Qabil Manafov

Manafov Qabil Nadir oğlu — Əməkdar müəllim (2011), professor.

Qabil Manafov
Manafov Qabil Nadir oğlu
Doğum tarixi	1952
Doğum yeri	Bakı, Azərbaycan SSR, SSRİ
Vətəndaşlığı	SSRİ→ Azərbaycan
Elmi adı	professor
Mükafatları

Həyatı

Manafov Qabil Nadir oğlu 1952-ci ildə Bakı şəhərində anadan olmuşdur. 1969-cu ildə Bakı şəhər 20 saylı orta məktəbi bitirdikdən sonra D. Bünyadzadə adına AXTİ-nə (indiki ADİU) daxil olmuş və oranı 1974-cü ildə bitirərək iqtisadçı, siyasi-iqtisad müəllimi ixtisasını almışdır.

1974–1976-cı illərdə təyinatı üzrə Azərbaycan Dövlət Plan komitəsi nəzdində iqtisadçı vəzifəsində çalışmışdır.

1975-ci ildə ordu sıralarında xidmət etmişdir.

1976–1979-cu illərdə Azərbaycan Respublikası Elmlər Akademiyası nəzdində İqtisadiyyat İnstitutunun əyani aspirantı olmuşdur.

1982-ci ildə "Siyasi iqtisad" ixtisası üzrə namizədlik, 2003-cü ildə doktorluq dissertasiyası müdafiə etmişdir.

1980–1982-ci illərdə V. İ. Lenin adına APİ-da (indiki N. Tusi adına APU) "Siyasi iqtisad" kafedrasında laborant vəzifəsində işləmişdir.

1982-ci ilin noyabrından indiki dövrə qədər ADİU-nin "İqtisadi nəzəriyyə-2" kafedrasında çalışır. Bu dövrdə o, baş laborantdan başlamış, professor vəzifəsinədək yüksəlmişdir. 80-dən yuxarı elmi və elmi-metodiki əsərlərin müəllifidir.

Nəşrləri

• Bazar iqtisadiyyatı nəzəriyyəsinə giriş; Bakı 1991.
• Sahibkarlığın nəzəri və praktiki problemləri; Bakı 1997.
• Sahibkarlıq: nəticələr, problemlər, vəzifələr; Bakı 2000
• Особенности формирования государственного предпринимательства; Москва 2001.
• Sahibkarlıq probleminin həllinə kompleks yanaşmanın zəruriliyi. İqtisadiyyat qəzeti. Məqalələr toplusu; Bakı 2002