Qalaaltı Hotel & SPA
Bu səhifənin səhifə silmə qaydasına əsasən silinə biləcəyi güman edilir. Əgər səhifənin silinməsinə dair etirazınız varsa, silinməyə namizəd səhifələr səhifəsində bu barədə fikrinizi bildirin. Müzakirə davam etdiyi müddət ərzində səhifədəki bu xəbərdarlığı silməyin.
Bu məqalə sonuncu dəfə 3 ay əvvəl Turkmenbot (müzakirə | töhfələr) tərəfindən redaktə olunub. (Yenilə) |
"Qalaaltı Hotel & SPA" — Azərbaycan Respublikasının Şabran rayonunun ərazisində yerləşən müalicə-istirahət kompleksi.[1]
Ərazisi redaktə
Kompleks Azərbaycanın qədim tarixi-mədəniyyət abidələrindən olan Çıraqqalanın yanında, sıldırım qayanın altında yerləşir.[1] Dəniz səviyyəsindən 700 metr yüksəklikdə yerləşən yeni kompleks məşhur "Qalaaltı" kurortunun bazasında inşa edilib.[1] Təxminən 7,1 hektar sahədə yerləşən kompleksdə 354 nəfəri qəbul edə biləcək otel, villa və kotteclər inşa olunub.[1]
Kompleksin yerləşdiyi ərazi gözəl və füsunkar təbiətə malik olmasına baxmayaraq, burada əlavə yaşıllıq da salınıb.[1] Ərazidə 48 növdə 1200-dən çox ağac əkilib, 15 min m² ərazidə yaşıl ot örtüyü salınıb.[1] Həmçinin uzunluğu 246 metr olan süni çay, fontanlar və şəlalə inşa edilib.[1] Uzunluğu 246 metr olan süni çay, fəvvarələr və şəlalə ziyarətçilərin istirahətini daha da maraqlı etməsi üçün hazırlanmışdır.[1]
Otelləri redaktə
Kompleksin otel binası ən müasir səviyyədə inşa edilib.[1] Buradakı 171 otaq hər təbəqədən olan qonaqlar üçün nəzərdə tutulub.[1] Oteldəki "Mənzərə" restoranı, "Lavanda", "Qala" və "Vitamin" barları qonaqların həm yüksək səviyyədə qidalanmaları, həm də asudə vaxtlarını daha maraqlı keçirmələri üçün geniş imkanlar açır.[1] Burada SPA xidmətləri də təqdim edilir.[1] Həmçinin hamam, sauna, türk hamamı, bio-sauna, masaj, buxar və ekzotik duş otaqları fəaliyyət göstərir.[1]
"Qalaaltı Hotel & SPA" kompleksində təbiətin qoynunda, ətraf mühitlə harmoniyada yaşamağa üstünlük verənlər üçün milli faunanın elementlərini özündə əks etdirən dörd kiçik otel binası da inşa edilib.[1] "Lalə", "Zanbaq", "Bənövşə" və "Mimoza" adlı bu otellərin hər birində 44 otaq var.[1] Daha dəbdəbəli istirahət arzusunda olanlar üçün isə villalar təklif olunur.[1] "Şahdağ" villası 5, "Kəpəz" və "Murov" villalarının hər biri isə 4 otaqdan ibarətdir.[1]
Tibbi mərkəz redaktə
Kompleksdə yerləşən tibbi mərkəz müasir avadanlıqla təchiz edilib.[1] Burada müasir laboratoriya, rentgen və ultrasəs müayinələri üçün lazımi şərait yaradılıb.[1] Mərkəzdə fizioterapiya o cümlədən , elektroterapiya, maqnitoterapiya, hidroterapiya, hidrokolonterapiya otaqları var.[1] Müasir avadanlıq sayəsində mərkəzdə 350 dən artıq çeşiddə diaqnostik müayinələrin aparılması mümükndür.[2]
Açılışı redaktə
Azərbaycan Respublikasının Prezidenti İlham Əliyev 8 avqust 2015-ci ildə kompleksin açılışında iştirak etmişdir.[1] Kompleksin rəmzi açılışını bildirən lenti kəsən Dövlət başçısı kompleksin kollektivi ilə görüşmuş, onlara açılış münasibətilə təbriklərini çatdırmış və onlarla xatirə şəkli çəkdirmişdir.[1]
Həmçinin bax redaktə
İstinadlar redaktə
- ↑ 1 2 3 4 5 6 7 8 9 10 11 12 13 14 15 16 17 18 19 20 21 22 İlham Əliyev “Qalaaltı Hotel & SPA” müalicə-istirahət kompleksinin açılışında iştirak edib Arxivləşdirilib 2016-03-05 at the Wayback Machine. president.az, 08.08.2015 (az.)
- ↑ ""Çıraq" tibb mərkəzi". 2019-04-23 tarixində arxivləşdirilib. İstifadə tarixi: 2015-10-02.