Qızılağac kəndində döyüş - İndiki Masallı rayonu ərazisində yerləşən Qızılağac kəndi ətrafında Talış xanı Mir Həsən xan ilə rus qüvvələri arasında baş vermiş döyüş.
İyulun sonları-Avqustun əvvəllərində rus hərbi dəstələri Kür çayının Salyan sahilindən keçmişdi. Ərkivan mahalının kəndlərini qarət edən rus dəstələri yürüş istiqamətlərini Lənkərana doğru çevirmişdilər. Xan çaparlar vasitəsilə bu xəbəri öyrəndi və 4-5 min atlı toplayıb Muğana doğru hərəkət etdi. Yolüstü Yeddioymaq və Hüseynhacılı əhalisindən 500 nəfərlik dəstə Mir Həsən xanın dəstəsinə qoşuldu. Bu dəstə əvvəlcədən ruslarla döyüşmüş və rus bayrağını ələ keçirməyə müvəffəq olmuşdu.
Döyüş Qızılağac kəndi ətrafında baş verdi. Dörd dəstəyə ayrılan rus qoşunu dəstə-dəstə önə çıxır və tüfəng atırdı. Bir dəstə tüfəng atarkən digər dəstələr tüfənglərini doldururdular. Bunun nəticəsində talış qoşunu heç bir həmlə edə bilmədi. Tüfəng atmağın faydasız olduğunu görən Mir Həsən xan atlılara hücum etməyi əmr etdi. İki tərəf də hücuma keçdi. Talış atlıları döyüşdə üstün gəlməyə başladı. İtkilərin çox olduğunu görən ruslar Salyana doğru çəkildi. Lakin Mir Həsən xan onları təqib etdi və dəstənin çox hissəsini məhv etdi.[2]
↑Aşura günü idi.(Əxbərnamə səhifə 57) Bir ildən sоnra Rusiya sərdarı Paskеviç güclü qоşunla.
Mеşkin və Qaradağ istiqamətindən hərəkət еtdi. Qоşunun yarısı da Irəvan və
Naхçıvan yоlu ilə irəlilədi.(Əxbərnamə səhifə 60)
