Qaçaq Fərzalı
| Qaçaq Fərzalı | |
|---|---|
| Doğum tarixi | |
| Vəfat tarixi | |
| Vəfat səbəbi | "troyka"nın qərarı ilə güllənib |
Həyatı redaktə
Fərzalı İmamqulu oğlu təxminən 1878-ci ildə Zəngəzur qəzasının (indiki Zəngilan rayonunun) Qaradərə kəndində — bir adı da Taydolaq Baharlıdır — anadan olub. Çarın kazak dəstələri ilə Araz çayı üzərində atışaraq bir neçə kazakı öldürdükdən sonra dağlara çəkilib qaçaqlığa başlamışdır. Bəhlul Əfəndi, Sultan bəy kimi igidlərlə əl—ələ verərək erməni quldurlarının Zəngəzurda törətdikləri türk-müsəlman qırğınının qarşısını almışdır. Nuru Paşanın ordusunun qarşılanmasında iştirak etmiş, yerli özünümüdafiə dəstələrinin rəhbəri olmuşdur. Məşhur Baharlı tayfasından olan Qaçaq Fərzalı Sovet hökuməti qurulandan sonra da silahı yerə qoymamış, bolşeviklərlə döyüşmüşdür. M.C.Bağırovun Bartaz meşəsində onunla şəxsən görüşməsi və ona vəzifə təklif etməsi də bu el qaçağını şirnikləndirməmişdir. Yalnız el-obasının, kəndinin əhalisinin sürgün olunacağı təhdidindən sonra silahı yerə qoyaraq təslim olmuşdur. 1928-ci ildə Bakıya gətirilərək Nargin adasında güllələndiyi güman olunur. Dörd övladı vardı. (Oğlu Rəhim , qızları Tavar, Naran, Təzəgül )
Yazıçı Azad Qaradərəli “Aşiqlər”, “Zəngəzur qazısı Bəhlul Behcət” kitablarında, “Kuma-Manıç çökəkliyi” romanında Qaçaq Fərzalıdan bəhs etmiş, 2016-cı ildə isə ayrıca “Qaçaq Fərzalı” kitab yazıb nəşr etdirmişdir.
ailəsi redaktə
Atası — Kərbalayı İmamqulu
Anası — Yetər
Qardaşı — Hüseynalı
Bacıları — Gülnisə, Pakizə, Şahnisə, Gözəl, Güləndam
Həyat yoldaşı — Tutu
Oğlu — Rəhim
Qızları — Tavar, Naran, Təzəgül
Mənbə redaktə
Zəngəzur qazısı Bəhlul Befcət, 2009 (Azad Qaradərəli)
Kuma-Manıç çökəkliyi, 2016 (Azad Qaradərəli) Qaçaq Fərzalı, 2016 (Azad Qaradərəli)