Qərbi Kaspi Universiteti

(Qərb Universiteti səhifəsindən istiqamətləndirilmişdir)

Qərbi Kaspi UniversitetiAzərbaycan Respublikasının Bakı şəhərində fəaliyyət göstərən özəl ali təhsil müəssisəsi. [1].

Qərbi Kaspi Universiteti
Western Caspian Univercity.jpeg
Şüar Uğurlu karyeranın təməli
Əsası qoyulub 1991
Tələbə sayı 5000
Şəhər BakıCoat of arms of Baku.svg Bakı
Ölkə
Ünvan Azərbaycan, Bakı
Universitet şəhərciyi İstiqlaliyyət 27, Bakı, Azərbaycan
İdman http://wu.edu.az//az/TU/sports/

TarixiRedaktə

Azərbaycanın ilk özəl ali təhsil müəssisələrindən biri olan Qərbi Kaspi Universitetinin əsası 1991-ci ildə Qərb Universiteti adı ilə qoyulmuşdur.

2017-ci ildən adı dəyişdirilərək Qərbi Kaspi Universiteti olmuşdur[2]. 2021-ci ildə dünya universitetlərinin Birləşmiş Millətlər Təşkilatının Dayanaqlı İnkişaf Məqsədinə adekvat fəaliyyəti və bunun cəmiyyətə təsirini ölçən reytinqdə Qərbi Kaspi Universiteti 1240-dək dünya universiteti arasında 601+ yerdə qərarlaşıb. Universitet ən yaxşı nəticəni xüsusilə 5 məqsəd üzrə əldə edib və bu istiqamətlərdə dünyanın ən yaxşı 201-300 universitetindən biri olub.


TərkibiRedaktə

Yüksək Texnologiyalar və İnnovativ Mühəndislik MəktəbiRedaktə

Yüksək Texnologiyalar və İnnovativ Mühəndislik məktəbi kafedra şəklində 1991-ci ildə "Riyaziyyat və Kompüter texnologiyaları" adı ilə fəaliyyətə başlamışdır.

Kafedra öz fəaliyyəti dövründə İnformatika və hesablama texnikası istiqaməti üzrə, İnformasiya texnologiyaları və sistemləri mühəndisliyi və Kompüter mühəndisliyi ixtisasları üzrə mütəxəssislər hazırlamışdır. 2017-ci ildən isə kafedra Yüksək texnologiyalar və innovativ mühəndislik məktəbinə çevrilmişdir.

Dizayn və Memarlıq MəktəbiRedaktə

2017-ci ildə Qərbi Kaspi Universitetində Dizayn və Memarlıq məktəbi yaradıldı. Bu məktəb 1996-cı ildən fəaliyyət göstərən Dizayn fakültəsinin bazasında təşkil edildi.

İqtisadiyyat MəktəbiRedaktə

Bu struktur üzrə istiqamətlər Qərbi Kaspi Universiteti yarandığı gündən fəaliyyət göstərir. Məktəbin nəzdində "İqtisadiyyat", "Maliyyə və mühasibat uçotu", "Menecment", və "Əmtəəşünaslıq və ekspertiza" adlı kürsülər (kafedralar) fəaliyyət göstərir.

=== Biznes Məktəbi === Biznes məktəbinin müəllim heyəti 7 nəfər elmlər doktoru, 21 nəfər fəlsəfə doktoru, 12 nəfər isə ABŞ, Böyük Britaniya, Almaniya, Rusiya, Türkiyə və başqa xarici ölkələrdə təhsil almış, xalq təsərrüfatının aparıcı sahələrində çalışan mütəxəssislərdən ibarətdir. Bununla yanaşı xarici ölkələrin aparıcı ali təhsil ocaqlarından dəvət olunmuş professor-müəllimlər tədris prosesinə cəlb olunurlar.

Tələbələrimiz Dünya Bankı, Birləşmiş Millətlər Təşkilatı, AMOCO, Praysuotershaus Kupers, BP, Hyatt Regency, Radisson və başqalarının təşkil etdiyi görüşlərdə, təqdimat mərasimlərində və başqa tədbirlərdə iştirak edirlər. Bununla tələbələr praktik bacarıqlar və təcrübə qazanır və universiteti bitirdikdən sonra işə düzəlmək imkanı əldə edirlər. Məktəb beynəlxalq TASİS TEMPUS, Erasmus-Mundus, Mövlanə, Visegrad Fondu və digər beynəlxalq proqramlar çərçivəsində xarici əməkdaşlar ilə birlikdə bir sıra layihələrdə iştirak edir.

