Qızıl Şəfəq Hermetik Ordeni - (The Hermetic Order of the Golden Dawn) 1888-ci ildə Böyük Britaniyada qurulmuş mistik, ezoterik və okkult bir təşkilatdır. Qərb ezoterizminin ən nüfuzlu cəmiyyətlərindən biri hesab olunan təşəbbüskar cəmiyyətdir, xüsusilə Kabala, tarot, astroloji, alkimya və digər hermetik elmlərlə məşğul olmuşdur. Cəmiyyət, mistik inkişaf və ruhani maariflənmə sahəsində bir çox müasir okkult cərəyanların formalaşmasına təsir göstərmişdir. Onun daxilində dini simvollar və mənəvi anlayışlar mühüm rol oynasa da, cəmiyyət dini bir quruluş deyildi.
Tarixi
redaktəQızıl Şəfəq Hermetik Ordeni cəmiyyəti 1887–1888-ci illərdə üç mason və okkultist – William Wynn Westcott, Samuel Liddell MacGregor Mathers və William Robert Woodman tərəfindən təsis edilmişdir. Cəmiyyət 1890-cı illərdə yüksək populyarlıq qazandı və bir çox tanınmış üzvü cəlb etdi. Lakin 1900-cü illərin əvvəllərində təşkilat daxilində mübahisələr və parçalanmalar başladı. Samuel Mathers ilə digər üzvlər arasındakı ixtilaflar nəticəsində cəmiyyət bir neçə fraksiyaya bölündü.
Strukturu və Dərəcələri
redaktəQızıl Şəfəq Cemiyyəti, üzvlərinin mənəvi və okkult inkişafını istiqamətləndirmək üçün üç əsas səviyyəyə bölünmüşdür:
- Outer Order (Xarici Sıra): Yeni üzvlər bu dərəcəyə daxil olur və burada əsas hermetik biliklər, Kabala, tarot və digər ilkin dərslər öyrədilirdi.
- Second Order (İkinci Sıra): Daha yüksək səviyyədə olan üzvlər burada ritual magiya və mistik praktikalar üzərində çalışırdılar.
- Third Order (Üçüncü Sıra): Bu səviyyə nəzəri olaraq tam ruhani maariflənməyə nail olmuş fərdlərə aid idi, lakin cəmiyyətin tarixində bu səviyyəyə çatanlar barədə ətraflı məlumat yoxdur.
