssam	Rasim İsmayılov
İstehsalçı	"Ekran"
İlk baxış tarixi	1969
Filmin növü	qısametrajlı cizgi televiziya filmi
Müddət	14 dəq.
Ölkələr	SSRİ
Dil	rusca (mətnsizdir)
İl	1969
Texniki məlumatlar	2 hissə; 550 metr; 35 mm
Rəng	rəngli

Qırmızılar, qaralar və başqaları (rus. Красные, черные и другие)

Məzmun Redaktə

Karl Marksdan soruşmuşlar: Sizin ən sevdiyiniz rəng? Qırmızı deyə cavab vermiş... Fəzanın ənginliklərində kiçik rəngli kürə fırlanır. Diqqətlə baxdıqda bunun Yer kürəsi olduğu bilinir. Bizim dünyamız, insanların dünyası... Yer üzündə ağ, sarı, qaradərili insanlar yaşayır. Onların arasında yalnız qırmızılar yoxdur.

"Qırmızılar, qaralar və başqaları" — bu film-alleqoriyadır. Dünyada kommunist ideyaları yarananda, özünü təsdiq edəndə ekranda dövrün obrazı mücərrəd rəngli rəmz-fiqurlar görünür, eyni zamanda geniş tamaşaçı kütləsinə tanış olan kino sənədləri canlanır, radio verilişləri, mahnı və nitqlər səslənir.

Konkret tarixi misallarla Qırmızılarla Qaraların bir əsrlik mübarizəsi təsvir edilmişdir.

Kosmosun ənginliklərində kiçik kürə fırlanır. Qırmızı kürə. Bu, planetdir. Yer planeti. İnsanların yaşadığı planet.

Müəlliflər işıq və səs vasitəsilə tamaşaçıları əbədi mövzuya-cəmiyyətdə, ölkədə və dünyada xeyirlə şərin mübarizəsinə yeni şəkildə baxmağa sövq edirlər. Burada biz Leninin, Stalinin, Hitlerin səslərini eşidir, müxtəlif marşları dinləyirik.

Festivallar və mükafatlar Redaktə

1) 1969-cu ildə Kiyevdə Zaqafqaziya və Ukrayna respublikaları filmlərinin "Prometey-69" zona kinofestivalı

Rejissor Rasim İsmayılova ən yaxşı rejissor işinə və inqilabi mövzunun həllində yeni təsvir vasitələri axtarışına görə münsiflər heyətinin Diplomu verilmişdir.