Filologiya və tərcümə fakültəsiRedaktə

Fakültə 1996-cı ildən "Qərb dilləri" fakültəsi adı ilə fəaliyyətə başlayıb. Fakültədə Filologiya (ingilis dili və ədəbiyyatı), Tərcümə (ingilis, alman, fransız) ixtisasları üzrə mütəxəssis hazırlığı aparılıb. 2017-ci ildən fakültə Filologiya və Tərcümə məktəbi kimi fəaliyyətini davam etdirir.

Fakültədə ümumilikdə 9 dil tədris olunur: Azərbaycan, ingilis, alman, fransız, rus, latın, çin, ispan, fin dilləri. Tələbələrin dil qabiliyyətini təkmilləşdirmək məqsədilə dil daşıyıcıları olan xarici mütəxəssislər dəvət olunur.

Siyasi və İctimai Elmlər MəktəbiRedaktə

Siyasi elmlər fakültəsi Qərbi Kaspi Universiteti yarandığı ilk gündən onun tədris, elm və inzibati bölməsi olub, yüksək ixtisaslı kadr hazırlığı istiqamətində "Politologiya", "Psixologiya", "Regionşünaslıq", "Beynəlxalq jurnalistika", "Beynəlxalq hüquq", "Beynəlxalq münasibətlər" və s. ixtisasları üzrə bakalavr və ali təhsilin magistratura səviyyəsində kadrların hazırlanmasına rəhbərlik etmişdir.

LaboratoriyaRedaktə

Qərbi Kaspi Universiteti müasir və unikal laboratoriyalar və mərkəzlərlə təchiz olunub.

  • Fizika və elektronika laboratoriyası

MərkəzlərRedaktə

  • Geomatika Mərkəzi
  • Dillər Mərkəzi

TexnoparkRedaktə

Texnoparkın geniş infrastrukturu burada istənilən akademik fəaliyyətin yerinə yetirilməsinə şərait yaradır. Bu fəaliyyətlər üçün Universitetin Nərimanovda yerləşən tədris binasında 5 otaq, Yüksək Texnologiyalar və İnnovativ Mühəndislik Məktəbinin tədris binasında 2 otaq, A.R. İqtisadiyyat Nazirliyinin Balaxanı Sənaye Parkında hər biri 288 kv.m olmaqla 2 istehsalat sahəsi (ofislərlə birgə), universitetin Bakı-Sumqayıt şossesində yerləşən 4 hektarlıq ərazidə tələbələrin və akademik heyətinin birgə çalışa və qala biləcəkləri kiçik istehsalat ərazisi və 2018-2019-cu il tədris ilində istifadəyə verilən yeni tədris binasında  150 kv.m-lik biznes İnkubator mərkəzi və 600 kv.m-lik mexatronika, robotexnika, mexanika laboratoriya otaqları ayrılmışdır.

İdeya BankıRedaktə

Texnoparkın xidmətlərindən istifadə etmək üçün hər bir şəxs ilk öncə `İdeya Bankı` na müraciət edir. Hər bir müraciətçinin İdeyası qəbul edilir və İdeya bütün aspektlərdən qiymətləndirilir, tətbiq miqyası, innovativliyi, nə qədər praktik əhəmiyyət kəsb etməsi nəzərdən keçirilir. İdeyanın uğurlu realizəsi, perspektivi yüksək dəyərləndirilirsə, təkmilləşdirilməsi üçün məsləhətçi təyin edilir. Bundan sonra Müraciət edən İdeyanın emal üçün Prototip Texniki Mərkəzə yönləndirilir.

Texnoloji Prototip MərkəzRedaktə

İdeyanın tətbiqi üçün şəkilləndirilməsi məqsədi ilə onun texnologiyası üzərində işləmək, prototipini formalaşdırmaq zərurəti yaranır. Bunun reallaşdırılması üçün universitetdə Texnoloji Prototip Mərkəzi yaradılıb. Burada mövcud olan metal, taxta, plastik emalatxanalarında qaynaq və lehimləmə işlərini həyata keçirmək mümkündür. Tələbələrimiz bu laboratoriyalarda ideyaya aid olan müvafiq cihazın prototipini (maketini yox, praktik olaraq işlək olan ilk nümunəsini) hazırlamalıdırlar. Bu prototip ideyada  nəzərdə tutulan imkanları tam olaraq nümayiş etdirmək qabiliyyətində olmalıdır. Burada prototipin yaradılması üçün istənilən sahə üzrə mütəxəssis sizə kömək edəcəkdir.

Biznes İnkubatorRedaktə

Biznes İnkubator Mərkəzimizdəki biznes konsultantımız sizin ideyanınzın reallaşması üçün lazım olan biznes strategiyanı hazırlayacaq. Burada təcrübəli mütəxəssislər tələbəyə həmin prototipin istehlak bazarını öyrənməyə, cihazın hansı həcmdə istehsal olunmasının məntiqli olduğunu müəyyən etməyə, hansı qiymətə satıla biləcəyini dəqiqləşdirməyə, potensial istehlakçılarla ilkin danışıqların aparılmasına, istehsal təşkil olunarkən hansı texnoloji makina və dəzgahlara ehtiyac olacağını, makinaların hansı ölkədən alınmalı olduğunu və kapitalın həcmini müəyyən etməyə kömək edirlər, istehsal üçün ən uyğun şirkət formasının seçimi və qeydiyyatında dəstək göstərirlər. Sizin məhsulunuz üçün yerli və ya xarici bazarın daha məqsədə uyğun olması, iqtisadi səmərəliliyi və təlabatı üzrə bütün aspektlərsizə bildiriləcək.

Start-Up mərkəziRedaktə

Layihə artıq qeydə alınmış şirkəti, biznes planı, istehsal olunacaq cihazın prototipi və s. biznes detalları hazır şəkildə Startup Mərkəzinə keçir. Sizin ideyanız investorlar üçün tam hazır şəkildə bu müstəvidə təqdim olunacaq. Layihə potensial alıcılara təklif ediləcək və ya köməklik göstəriləcək. Startup Mərkəzində Startup şirkətinin satılması və yaxud istehsal üçün investorun tapılmasına dəstək verilir. Müvafiq istiqamət üzrə maraqlı ola biləcək şirkətlərə, banklara müraciət olunur. Startupın satışı və ya tələbənin pay sahibi kimi saxlanılması şərti ilə investorun cəlbi təmin edilir.

KitabxanaRedaktə

Hazırda Universitetin kitabxanası 60.000-dən çox ədəbiyyat, 500-dən çox mikroforma və informasiyanın başqa mənbələri ilə ölkədə ən zəngin kitabxanalardan biridir. Kitabxana Fondunda ingilis dilində 16 000-dən çox ən müasir ədəbiyyat mövcuddur.

Qərbi Kaspi Universiteti Azərbaycanda BMT Kitabxanasının fəaliyyət göstərdiyi ilk və yeganə universitetdir.

2016-ildə qurulmuş BMT kitabxanasının beynəlxalq təşkilatların müxtəlif nəşrləri ilə zənginləşdirilməsi prosesini ötən dövr ərzində davam etdirilib. Təhsil müəssisəsində BMT-nin Ümumdünya Turizm Təşkilatının Depozitariya Kitabxanası yaradılıb. Bununla da, Qərbi Kaspi Universiteti ölkəmizdən sözügedən kitabxana proqramına daxil edilmiş ilk və yeganə ali təhsil ocağı olub.

Tur Heyerdal MuzeyiRedaktə

Mərkəz 2014-cü il 12–20 may tarixlərində keçirilən Tur Heyerdal Film Festivalı həstəfində rəsmi olaraq açılıb. Bu onun 100 illik yubileyini anılmasına həsr edilmişdi. Qərbi Kaspi Universitetinin əsas binasının ikinci mərkəzində yerləşən mərkəz onun fəaliyyəti ilə bağlı olan arxiv materiallarından ibarətdir.

Tam orta məktəbRedaktə

2003-cü tədris ilində fəaliyyətə başlayıb.

İnstitutlarRedaktə

  • Davamlı İnsan İnkişafı İnstitutu
  • Dağ Mədəniyyətləri və Landşaftları Tədqiqat İnstitutu

Beynəlxalq əlaqələriRedaktə

Qərbi Kaspi Universiteti Böyük Britaniyanın "Koventri" və bu ölkənin Sinqapurda yerləşən "London Biznes və Maliyyə Məktəbi" və İsveçrənin UBİS Universitetləri ilə ikili diplom layihələrini həyata keçirir.

Universitetin beynəlxalq fəaliyyətinə birgə və ya ikitərəfli əməkdaşlıq sahəsində bakalavr və magistr kursları, müqavilələrin artikulyasiyası və inkişafı, Erasmus+, Mövlanə və bir sıra digər tələbə mübadilə proqramları daxildir.

Tələbələr üçünRedaktə

Tələbə Gənclər TəşkilatıRedaktə

Tələbə Gənclər Təşkilatı (TGT) universitetdə demokratik tələbə özünüidarəetmə sisteminin effektiv fəaliyyət göstərməsi, universitet rektoru və tələbələr arasında sıx əlaqə yaratmaq baxımından olduqca effektiv qurum kimi sınaqdan çıxıb.

Xaricə keçidlərRedaktə

İstinadlarRedaktə

  1. "Universitet rəhbərliyi". 2017-08-25 tarixində orijinalından arxivləşdirilib. İstifadə tarixi: 2017-08-26.
  2. AZƏRBAYCANDA UNİVERSİTET ADINI DƏYİŞDİ: QƏRBİ KASPİ UNİVERSİTETİ OLDU. sherg.az, 06.11.2017  (az.)